¹ Yesu nasinjira habundu yaho, natsia mutsingongo tsia ebuYahudi, injerekha wa Yorodani: abandu nibachaaka okhumukhaaba khandi, naye olwa yabalola nabechesia. ² Khandi AbaFarisayo nibeetsa nibamureeba mbu, Nobulayi omundu okhulonda omukhasi wuwe? Nabo bali nibamuteemanga. ³ Naye nabakalusia nabareeba, Musa yabalaka okhukhola shiina? ⁴ Mana nibamukalusia mbu, Musa yakhulaka okhumuhandichira ibarwa yokhulekhana, nende okhumuloonda. ⁵ Yesu nabakalusia nababoolera, Khulwa emioyo chienyu okhuba emitinyu, nishio eshichira nabahandichira endio. ⁶ Habutswa okhurula mubuchachiro bweshialo Nyasaye yalonga omusatsa nende omukhasi. ⁷ Khulwa eshifune shino omusatsa alalekha samwana nende nyina, mana alimaane nomukhasiwe. ⁸ Nabo babiri balaba omubiri mulala; shibalaba emibiri chibiri khandi tawe, habutswa omubiri mulala. ⁹ Khulwa eshifune yisho, shilia eshia Nyasaye alimasiiye halala, omundu shalabao owokhusalasia tawe. ¹⁰ Mana nibali munzu abeeka bebe bamureeba khandi khwikhuwa lieneyilo. ¹¹ Naye nabakalusia nababoolera mbu, Omundu yesi oulalekhana nende omukhasiwe,, mana nateshia owundi, akhola obuheyi ninaye. ¹² Khandi niyakhabao omukhasi yakhalekha omusatsa wuwe, mana ateshibwe nende owundi, yesi akhola obuheyi. ¹³ Mana nibamurerera abaana abatiti, mbu abatiire khwo: habutswa abeeka bebe nibabakondoshera balia abali nibabarerera. ¹⁴ Habutswa Yesu olwa yalola ario, shiyachamisibwa tawe, mana nababoolera, Leshe abaana abatiti betse khusie, ne shimulabekalira tawe: shichira obwami bwomwikulu nobwabo. ¹⁵ Enywe emuboolera obwatoto mbu, omundu yesi ouleyama obwami bwa Nyasaye shingana omwana omutiiti ta, shanyala okhwijiramwo tawe. ¹⁶ Nababukula nabachinga mumakhono ke, nabarakhwo emikhono nabasabira tsikhabi. ¹⁸ Naye Yesu namukalusia namubiira mbu, Khulwa shiina unanganga omulayi? abulao ouli omulayi tawe habula mulala, ouli Nyasaye. ¹⁹ Eyuwe wamanya amalako, Sholaheya ta, Sholeera ta, sholeeba ta, sholakalushira obubeyi ta, sholakatia ta, hesia so nende mamao oluyali. ²⁰ Naye nakalusia naboola mbu, Kano kosi ekakholanga okhurula mubwana. ²¹ Yesu namuyenga mana namuchama, namubiira mbu, Olemere eshindu shilala: Tsia, okusie bioosi ebia oli ninabio, mana ohesie abamanani, mana olaba nelibiishiro mwikulu: mana wiitse unondekhwo. ²² Mana nabeerera muno khu aka yali nauliire, natsia nali neshibeera: shichira yali nende emiandu eminji. ²³ Mana Yesu nayenga eyi nende eyi, naboolela abeeka be mbu, Bwakhabe obutinyu bufwana buriena khubalia abayiinda okhwinjira mubwami bwa Nyasaye! ²⁴ Mana abeeka bebe nibauchisibwa nende amakhuwa yako. Nebutswa Yesu nabakalusia, nababoolera mbu, Abaana, nobutinyu bufwana burie khu yabo abara obunayi bwabo mubuyiinda okhwinjira mubwami bwa Nyasaye! ²⁵ Nobwangu ingamia okhwinjira niyibirira mumuluu kwe isindani okhuyoomba omundu omuyiinda okhwinjira mubwami bwa Nyasaye. ²⁷ Yesu nabahenga nababoolera, Khubandu shikanyalikhana tawe; habutswa nende Nyasaye: okhuba nende Nyasaye ebindu bioosi binyalikhana. ²⁸ Mana Petero nachaka okhumuboolera, Lola, efwe khwalekha bioosi, ne khwakhulondakhwo. ²⁹ Mana Yesu namukalusia naboola, Toto mwene emuboolera. Abulaho omundu Kata mulala owamala okhulekha inzu, abasiani nende abakhana babo, nohomba samwana nohomba nyina, nohomba omukhasiwe, nohomba abanabe, nohomba omukunda, khulwa sie nohomba khulwa injili, ³⁰ Habutswa alanyoola eshichero sheimia khumia mubise bino, tsinzu, abasiani babo nende abakhana babo, nende bamama, nende abaana, kata emikunda, halala nende okhusandibwa; mana mushialo shitsanga obulamu bweinziayo. ³¹ Habutswa abanji abali abeimberi bakhabe abokhumalirikha; nabo abokhumalirikha bakhabe abamberi. ³² Mana olwa bali nibali khunjira nibachoomere eYerusalemu; mana Yesu natsia imberi wabo: mana nabo nibahuchisibwa: kata olwa bali nibamulondanga, bali nibariire. Nabukula khandi ekhumi na babiri nachaka okhuboolera ebindu bilia ebikhoyere bimwikholeshe khwo, ³³ Nababoolera mbu, Lole khutsitsanga mu Yerusalemu; ne Omwana wOmundu alahanwa mumakhono ka abakuhani, abakhulundu nende abahandichi; nabo balamukhalachira okhufwa, nibamuhana mumikhono chia Abamahanga. ³⁴ Nabo balamutsesherera, balamukhupa, nibamufutsa khwo amare, khandi balamwiira: ne khunyanga yakhataru yakhalamushe khandi. ³⁵ Mana Yakobo nende Yohana, abaana ba Zebedayo, nibamwitsira, nibaboola mbu, Omwami, ni wakhachama okhukholere fwe shilia shioosi eshia khunaya. ³⁶ Nabareeba, Nishiina eshia mwenya mbu emukholere? ³⁷ Nibamukalusia mbu, Khuhesie fwe mbu nikhwakhekhale, mulala omukhono omusatsa, naye owundi omukhono kwo omukhasi, muluyali lulwo olwitsanga. ³⁹ Nabo nibamukalusia mbu, Khunyala. Yesu nabakalusia nababoolera mbu, Toto mulanywa mushikombe shienyweramwo; kata okhubatisibwa nende ububatisibwi bwembatisibwa mwo: ⁴⁰ Habutswa okhwikhala omukhono kwanje omusatsa nohomba omukhono omukhasi shibiri ebianje okhuhana tawe; habutswa abeene yabo abakasiribwa nibo abakhahebwe. ⁴² Habutswa Yesu nabalanga ewa yali, mana nababoolera mbu, Enywe mumanyire mbu balia ababalwa okhuba abaruchi ba Abamahanga balolesinjia obwami bwabo khubo; nabo abakali babo balolesinjia obunyali khubo. ⁴³ Habutswa shikalaba kario hakarikari wenyu tawe. Yesi yesi owenya okhuba omukhongo wa boosi, alaba omukhalabani wa boosi. ⁴⁴ Ne yesi yesi oulaba omukhongo munywe, alaba omutiiyi wenyu. ⁴⁵ Shichira Omwana wOmundu shiyetsa okhurumushirwa tawe, habutswa okhurumukha, nende okhuhana obulamu bubwe shingana omusango khulwa abanji. ⁴⁶ Mana nibenjira muYeriko: mana olwa yali narulanga mwo nende abeka bebe nende omukanda omukhongo okwa abandu, omubofu Batimayo omwana wa Timayo, yali niyekhaale khundulo khwomuhanda nasabasabanga. ⁴⁷ Naye olwa yahulira mbu ni Yesu weNazareti oubiranga, nachaka okhulanga nomwoyo omukali, naboola, Yesu, yuwe omwana wa Daudi, umbeere tsimbabasi. ⁴⁸ Mana abandu abanji nibamukaya mbu aholere abe nomulembe: habutswa naye nilwa yalanjisia obutinyi po, Yuwe omwana wa Daudi, mbeera tsimbabasi. ⁵⁰ Mana naye nasukuna iyo ingubo yiiye, nabuukha, natsia ewa Yesu yali. ⁵¹ Yesu namukalusia, Nishiina eshia owenya ekhukholere? Omundu omubofu namukalusia mbu, Omwami, ndienya mbu enyoole okhulola. ⁵² Yesu namureeba mbu, Tsia, obusubiri bubwo bukhukholere omulamba. Habwene nabwene nanyoola okhulola, nalonda khu Yesu khunj