¹ Bulano khuboole sina khulondana nende Ibraimu, oli sefwe mungeri ya mubiri? ² Khulwo khuba nibili mbwe Ibraimu yabalirwa obulungifu khubirira mubikhole biaye, aba ali nende sifune sio khwefumia; arali khasi ni imberi wa Nasaye khaba. ³ Khulwo khuba amaandiko kaboola karie? Ibraimu yasubira Nasaye, ne nabalirwa obulungifu. ⁴ Arali khu muundu ula okholaanga emirimo, omuruungo kwaye khasi kubalwaanga mbwe ni sianwa khaba, arali kubalwaanga mbwe ni elikobi. ⁵ Arali khu ula omuundu arakhola emirimo, ne yasubira ula oberesianga obulungifu bala ababulamo obunasaye, obusubiri bwo muundu oyo bubalirwa obulungifu. ⁶ Kori ngolwa Daudi aberesania chikhabi khu muundu ula owa Nasaye abalira obulungifu obibula ebikhole ebikhole, ⁷ ni bechikhabi bala abalekherwa bikhole biabwe bimaanu, nende bala abe chimbi chiabwe chiarusibwao. ⁸ Ni weyikhabi omuundu ula owo Mwami aramubalirakho echimbi. ⁹ Bulano chikhabi echio chili khubala abakhebwa bongeni, kose nende khu bala abarakhebwa bosi? khulwo khuba khubolaanga mbwe obusubiri bwa Ibraimu bwabalirwa bulungifu. ¹⁰ Bulano yabalirwa arie? Namalire khukhebwa kose nasiri khukhebwa? khasi biali namalire okhukhebwa khaba, arali nasiri khukhebwa. ¹¹ Khandi yanyoola esilolero sio khukhebwa, esibalikho esio bulungikhi obwo busubiri, esiayali ninasio kata narakhebwa: mbwe abe samwana wa bala boosi abasubira, kata kario nibarakhebwa; mbwe boosi babalirwekho obulungikhi: ¹² Khandi abe samwana wo khukhebwa, ne khasi ni khu bala abarali abo khukhebwa sa bongene, arali khu bala boosi abakenderaanga mubusenero bwo busubiri obwa sefwe Ibraimu, obwa yali nabwo kata nasiri okhukhebwa. ¹³ Khubeera elilakano mbwe abe owobulaame bwe sialo, khasi liali khu Ibaraimu, kata khu lwibulo lwaye, khulwa amalako, arali khu obulungikhi obwo busubiri. ¹⁴ khubeera nibili mbwe bala aba malako ni bo bulaame, obusubiri nibwebikhaya, khandi elilakano liakholwa elirakhakhola esindu siosi. ¹⁵ Khulwo khuba elilako lirera elirima: khubeera owe lilako libula, obukholi bwe chimbi khasi buliwo khaba. ¹⁶ Khulwesio ni khubeera obusubiri, khulwo bukoosia; mukhumalirikha elilakano aundi liulirire khulwe imwo yoosi; khasi ni khulwa bala abamalako sa bongene, arali khu bala abali abo busubiri bwa Ibrahimu, oli sefwe fweesi. ¹⁷ Kori ngolwa kaandikwa mbwe, ndakhukhola okhuba samwana wa ebialo bingi imberi wa ula owasubira, kata Nasaye olamusia abafwa, khandi akhola ebiindu ebio bioosi ebiraliwo okhuba kori ebiliwo. ¹⁸ Naye yasubira khulindirira kala akarakhelinda, mbwe anyoole okhuba samwana wa ebialo bingi kori ngolwa kalomalomwa, mbwe olwibulo lwao luchia okhuba lurio. ¹⁹ Khandi nabula obudekhere bw busubiri, yabona omubiri kwaye okhuba kori okufwire, namalire okhusia emiaka kori imia, nende imbeera yo khufwa okhwa inda ya Sara. ²⁰ Arali khasi yakanakana mukhurasubira khulondana nende elilakano lia Nasaye, arali yarebwamo amaani mubusubiri, ne naberesia Nasaye oluyaali; ²¹ khandi yali nende obukhakiki mbwe Nasaye achia khusirisia kala akayali nalakire. ²² Khulwesio yabalirwa khuba omulungifu. ²³ Ne kala akabalirwa khuniye, khasi kaandikwa sa khulwaye yengene khaba; ²⁴ arali ni khulwa efwe fwesi, khandi kachia khubalirwa khwefwe abasubira mu ula owalamusia Omwami wefwe Yeso khurula mabafu. ²⁵ Omwene uno niye owarusibwa khulwo khubeera amabi kefwe, khandi yalamusibwa mbwe khunyoole khubalirwa obulungifu.