¹ Ne buli muundu arie oburuki obuli akulu. Okhuba bubulao oburali obwa Nasaye: oburuki buliwo bwosi bwarebwao nende Nasaye. ² Kho oyo yesi oyingananga nende oburuki ayingananga nende amalako ka Nasaye, ne abo abayingananga bakhanyoole obusasibwi. ³ Okhuba abaruki babula obubi nende emirimo milayi, arli emibi. Wakhekoomba okhaye khuria ula oli muburuki? Khola kala amalayi, nonafumisibwa ninaye. ⁴ Nomukholi wa Nasaye khwewe khulwa malayi. Naye nokhola amakhiamu, orie, okhuba khasi akinganga olugaanga ebikhaya. Okhuba nomukholi wa Nasaye, orungaanga amabi khulwa khulirisia oburima khwoyo omukholi wobubi. ⁵ Kho kenyekha orie, khasi nikhubeera khuria burima, arali khulwa mapaaro malayi. ⁶ Khulwa kene ako murungaanga omusolo: okhuba nabakholi ba Nasaye abachiririranga okhukhola emirimo kiene ekio. ⁷ Runga khu buli muundu ebienyekhana: omusoolo khu muundu womusoolo, oburosia khwoyo oyera, oburi khwoyo oyera, esiriibwa khu oyo oyera siriibwa. ⁸ Oraba nelikobi khu muundu yeesi, arali khukherana: Okhuba oyo okheraanga owasie yoleresia lilako. ⁹ Khulwa kano mbwe, orayeya, orera, oreeba,orakholanga obuloli bwobubacha, orekoombaanga; nende elilako lindi nililiwo, libusibwa alala mulikhuwa lino mbwe, onakheera owasio Kori ngolwa wekheera ewe mwene. ¹⁰ Obukheeri khasi bukholera owasio libi: Kho obukheeri nokhusirisia lilako. ¹¹ Ne mbwe nikhumanyirisia ebikha, mbwe bulano nebikha ebia khurula muchindoolo: Okhuba bulano obwonia bwefwe buli ambi khukhira ebikha biakhwasuubira. ¹² Esiro sioloberere,esideere siulire: khu korio khwefwalule ebikhole biesiriima, ne khwefwala ebiriniro biobulafu. ¹³ Khukeende mubwesikwa, nga musideere; khasi ni mubwekoombi nende obumeesi, simubwibi nende obuyeeyi, simubusoolo nende esikhalikhali. ¹⁴ Arali mwefwale Omwami Yeso Kirisito, ne murerusia khumubiri, khulwo khulirisia obwekoombi bwakwo.