¹ Basaba bulano, bakheerwa, khubirira musisa sia Nasaye, mbwe muberesanie emibiri kiengnwe ngesisakhiro silamu, esitakatifu, esifukirirwa khu Nasaye, obuli burumikhi bufukirirwa. ² Muraloonda ikhola eyo musialo sino: arali mukalukhanisibwe khulwo khukholwa amaparo kengwe buyakha, munyoole okhumanyirisia eliri lilayi, elifukirirwa, nende lienya lia Nasaye eliulirire. ³ Mboola, khubirira mubukoosia obwandaberesibwa, khu buli muundu oli akari weng'we, khulwo khurapara khukhirakho ngolwa okhoyere opaare; arali opaare noli mwaywe, okhulondana nende nga Nasaye yakhuba esikero sielisuubira. ⁴ Kori ngolwa khuli nende ebimeka biingi mumubiri mulala , ebimeka ebio boosi sibili nomulimo mulala. ⁵ Kho efwe, khuli bangi , ne khuli mubiri mulala mukirisito, ne buli mulala omusangirani wowasie. ⁶ Khulwo khuba nende ebianwa bikabukhane okhulondana nende obukoosia obwakhwaberesibwa, Kata nibuli obunabii lekha burusibwe khulondana nende sikero sielisuubira. ⁷ Kose oburumikhi, khulinde obukholi bwefwe: kose oyo owekesia, khukhwekesia; ⁸ Kose odinyisia, mukhudinyisia: ouberesania akhole mukhweduduya; oyo oruka, akhole nobwekenderefu; oyo owekesia esisa, mubuchachayafu. ⁹ Obukheeri burabamo obwekaadi. Lekhana nende elimaanu, dirira khulili elilayi. ¹⁰ Mukheerane mulala khuundi nende okhukhalabanirana; musiriibwa orangisie owasio. ¹¹ Muraba bakaara, abedinyirifu obo mumioyo; nimukholera Nasaye. ¹² Abasangaafu bomulichoomo; abesimirifu mubunyakhani; nimuchiririra mumasaayo; ¹³ nimuberesania ebiabatakatifu beenya, nimwingisia abakeni. ¹⁴ Muberesie chikhabi bala ababasaandia: Mubaberesie chikhabi ne murabachuba khaba. ¹⁵ Musangaale nende abasangaala, ne mulire nende abo abalira. ¹⁶ Mufukirisanie abene khu bene: murara mapaaro khubila ebili akulu, arali mufukirisanie nende abali abaasi. Muraba abakesi mumapaaro keng'we bene. ¹⁷ Oraruunga owasio libi khu libi. Mukhole akafukirirwa mumoni chia baandu. ¹⁸ Nibinyalikhana, okhulondana ninawe, menya mumuleembe nende abaandu boosi . ¹⁹ Abekheerwa muraruunga amabi, arali wekaye nende oburima: khulwo khuba kaandikwa mbwe oburima nobwange; Omwami aboola mbwe yakharuunge. ²⁰ Khu kario omusuku wao nali injala, mulisie, nali nobuluo mungwesie: khulwa khukhola orio onaba obusianga amaanda komuliro khumurwe kwaye. ²¹ orakhirwa nobubi, khira obubi mukhukhola malayi.