¹ Lunyuma lwa makhuwa kano koosi , Yeso yabodokhana Galilaya , khulwo khuba siyadakha okhuchia Buyudea sikera Bayaudi bakonyanga okhumwira . ² Naye omukholo kwa ya makhema kwali nikuli ambi . ³ Abasiani babwe bamala bamuboolere , ''Rula mumaloba kano ochie Buyudea , mbwe abeeka bao boosi banyale okhubona emirimo kiokholanga . ⁴ Abulao omuundu oukholanga sindu sioosi mukhwekisa niyenya okhumanyikha mubwakhakhu . Noli okhola ebindu bino , werusie alafu musialo .'' ⁵ Kata kario abasiani babwe bosi sibamusubira . ⁶ Naye Yeso namala nababoolera , Ebikha biange bisiri okhula , ne ebieng'we bikha biliwo buli lwosi . ⁷ Esialo sisinyala okhubasiula eng'we , sisiula esie khulwo khubera mbolanga obuloli bubola mbwe ebikhole bisirimo nebibi . ⁸ Eng'we muchie mumukholo : Esie khasinjia khulwo khubera ebikha biange bisiola .'' Niyakhamala okhubaboolera ⁹ amakhuwa kano , omwene yadong'a Galilaya . ¹⁰ Ne kata kario abasiani babwe nibali bakhamala okhuchia mumukholo , yesi yachia , mukhwekisa . ¹¹ Abayaudi bali nibamukonyanga mumukholo nende okhurebana , ''Ali ena ?'' ¹² Khwali nende amabuburo mangi akari womukanda khulondana ninaye . Abaandi babola , ''Nomundu mulayi .'' Naye abaandi babola ,'' khaba , alikhukosia nabacha abaandu .'' ¹³ Ne kata kario abulao muundu walomaloma mubwakhakhu khulondana naye khulwo khuria Bayaudi . ¹⁴ Ngolwa omukholo kwali nikuli akari , Yeso yachia muhekalu nachaka okhwekesia . ¹⁵ Abayaudi baukisibwa muno , nibabola , ''Omundu uno nomumanyi wa makhuwa maangi ? Ne khandi abula masomo .'' ¹⁶ Yeso yabakalusia nababoolera ari , ''Amekesio kandi ninako sinakange , arali nakoyo owanduma . ¹⁷ Omuundu yesi niyenya okhukhola elienya liaye , ananyola okhumanya amekesio kano , nikali mbwe karula khu Nasaye , kose ndebolanga omwene . ¹⁸ Ula owa mbolangakho omwene akonyanga oluyali lwaye mwene , naye ula akonya oluyali lwa oyo wamuruma , omuundu oyo nowadieri , khandi obumayanu bwoosi sibumulimo khaba . ¹⁹ Musa siniye yababeresia malako? Ne kata kario abulao khwing'we oukalondanga . Khu sina mukonyanga okhunjira ?'' ²⁰ Omukanda kwamukalusia , ''Oli nesikhieno . Niwina ukonyanga okhwira?'' ²¹ Yeso yabakalusia nababolera , ''Kholerekho sa omulimo mulala , nimwesi muli khuukisibwa ninakwo . ²² Musa yababeresia esikhebo sikali mbwe siarula khu musa , arali siarula khu baakuka, naye khandi mukheba omuundu inyanga ya Isabato . ²³ Nikakhaba mbwe omuundu akheberwe inyanga ya Isabato mbwe kario lilako lia Musa silifunakwe , khulwa sina mudirwe nende lirima khwisie khulwo khubera mbonesie omuundu inyanga ya Isabato ? ²⁴ Murakhalakanga musango ngolwa mubona , arali mubulungifu .'' ²⁵ Balala khu abo barula Yerusalemu barebana , ''Siali uno owa bakonyanga okhwira ? ²⁶ Lole , ali ano mubwakhakhu , alomaloma nende ichuoni , ne sibulao sia bamuboolera . Sibinyalikha mbwe abaruki bamanyire bwadieri mbwe uno niye Kiristo , binyalikha? ²⁷ Kata kario khumanyire ewa uno arula . Khumalakho Kiristo niyecha , abulao owakhamanye ayakhabe narulire .'' ²⁸ Yeso yakingula lidoboosi liaye akulu muhekalu , niyekesia naboola , ''Eng'we mwesi mumanyire khandi mumanyire andulanga . Sindecha khulwange omwene , arali oyo owanduma niwabwadieri , naye eng'we simumumanyire . ²⁹ Esie mumanyire khulwo khuba ndula khuniye ne niye owanduma .'' ³⁰ Bakonya nga bakhamudira , arali abulao yeesi owamurakho omukhono khulwo khuba ebikha biaye biali bisiri okhula . ³¹ Okhumalakho abaangi mumukanda bamusubira , naye nibamala nibereba mbwe , ''Oyo Kiristo niyakheche , yakhakhole ebilolero bikhira bia uno yakhakhola?'' ³² Bafarisayo baulira abaandu nibabwebwerana amakhuwa kano khulondana nende Yeso , omukukhani mukhongo khalala nende bafarisayo baruma basikari okhuchia okhumudira . ³³ Yeso yamala ababolere ari, ''Siri ninang'we khulwa bikha bididi , nibiakhabwa khoyera khukalukhira ulia owanduma . ³⁴ Mwakhangonye nisimwakhanyole : owesie njia , eng'we simwakhechayo .'' ³⁵ Bayaudi balomaloma abene khu bene , ''Anacha ena omuundu uno owa khuranyala khwamunyola? Anachia yeyunge Mubayunani basalana mani anyole okhubekesia Bayunani? ³⁶ Nilikhuwa sina lino liaboolere , ''Mbwe mwakhangonye nisimwakhanyole ; owanjia : eng'we simwakholayo ?'' ³⁷ Bulano khunyanga imalirikha , ila ikhongo yomukholo okwo , Yeso yema mani nalangirira , naboola , ''Omundu yesi ouli nobuluo lekhe yeche khwisie ang'we . ³⁸ Oyo yesi ousubirira , ngolwa maandiko kaboola , emialo kia maachi malamu kinakhulukusia khurula munda yaye.'' ³⁹ Khumalakho yaboola kano khulondana nende Roho , oyo owabala bamusubira bachia okhunyoola : kario Roho yali nasiri okhuberesanwa , khulwo khuba Yeso yali nasiri okhukingulwa. ⁴⁰ Obuungi bwa abo bali mumukanda , ngolwa baulira amakhuwa kano , baboola , ''Uno mubwadieri no munabii.'' ⁴¹ Abaandi baboola , ''Uno niye Kiristo . Ne kario abaandi baboola , ''Kiristo arula Galilaya? ⁴² Maandiko sikaboola mbwe Kiristo yakheche khurula khu lwibulo lwa Daudi khandi khurula Bethelehemu , olukongo lwa Daudi yamenyangamo?'' ⁴³ Khulwo , obukabukhani bwarulirao akari wabaandu okhulondana ninaye . ⁴⁴ Abaandi khu nibo badakha adirwe , arali abulao wamurakho mikhono kiaye . ⁴⁵ Abasikari bamala bakalukhe khu bakhongo ba bakukhani nende Bafarisayo , ne nibabareba , ''Khulwasina nimuramurera ?'' ⁴⁶ Ne abasikari nibabakalusia , ''Abulao omuundu wakhamala okhulomaloma nga uno.'' ⁴⁷ Khubera , Bafarisayo babareba , ''Mwesi mumalire okhubachwa? ⁴⁸ Balikhoo balala khubaruki kata mufarisayo bamalire okhumusubira ? ⁴⁹ Kata kario omukanda kuno kuramanyire malako , no kwesichubo .'' ⁵⁰ Nikodemu mulala khu mafarisayo oyo wamuchira esiro yababolera , ⁵¹ ''Amalako kefwe kakhalakira omuundu nasiri okhuulirwa nende okhumanyirisia esiakholanga?'' ⁵² Bamukalusia nibamureba bari , ''Wesi orula Galilaya? Konya mani olole mbwe abulao omunabii khurula Galilaya.'' ⁵³ Baandu boosi basakukha buli siamulala nachia ingo wae.