¹ Yeso yaboola makhuwa kano , nakingula chimoni chaye mwikulu , naboola , Baba , ebikha biakhola , beresia oluyali omwana wao , mbwe mwana wao yesi akhube oluyali . ² Ngolwa wamuba obunyali khu biosi ebiomubiri , mbwe aberesie obulamu buralibwayo khu boosi abawamuba . ³ Ne buno nibwo bulamu buralibwayo , bamanye ewe weng'ene Nasaye wabwadieri , nende Yeso Kiristo owa waruma . ⁴ Ndakhubersia oluyali musialo ; malire mirimo kiawanduma khukhola . ⁵ Ne bulano , Baba , mbe luyali alala ninawe mwene nende oluyali lulia olwandali nalwo ninawe esialo nisisiabao . ⁶ Ndamanyisia lira elio khubaandu abawamberesia musialo ; bali abao , nobamberesia , ne nibadira likhuwa liao . ⁷ Bulano bamanyire mbwe ebindu biosi ebiawamberesia ne biao . ⁸ Khulwo khuba ndababeresia amakhuwa kosi akawamberesia , ne basubirira mbwe wanduma . ⁹ Balamira ; sinamira esialo , arali abo abawamberesia ; okhuba nabao . ¹⁰ Ne boosi abange nabao , naye abao nabange ; nengingulibwanga munibo . ¹¹ Ne bulano sindi khandi musialo , naye bano bali musialo , ne njicha khwewe , Sefwe Mutakatifu , balinde khubirira mulira liao liene abo abawamberesia , mbwe babe mubulala , ngolwa khuli . ¹² Nindi ninabo musialo , ndabalinda mulira liao ; abo abawamba ndabalinda , abulao owakora , arali omwana wobukori ; mbwe liandiko liulirire . ¹³ Ne bulano njicha Khu ewe ; nebindu bino nomanoma musialo , mbwe banyole isangalo yange niyulirire munibo . ¹⁴ Mbaberesie likhuwa liao ; nesialo sibasiulire , okhuba sinabesialo , ngolwa siesi ndarali owesialo . ¹⁵ Sibasaira mbwe obarusie musialo, arali obakaye nende obubi . ¹⁶ Sinebesialo , ngolwa siesi ndarali owesialo . ¹⁷ Balabie okhubirira mubwadieri bwelikhuwa liao ; elikhuwa liao niliadieri. ¹⁸ Ngolwa wanduma musialo , kario siesi baruma musialo . ¹⁹ Ne khulwa nibo ndelabia , kario bosi balabisibwe okhubirira mubwadieri . ²⁰ Sisaira bano bong'ene khaba, ne kata balia abakhaasubirire okhubirira mulikhuwa liabwe ; ²¹ Mbwe babe silala ; ngolwa ewe , Baba , oli mwesie , nange mwewe , mbwe bosi babe silala mwefwe ; mbwe sialo simanye mbwe wanduma . ²² Naye oluyali lwawamberesia baberesia ; mbwe babe silala , ngolwefwe khuli silala . ²³ Esie munibo , nawe mwesie , mbwe bakholwe obolerefu mubulala ; mbwe sialo simanye mbwe wanduma, khandi wabakhera , ngolwa wakhera . ²⁴ Baba , ndekomba mbwe boosi , abawamberesia , babe ninasie ewandi ; mbwe balole oluyali lwange , olwawamba , khulwo khuba wakheera okhurula khuchaka khwe mise kiesialo . ²⁵ Ewe Baba omulungifu , esialo sisikhumanyire ; naye esie khumanyire , nebano manyire mbwe wanduma . ²⁶ Ne balandasirie liira liao , khandi ndalandasia; mbwe obukheri bulia obwawakhera ninabwo bube munibo , naye esie munibo .