¹ Bulano esiserero sia Pasika nisisiri okhuula , Yeso namalire khumanya mbwe ebikha biaye biokhurula musialo nachia owa samwana biulire , namalire khukhera abali baye musialo, yabakhera khuula khumalirikha . ² Esiakhulia esia ingolobe nisibwere , sietani namalire okhura elichomo liokhumukhoba mumwoyo kwa Yuda Iskarioti omwana Simoni , ³ Yeso _ namanyire mbwe samwana yara ebindu bioosi mumakhono kaye , Ne mbwe yarula owa Nasaye khandi akalukha khu Nasaye : ⁴ Yabukha khurula khusiakhulia sie ingolobe , nara indulo elijora lie ingubo yaye . ⁵ Niyakhamala ario yachukha amaachi mu ikaraya , nachaka okhwosia amakulu kabeeka nende okhubapangusia nende itaulo ya yali niyeboyere . ⁶ Ne olwayola khu Simoni Petero , ne Petero naboola , ''ewe omwami , wosie amakulu kange?'' ⁷ Yeso nakalusia namuboolera , akakhola bulano ewe okakororwe , arali wakhakamanye lunyuma lwa ano . ⁸ Petero namuboolera , ewe sonyala okhwosia makulu kange . Yeso namukalusia , nindarakhwosia , obula esimeka ninange . ⁹ Simoni Petero namuboolera , Omwami, sinamakulu kange kong'ane , arali amakhono kosi nende omurwe . ¹⁰ Yeso namuboolera , ''owosebwe siyenya elindi arali khwosia makulu , arali nomulafu buli abuundu: ne muli abalafu arali simwesi khaba.'' ¹¹ Okhuba yali namanyire onamukhoba : kario , yaboola simuli mwesi abalafu khaba . ¹² Kho niyakhamala okhubosia makulu , khandi niyakhabukula elijora liaye , niyakhekhala asi yababoolera ari , mumanyire eliandakhabakholera? ¹³ Munanganga mbwe omwimiriri nende omwami : ne mubolanga abwene , nilwo olwandi. ¹⁴ Nikakhaba omwami khandi omukhongo weng'we , ndakhosia amakulu keng'we , kenyekhana mwesi mwosanie amakulu . ¹⁵ Embaberesie esilolero , mbwe mukhole ngolwa bakholere . ¹⁶ Bwadieri bwadieri , babolera , omurumwa sakhira omwami waye : kata omurumwa sakhira owamuruma . ¹⁷ Nimumanyire kano , abasangafu neng'we nikali mbwe mukakhola . ¹⁸ Sibalomalomeranga eng'we mwesi : manyire owandalobola , arali mbwe maandiko kolerere , ulia olia nange mugaati akingulire sisiro siaye . ¹⁹ Bulano baboolera nikasiekholekha , mbwe , nikekholekha , mumanyirisie mbwe nesie . ²⁰ Obwadieri obwadieri ebaboolera , omufukirira yesi owaanduma afukirira esie , naye oufukirira esie afukirire owaanduma . ²¹ Yeso niyakhamala okhuboola ako , yanyakhana mumwoyo , narumbula ari, obwadieri obwadieri mbaboolera mbwe , mulala khweng'we acha khukhoba . ²² Lunyuma abeeka nibalingalana , omalala khuundi nibakanakana wina walikhubolanga . ²³ Omulala khubeeka baye owa Yeso yali yakhera yali namwesirirekho . ²⁴ Simoni Petero yamukingulira mukhono amurebe , owa yali nalomalomangakho . ²⁵ Nakonere khusirifu sia Yeso yamureba, omwami , niwina? ²⁶ Yeso nakalusia , niulia owa ndaberesia esironge nimalire okhuronga . Ne niyakhamala okhuronga sironge , yaberesia Yuda Iskarioti omwana wa Simoni . ²⁷ Olunyuma lwesironge sitani yamwingiramo , naye Yeso namuboolera ari , esiawenya khukhola khola lwangu . ²⁸ Abulao khumesa owali namanyire esiakera namulomalomera ario . ²⁹ Okhuba baandi bapara mbwe , khuba Yuda yali nomufuko kwelibikhiro , mbwe Yeso yali namubaliriranga okhukula ebiakhulia biesiserero , kose aberesiekho abamanani siindu . ³⁰ Niyakhamala okhunyola esironge yanguya okhurula erwanyi ; ne siali siro . ³¹ Olunyuma , niyakharula erwanyi, Yeso yaboola ari , bulano Omwana wo muundu aberesibwe luyali , naye Nasaye aberesibwa luyali muniye . ³² Nibiri mbwe Nasaye aberesibwa luyali muniye , Nasaye yesi achia khumuberesia oluyali muye mwene khandi achia ao nende ao okhumuba oluyali . ³³ Abaana badidi , siri ninang'we ebikha bididi , munangonya : ngolwandabolera bayaudi , mbwe ewanja , simwakholayo , bulano mbabolera. ³⁴ Elilako liyakha baberesia , mbwe mukherane , ngolwa ndabakhera , mbwe mwesi mukherane . ³⁵ Khulwa lino abaandu boosi banamanya mbwe muli abeeka bange , nimukherana ³⁶ Simoni Petero namuboolera , Omwami ochia ena? Ne Yeso namukalusia , ewanja simwakhanondakho bulano , arali mwakhanondekho lunyuma . ³⁷ Petero namuboolera , Omwami , esikira nikhaya khukhulonda ebikha bino nisina? Ndakharusie obulamu bwange khulwewe . ³⁸ Yeso yamukalusia , wakharusie obulamu bwao khulwange? obwadieri obwadieri , khubolera , idaywa sicha okhukholiokha , nosiri khundekana makhabi kadaru .