¹ Naye chindalo chisasaba Pasaka niisiri khuula Yeso yeecha Betania , Owa Lasaro yali , owali nafwire , yamulamusia . ² Nibamukaasiria esiakhulia esie ingolobe , Marita nabakhalabaniranga : Ne Lasaro nali omulala khu balia abali khumesa . ³ Maria namala nabukula iratili yamafura aka narido akobukusi bwaakulu , nabakha amakulu ka Yeso , niyeya nende lifwiri liaye , inyumba niyichula esing'ari sia amafura . ⁴ Ne omulala khubeeka baye , Yuda Iskarioti , omusiani wa Simoni , ochia okhumukhoba , naboola ari , ⁵ Nisina sikera amafura kano nikarakusibwa echdinari echimia chidaru , chiberesibwe abamanani? ⁶ Kano siyaboola khulwo khuba adeeba bamanani khaba , arali khuba yali omwibi , okhuba yali nomufuko okwa yabukulangamo ebirimo . ⁷ Yeso naboola , mulekhe abe , akholere ako okhulindirira indaalo yokhusikhwa khwange . ⁸ Okhuba buli lwosi muli nende abamanani , arali esie simuli ninasie buli lwosi . ⁹ Abayaudi baangi bamanya mbwe aliwo : kata kario sibeecha khulwa Yeso yeng'ene arali babone Lasaro yesi , owali nalamusibwe khurula mubafu . ¹⁰ Abakukhani bakhongo bakhobana ngabakhamwira Lasaro yesi : ¹¹ mbwe khulwo khubeera Abayaudi baangi bali nibabwao , nibamusubire Yeso . ¹² Oludalo lulondakho abaandu baangi bali becheere musiserero , olwababulira mbwe Yeso yali yecha Yerusalemu , ¹³ babukula amasafu kamakhindu , nibachia okhumubukananira , Nibayula , Hossana : noweikhabi Omwami omuruki owicha mulira lio omwami wa Isiraili . ¹⁴ Naye Yeso : olwayanyola omwana wa ipunda , niyekhalakho : ngolwa kaandkwa , ¹⁵ Oraria , omukhana wa Sayoni : lola , Omuruki wao yeecha niyekhale khumwana wa ipunda .'' ¹⁶ Mukhuchaka abeeka baye sibamanyirisia amakhuwa kano , okhuula olwa Yeso yakingulibwa , nibamala nibamanyirisia mbwe ebiindu bino biandikibwa okhulondana ninaye , ne mbwe bali bamukholera amakhuwa kano . ¹⁷ Khu kario abaandu balia abali ninaye nabusia Lasaro khurula , musirindwa , namulamusia khurula mubafu bali nende obuloli. ¹⁸ Khulwe esifunane sino abaandu babukanana ninaye , okhuba babulira mbwe yakhola esiamakana sino . ¹⁹ Abafarisayo nibamala nibabolerana bari , ''Mubona nga muranyala okhukayira sioosi? esialo sioosi simulondere.'' ²⁰ Munibo balimo Abayunani balala abali beechere okhumwinamira musiserero . ²¹ Beene abo beecha khu Filipo , owali wa Betasaida yebugalilaya , bamwekomba , nibaboola , omukhongo , khwenya okhulola Yeso. ²² Filipo yeecha naboolera Anderea : khandi Anderea nende Filipo baboolera Yeso . ²³ Ne Yeso nabakalusia , naboola , ebikha biakhoola , mbwe Omwana wa omuundu akingulibwe. ²⁴ Bwadieri , baboolera eimwo ye ingano nirakwa muloba yafwaa , idong'anga sayong'ne : arali niifwa , yibulanga ebiamo biingi . ²⁵ Oyo oukhera obulamu bwaye alibukosia : naye oyo osiula bulamu bwaye musialo muno alibuwonia okhuula mubulamu buralibwayo . ²⁶ Omuundu yesi nakholera , anonde , ne ewandakhabe, nindi , omukholi wange yesi yakhabeo : omuundu nakholera , Baba wange anamuba siribwa . ²⁷ Bulano omwoyo kwange kunyakhana , ni mbole sina? Baba , mbonie mubikha bino : ne khulwo khubera omulimo kuno , ndi mubikha bino . ²⁸ Baba kingula , lira liao . Ne idobosi niirula mwikulu , niliboola , malire okhilikingula , khandi , ndalikingula . ²⁹ Kata kario abaandu , bali nibemereo , olwababulira , baboola mbwe yadulukha : bandi nibaboola bari , malaika yamulomalomera . ³⁰ Yeso nakalusia naboola , Idobosi lino silichire khulwange , arali khulweng'we . ³¹ Bulano nebikha biesialo khukhalakirwa : bulano omuruki wesialo sino anasukunwa erwanyi . ³² Naye esie , ningingulibwa khurula khusialo , ndarera baandu boosi khwesie . ³³ Kano yaboola , khulwokhumanyisia elifwa lia akhoyere afwe . ³⁴ Abaandu nibamukalusia , khwabulira khurula mulilako mbwe Kiristo abao chinyanga chioosi : nawe okenda orie waboola mbwe , omwana wo muundu akhoyere akingulibwe? Omwana wo muundu uno ni wina? ³⁵ Ne Yeso Nababoolra , bisiri ebikha bididi ebiobulafu khuba ninang'we . Mukende nimusiri nobulafu , esirima sirabechakho : okhuba oyo okendera musirima samanyire ewa achia . ³⁶ Nimusiri mubulafu , musubirire mubulafu , mbwe mube abaana bo bulafu . Yeso yaboola bino , narulao , namala nabekisakho . ³⁷ Naye kata niyali nakholere ebiamayia biingi imberi wabwe , basiri si bamusubiramo . ³⁸ Mbwe elia omunabii Isaya yaboola liulilire , naboola , ''Omwami ,wina owasubira elikhuwa liefwe ? , naye omukhono kwa Nasaye kwafunulirwa wina? ³⁹ Khu kario sibali basubirira , ngolwa Isaya yali khandi naboolere : ⁴⁰ Yoofusia chimoni chiabwe , khandi niyomirania emioyo kiabwe : mbwe baralola nende chimoni chiabwe , kose okhubulira nende emioyo kiabwe , mbwe bekalukhanie , male baonie . ⁴¹ Kano Isaya yaboola , nabwene oluyali lwaye , namulomalomere . ⁴² Kata kario mubaruki bakhongo baangi bamusubiramo : Ne khulwo khubera bafarisayo sibamwerumbulira , bamala barusibwa musinagogi . ⁴³ Okhuba bakheera ifuma ya baandu khukhira ifuma ya Nasaye . ⁴⁴ Yeso yalira naboola , oyo osubiriramo , sasubirire mwesie , arali lia owanduma . ⁴⁵ Naye oyo oundola , alola owanduma . ⁴⁶ Ndeecha ngobulafu musialo , mbwe oyo osubiriramo aradong'a musirima. ⁴⁷ Naye omuundu nabulira makhuwa kange , ne sasubirira , simukhalakira khaba : okhuba sindeecha okhukhalakira esialo , arali okhusionia . ⁴⁸ Oyo okhaya , ne safukirira makhuwa kange , ali nende omukhalakira : elikhuwa lianomanome , elio nilio liakhamukhalakire oludalo lumalilikha . ⁴⁹ Okhuba sindelomalomere , arali khulwa Baba owanduma , yamba elilako , kalia akakhoyeere mbole , nende akakhoere nomanome . ⁵⁰ Ne manyire mbwe elilakano liaye nobulamu buralibwayo ; Kario ngolwa Baba yamboolera , nilwo olwanomanoma .