¹ Chinyanga churano nichiakhabwa Anania omukukhani mukhongo nga bakholomokha asi nende abakofu, khandi nende omulomalomi owalangwa mbwe Tertulo, abamuboolera omuruki obubi bwa Paulo. ² Nga bamulanga mbwe yeeche, Tertulo yachaaka okhuboola obubi bwa Paulo, naboola ari, lingera mbwe nikhuli nawe khusangalira okhunyojola omulembe omukhongo, khandi mumalako kao ebikhole bilayi biri khwekholanga musialo sino. ³ Khubifukiriranga abaandu fweesi, ewe Filikisi owoluyali, nende okhwebasia khwoosi. ⁴ Khubeera mbwe khaye okhunyoolesia lukali, khusaba mbwe muluyali lwao onyale okhururekeresiakho khu makhuwa madiidi. ⁵ Khulwa khubeera khwanyoola mbwe omuundu uno nomulianga, khandi osalanianga obuchunjubani akari wa Bayaudi musialo sioosi, khandi niye omwimirisi wa omukanda kwa idini ya Banasarayo. ⁶ Khandi yachia imberi okhubakha omukwobo likanisa; khwamudiira, khwali khudakhire okhumukhalakira okhulondana nende amalako kefwe. ⁷ Arali omukhongo wa basikari Lisia yecha khwefwe mani mundoboyo ikhongo yarunyula Paulo mumakhono kefwe namurusiao. ⁸ Nakhalakao mbwe balia abali nende omusango nende Paulo beche khwewe; mbwe ewe mwene omurebe marebo mani okhumanya mwene akakera , nikhumurakho musango. ⁹ Abayaudi boosi bafukirira mbwe amakhuwa ako kali kario. ¹⁰ Lunyuma Paulo olwa omuruki yamukingulira omukhono mbwe alomalome, Paulo yakalusia mbwe, manyire mbwe, wakhaba omukhalaki musialo khumiaka mingi, ndeyosia mumusango kuno mwene nende omwoyo kuli nende busangafu. ¹¹ Khubera ndakha omanya mbwe, chakhabwa chinyanga ekhumi nende chibiri khurula nga ndaniina okhuchia Yerusalemu okhulaama. ¹² Mani khasi banyolakho mulikanisa ninyingananga nende omuundu yesiyesi, kose khureera indoboyo mubaandu, kose muchisinagogi, kose momadokho. ¹³ Kata khaba khasi banyala okhura abulafu, amakhuwa kakera nibandakho omusango ¹⁴ Arali lino khweyamira, mbwe muingira yabalanganga amekesio amabi, mungira eyo niyo owandamanyirakho Nasaye wa baaba bange, nisubira ebindu bioosi biandikwa mumalako nende mubanabii l. ¹⁵ Khandi ndi nende elinaya khuNasaye, elia boosi bafukirira mbwe khulibao nende obulamusi bwa bafu, khu boosi abalungifu nende abarali abalungifu . ¹⁶ Bulanu ndi okhwenasia omwene mbwe mbe nende lisubira lirali nende imbi imberi wa Nasaye, nende abaandu. ¹⁷ Bulanu lunyuma lwa emiaka mingi ndeecha okhureera ebianwa khusialo siange. ¹⁸ Abwene ao Abayaudi bandi khurula Asia banyoola nibandabiisie mulikanisa, khasi ndali nende omukanda mukhongo kwoosi okwa baandu, kose indoboyo. ¹⁹ Abakhabere ano imberi wao, okhundaakho omusango nikali mbwe bali nende elikhuwa liosiliosi nasie. ²⁰ Khu kose lekha abali ano bano baboole, nikalimbwe banyoolerekho nende imbi yosi yosi eyandakhola, nga ndema imberi wa olukhiikho. ²¹ Arali ni idoboosi ndala sa ila, eya ndema akari wabwe, eyidiire khubulamusi bwa bafu niyo eyikera nindi mumusango imberi wao inyanga ino. ²² Bulanu nga olwa Filikisi yabulira amakhuwa kano, okhubeera yali nende obumanyirisi obulayi bweingira eyo, yabasidia imberi, namala naboola ari, Lisia omukhongo wa akulu wa basikari nachia okhwicha, njia okhumanya mubwichufu okhulondana nende amakhuwa keng'we kano. ²³ Yamala nalakirisia omusikari mbwe amulinde Paulo, khandi alekhe Paulo abe nende obulekhule, khandi arakaira abecha ba Paulo okhumukholera kosi kata okhwicha owa Paulo ali. ²⁴ Lunyuma lwechinyanga lebe, kori Filikisi yeecha nende omukhasi waye Durusila owali muyaudi, yaruma mbwe Paulo yeeche, mani namurekeresia khulondana nende obusubiri mu Kirisito Yeso. ²⁵ Ne nga olwa Paulo yekesia khulondana nende obulungikhi nende ingeri ya okhuba nende sikero muyikhola, nende inyanga ya obukhalaki eyicha filikisi yarengerekha, nakalusia ari, bwao ebikha bino ,nindaba nende esikha sio mulembe, njia okhulanga . ²⁶ Yali aparire mbwe achia okhuberesibwa esende nende Paulo, mbwe anyale okhumulekhuula; bulanu yalanganga Paulo buli buli, nalomaloma naye. ²⁷ Arali emiaka kibiri nikiakhabwa, Filikisi namwingisia Porkio Festo aruke mubweyango bwaye; bulanu Filikisi yadakha okhusangasia Bayaudi, yamulekha Paulo naboyerwe.