¹ Abakheerwa nende ababaaba, mubulire nga ndeyosia okhurula mumusango kuno khu eng'we. ² Nga babulira nalomaloma nabo mululimi lwabaeburania, babuleera chi naye naboola. ³ Esie ndi omuundu muyaudi,ndebulwa Tariso, elidokho liri mu Kilikia, arali ndakhusibwa mulidokho lino asi wa makulu ka Gamalieli, ninjekesebwa ebilayi amalako aka baseefwe, khandi ndali nderusia khu Nasaye, kori olwa mwesi muli inyanga ino. ⁴ khandi ndasandia abasacha nende abakhasi abeingira ino okhuula muliifwa, nimbaboya nende okhubayira mumboyero. ⁵ Kori kata omukukhani mukhongo anyala okhurusia obuloli, nende abakofu bolukhikho bosi, aba ndanyoolangakho chibarwa okhubayirira abakheerwa Damasiki , mbwe barere balia abali Yerusalamu, abali niba boyerwe mbwe banyoole okhuberesebwa sinyaasio ⁶ Bulanu biecha biaba mbwe, nga ndali nindi khungira nindi ambi okhuula Dameski ebikha bia esideere, mwikhwichukhana obulafu bukhongo okhurula mwikulu bwadukha nibumbodokhana. ⁷ Ndamala ningwa asi, ndabulira idoboosi ni imboolera Sauli Sauli, khulwa sina oli okhusaandia?. ⁸ Nange ndakalusia, newe wina omwami? Naye namboolera ari nesia Yeso wa Nasareti owa osandianga. ⁹ Kata balia abali nange boosi balola obulafu, manu nibaria; arali khasibabulira idoboosi ya ulia owalomaloma nasie. ¹⁰ Ndamala nindeeba, khole sina omwami? Omwami nambolera, singira manu ochie Damaski, mani ebwene eyo ochia okhubolerwa amakhuwa kooisi akokwanirwa okhukhola. ¹¹ Bulanu nga olwa ndali nindaranyala khulola okhubera oluyali lwa obulafu bulia ndadirwa omukhono nende balia aba ndali nabo, ndola Damaski ¹² Omuundu mulala owalangwa mbwe, Anania omulobole werusia okhulonda amalako , awali nende obuloli bulayi khu Bayaudi boosi abamenya eyo. ¹³ Yeecha owa ndali, mani niyema namboolera, omusiani wefwe Sauli, nyoola okhulola khwao, mani musikha siene esio ndalinga akulu nimulola. ¹⁴ Yamala naboola, Nasaye wa baba befwe akhuloboole ewe, mbwe onyoole okhumanya elienya liaye, khandi mbwe olole ulia omulungikhi, mbwe khandi onyoole okhubulira idoboosi ya omunwa kwaye. ¹⁵ Khubera ochia okhuba omulolera waye khu baandu boosi khulwa kalia akawalola nende okhubulira. v 16 Bulanu okhindanga sina? singira onyoole khubatisibwa, woosie echimbi chao mukhulanga elira liomwami. ¹⁷ Bulanu biecha biaba mbwe nga ndachia khandi Yerusalemu, kata nga ndali ninaama mulikanisa, ndali mungeri yomwoyo mutakatifu olubuchu lwabiramo . ¹⁸ Ndamulola namboleranga, fukiririra,orule Yerusalemu lwangu, khubeera khasi bachia okhufukirira obuloli bwao okhulondana nende esie. ¹⁹ Nange ndaboola, omwami, bamanyire mbwe esie ndaboya nende okhukhuya boosi abali mu isinagogi nibakhusubira. ²⁰ Bulanu nga amabanga ka omulolera wao Stefano kedisibwa, siesi ndali ninyemere ambi ao, nindola okhufwa khwaye, khandi ninindire chingubo chia baandu bamwiira. ²¹ Naye yambo!olera bwao, khubeera njia okhuruma ale khubanasialo.. ²² Mani nibamurekeresia khu likhuwa lino, nibamala nibakinguka chidobosi kabwe, nibaboola, mumaloe omundu nga uno khusialo, khubeera khasi akhoyera okhumenya dawe. ²³ Mani ngolwa bali bayokeranga nend khwefwalula chingubo chabwe nende khutupa akulu olufu mumiyaka. ²⁴ Omukhongo wa basikari yalakirisia bamuyire musiembekho, naboola ari bamurebe marebo nende okhumukhuya chikhoba, mbwe amanye esiakera baandu nibamubira esioka bario. ²⁵ Bulanu nga bali nibamuboya nende emikoye, Paulo yaboolera omusikari owali niyemere ambi mbwe, biri mumalako okhumukhuya omundu omuroma nasiri, okhola omusango?. ²⁶ Nga omusikari oyo yabulira ako, yecha naboolera omusikari mukhongo mbwe, manyirisia aka okhola; khubeera omundu uno nomuroma. ²⁷ Lunyuma omusikari mukhongo yecha, namuboolera omboleere, ewe oli omuroma; yakalusia ari eee. ²⁸ Ne omukhongo wa basikari yakalusia mbwe, ndanyola obulekhule buno nende obukusi bukhongo. Paulo naye yabola ari, nange ndi omuroma mukhwibulwa. ²⁹ Mani mulwangu abali badakha okhumureba amarebo babwao nibamulekha kata omukhongo wa basikari yali omuri nga yamanya mbwe Paulo yali omuroma, khandi khubeera mbwe yali namuboyere nende mikoye . ³⁰ Inyanga yakhabiri nadakha okhumanya obwadieri khulwasina yakhalakiirwa omusango nende Bayaudi bamubolola mikoye, nalakirisia abakukhani bakhongo nende olukhiikho lwabwe mani namurera Paulo namura imberi wabwe.