¹ Biecha biaba mbwe, nga khwecha khwalekhana ninabo khwanina eliaro manu nikhula koosi, inyanga yalondakho khwoola Rode , nikhwarula ao khwola Patara. ² Khwanyolayo imeli yali yambukha okhuchia Foinike khwengiramo nikhuchaka lukendo. ³ Nga olwa khwalola Kipro, khwailekha elubeka wa omukhono mukhasi, nikhudira olukendo okhuchia Shamu, nikhwikha Tiro: khubera ao imeli yali idakha okhwikhia emikuku. ⁴ Nga khwanyola abeki khwamenya ao chinyanga saba; Abeki abo baboolera Paulo khubirira mu rokho omutakatifu, mbwe araniina yachia Yerusalmeu khaba. ⁵ Manu nga olwakhwamalayo chinyanga echio, khwabwao; nende abakhasi nende abaana khuula kori khwachia erwanyi wa elidokho; manu nikhumala nikhusigama asi khundulo we inyanja, nikhulaama. ⁶ Ne nga khwamala okhusebulana ninabo, khwaniina imeli, nabo khandi nibakalukha ingo, ⁷ Bulanu nga khwamala olukendo lwefwe okhurula Tiro khwecha Tolemai, khwakhesania nende abakheerwa, manu nikhumenya ninabo inyanga ndala. ⁸ Inyanga yalondakho efwe abali mumukanda kwa Paulo khwabwao, nikhuula Kaisaria; khwamala khwengira munyumba ya Philipo omwinjilisiti, owali omulala khu bayaali saba, khandi khwamenya naye inyanga ndala. ⁹ Omundu mwene oyo yali nende abaana baye bakhaana bane abasisira, abakholaanga obunabii. ¹⁰ Bulanu nga khwachiririra okhumenya eyo chinyanga chinyingi, omundu yeecha okhurula Yudea omunabii, owalangwa mbwe Agabo. ¹¹ Manu nga olwayecha owakhwali yabukula olukhoba lwomusibuno olwa Paulo, niyeboya omwene amakhono kaye nende amakulu, naboola mbwe, bulanu rokho mutakatifu,aboola mbwe, Abayaudi ba Yerusalemu bachia okhuboya omwene oluboyero luno barii, nibakhamala banamuyira mumakhono ka banasialo. ¹² Manu nga olwakhwabulira amakhuwa kano, efwe nende aba olukongo olwo, bamwekweeda mbwe arachia Yerusalemu dawe. ¹³ Paulo naye yabakalusia, mukhola sina esio okhulira nende okhufwisia omwoyo? khubera ndi omwerekekhe, sikali sa mbwe okhubaria abamboya, arali nende okhufwira Yerusalemu khulwa eliira lia omwami Yeso. ¹⁴ Bulanu nga olwakhwamwekweeda nakhaya, khwalekha, nikhuboola khuri, elienya lia Nasaye liekholekhe. ¹⁵ Lunyuma lwe chinyanga echio khwabukula emikuku kiefwe, nikhuniina okhuchia Yerusalemu. ¹⁶ Abeki ba Kaisaria bandi bosi bachia nafwe, bamubukula Mnasoni wa Kipro, owali omweka mukhale, owakhwali mbwe khuchia okhumenya owaye. ¹⁷ Nga khwola Yerusalemu, abakheerwa boola barwingisia ebilayi. ¹⁸ Inyanga yalondakho Paulo yachia nende naafwe owa Yakobo; manu abakofu bosi baliwo. ¹⁹ Bulanu nga olwa yabakheesia, yamala nababoolera amakhuwa koosi aka Nasaye yali nakholere, mubukholi bwaye akari wa banasialo. ²⁰ Manu nga olwababulira ako, baberesia omwami oluyali, nibaboolera Paulo mbwe lole ,omukheerwa ni chilifu chinga echia Bayaudi eyo echisubiire, ne khandi kata kario boosi badira amalako. ²¹ Khandi bamala khuboolerwa okhulondana nawe, mbwe, wekesianga Abayaudi boosi abasasana nende Abanasialo mbwe balekhe Musa, nobolangaa mbwe khasi bakhoyere okhukheba abaana babwe, kata barakendera mumilukha kiabwe khaba. ²² Bulanu nisina? biri mbwe banabulira mbwe wichire. ²³ Bulanu khola kano akakhuboolera, baliwo abaandu bane ababoywa nende elilakano. ²⁴ Babukule, manu welabie alala nabo, manu okinge obukusi, bwokhubeka emirwe kiabwe, mbwe abaandu boosi banyoole okhumanya mbwe amakhuwa koosi, akababoolerwa okhulondana nawe, khasi nesindu dawe, arali ewe mwene okendanga bilayi, khandi wadiira amalako . ²⁵ Arali okhurula khu banasialo bali okhusubira, khumalire okhwandika manu khufukirisanie mbwe beliinde nende bindu birusibwe omusango khubifwanani nende okhulia amabanga, nende okhulia abindu biemikire nende obuyeyi. ²⁶ Lunyuma Paulo yabukula abaandu abo, inyanga yalondakho yelabia nende abaandu abo abengira mulikanisa, okhumanyisia okhusirisibwa khwa inyanga ya okhwelabia, manu esianwa sirusibwe khu buli sia mulala wabwe. ²⁷ Bulanu chinyanga saba nga chiali nichili ambi okhubwa, Abayaudi bali ba ikhola ya Asia, nga bamulona Paulo mukanisa, bakhola abaandu boosi okhurera indoboyo, nibamudira. ²⁸ Nibakhola sioka, bari abaandu ab Isiraili, murukhonye, uno niye omundu, owekesianga abaandu boosi amakhuwa kakhayana nende abaandu befwe, nende amalako kefwe, abundu ano, khandi yachia imberi okhurera Abayaudi mukanisa, manu khandi abakhira mukwobo abundu ano owabunasaye buli. ²⁹ Khubera bali nibambwene ninaye mulodokho nali nende Trofino mwefeso owabaparirisia mbwe Paulo yali namurerere mukanisa. ³⁰ Manu lidokho liosi nilibukha, abaandu bosi niberukhira alala nibachia nibamudira Paulo, nibamala bamurusia mukanisa manu mulwangu bekalao emiliango. ³¹ Kori olwabali nibakonyanga khumwira, amakhuwa kamuulira omukhongo we simeka silala sia basikari mbwe Yerusalemu yoosi yali mundoboyo. ³² Nga yabukula abasikari nende abakhongo babwe, niberukha khuchia asi owabali, nga olwabalola omukhongo wa basikari nende abasikari, balekha okhukhuya Paulo. ³³ Lunyuma omukhongo ba abasikari yasuda ambi, nareba mbwe Paulo yali wina, khandi akolere sina?. ³⁴ Bulanu bandi bayula nibaboola kano, abandi nibaboola kandi, akari wa omukanda; bulanu nga yakhaya okhunyola obwadieri bwa indoboyo,, ya.khalakao mbwe bamukinge bamuyire musiumbakhe. ³⁵ Nga bamuusia khumuniniro kweinyumba, abasikari bamubukula okhubera indoboyo yomukanda kwa abaandu. ³⁶ Okhubeera omukanda kwa baandu kwali nikumulondaonga , nibayula bari, afwe. ³⁷ Nga olwa Paulo yali niyengisibwa, yaboolera omukhongo wa basikari ari, nyala okhulomalomakho nawe? naye namureeba, omanyire Luyunani? ³⁸ Ewe khasi newe omumisiri, ulia owa chinyanga chino nichisiri okhuula owarera indoboyo, manu niwimirira abaandu okhubengisia musichiimi abaandu chilifi chine abali abeeri? ³⁹ Arali Paulo yaboola ari, esie ndi omundu omuyaudi okhurula Taso, elidokho lia kilikia, omwibulanwa wa elidokho lirali lidekhere, bulanu khwekweeda, onjamire nomanome nende abaandu. ⁴⁰ Manu nga olwa yamuberesia ibarwa, Paulo yasingira niyema khungaasi, nakingulira abaandu omukhono. Nga obabuleesial,lomaloma nabo mulweburania, naboola.