¹ Abakheerwa, murasubira buli iroho, arali muteeme echiroho echio, nibili mbwe chirulana nende Nasaye; khulwo khubeera abanabii bo bubacha abangi barulireo musialo. ² Khulino mwamumanya Roho wa Nasaye, buli roho afukirira mbwe Yeso Kirisito yeecha mumubiri arulana nende Nasaye. Naye buli roho arafukirira Yeso khasi arulana nende Nasaye. ³ Ne uno niye roho owo mukhayi wa Kirisito owamwabulira mbwe yeecha; Ne bulano amalire okhuba musialo. ⁴ Eng'we, abaana badidi, murulana khu Nasaye, nang'we mwamukhira, khulwo khubeera oyo oli mukari mweng'we nomukhoongo okhukhira oyo oli musialo. ⁵ Abo ni besialo; khulwe sio balomaloma ake sialo, ne esialo sibabulira. ⁶ Efwe khurulana nende Nasaye. Oyo omumanyire Nasaye arubulira; Oyo orarulana nende Nasaye khasi arubulira. Mulino khumanyire Roho wo bwadieri nende roho wo bukori. ⁷ Abakheerwa, khukherane abene khu bene, khulwo khuba Nasaye nobukheeri, ne buli mulala okheera nomwibulwe wa Nasaye, he amumanyire Nasaye. khulwa khubera obukheri burula khu Nasaye, ni buli okhera yebulwa nende Nasaye. ⁸ Oyo orakhera khasi amanyire Nasaye, khulwaoo khubeera Nasaye nobukheeri. ⁹ Mubukheeri bwa Nasaye buno obwabonekhana khwefwe, khulwo khuba Nasaye yamuruma Omwana waye mudeerwa musialo mbwe khunyoole okhumenya muniye . ¹⁰ Buno nibwo obukheeri, khasi bili mbwe efwe khwakheera Nasaye, arali mbwe yie yarukheera efwe, namuruma Omwana waye okhuba omwambaani we chimbi chiefwe. ¹¹ Abakheerwa nibili mbwe Nasaye yarukheera, biruyiika efwe fwesi khukherane abene khu bene. ¹² Abulao omuundu owabona Nasaye ebikha bioosi. Nikhukheerana, Nasaye yekhala mukari mwefwe, ne obukheeri bwaye bulirira mukari mwefwe. ¹³ Mulino khumanyirisie mbwe khumenyere mukari mwaye, naye mukari mwefwe khulwo khubeera yaruberesia Roho waye. ¹⁴ Ne efwe khubwene khande khurusia obuloli mbwe Sefwe yamuruma Omwana okhuba omuonia we sialo. ¹⁵ Buli ofukirira mbwe Yeso nomwana wa Nasaye, Nasaye amenya mukari mwaye, naye mukari mwa Nasaye. ¹⁶ Nafwe khumanyirisia obukheeri bwa Nasaye ali ninabwo khwefwe, nende khubusubira. Nasaye ni obukheri, naye omenya mubukheri, amenya mukari mwa Nasaye naye Nasaye amenya mukari mwaye. ¹⁷ Khulwesio mubukheri buno bwoserisibwa khuefwe, mbwe khube nende ichuoni mu inyanga yo bukhalaki; khulwo khuba, nga olwa yie ali, nilwo olwa efwe fwesi khuli musialo muno. ¹⁸ Obukheeri obuli obwolerefu burusianga erwanyi oburi, khulwo khubeera oburi buli nende esinyasio; naye oli nende oburi siyoleresibwa mubukheeri. ¹⁹ Efwe khwamukheera khulwo khubeera yie yarangira orukheera efwe. ²⁰ Omuundu naboola mbwe ndamukheera Nasaye, ne yamusiula omusiani wabwe, nomubaacha; khulwo khubeera oramukheera omusiani wabwe owa yie alola, khasi anyala omukhera Nasaye owaralola. ²¹ Ne esilagiro sino khwaberesibwa ninaye, mbwe oyo omukheera Nasaye, amukheere nende omusiani wabwe.