¹ Lingeere nibukheeri buli burie obwa Sefwe yaruberesia mbwe khulangwe abaana ba Nasaye, ne nilwo olwa khuli. khulwo khuba eliene lino, esialo khasi siarumanya, khubeera khasi siamumanya ye. ² Abakheerwa, bulano khuli abaana ba Nasaye, ne bisiri okhulolekhana ngolwa khuchia okhuba; arali khumanyire mbwe nachia khwicha, khuchia khufwanana naye; khulwo khubeera khwakhamulole kori ali. ³ Ne buli oli nende linaaya lino muye, yelabianga, ngolwa ye ali omutakatifu. ⁴ Buli okhola imbi, akhola obukhayukhi; khulwa khubeera imbi nobukhayi. ⁵ Ne eng'we mumanyire mbwe ye yalolesibwa, mbwe arusieo echimbi. Ne chimbi khasi chili mukari mwaye. ⁶ Buli owikhala mukari waye khasi achiririra okhola imbi; buli okhola imbi khasi yamulola ye. Kata khasi yamumanya khaba. ⁷ Abaana badidi omuundu arababacha, okhola obulungifu ali nende obulungifu, ngolwa ye ali nende obulungifu; ⁸ okhola imbi ni wo sietani; khulwo khuba sietani akholaanga imbi khurula mukhuchaaka; khulwe liene lino, omwana wa Nasaye yalolesibwa mbwe afunake emirimo kia sietani. ⁹ Buli moundu owebulwa nende Nasaye khasi achiririranga okhola imbi, khulwo khubeera olwibulo lwaye lwekhala mukari mwaye; khu kario khasi anyala okhukhola imbi khulwo khubeera yebulwa khurulana nende Nasaye. ¹⁰ Mulino abaana ba Nasaye bamanyikhana, khandi abaana ba sietani boosi bamanyikhana. Omuundu yesi yesi orakhola obulungikhi khasi arulana nende Nasaye, kata ula oramukheera omusiani wabwe. ¹¹ Mukherane eng'we khweng'we khubeera kano niko amakeni akamwabulira khurula mukhuchaaka, mbwe khukherane efwe khu efwe; ¹² Khuraba kori kori nga Kaini owali owa mabi ula, namwira omusiani wabwe. Naye yamwira khulwa sina? khulwo khubeera ebikhole biaye biali ebibi, ne ebio musiani wabwe biali ebilungifu. ¹³ Abaana befwe, murauka, esialo nisibasiula. ¹⁴ Efwe khumanyire mbwe khwabira khurula muliifwa nikhwingira mubulamu, khulwo khuba khwabakheera abasiani befwe. Oyo orakheera, yekhala muliifwa. ¹⁵ Buli omusiula omusiani wabwe nomwiri: Neng'we mumanyire mbwe buli omwiri abula obulamu bwo bumeri obwekhala mukari mwaye. ¹⁶ Mulino khumanyirisia obukheeri, khulwo khubeera ye yarusia obulamu bwaye khulwe efwe; karukhoyera efwe fweesi okhurusia obulamu bwefwe khulwa basiani befwe abo. ¹⁷ Arali omuundu nali nende ebiindu ebie sialo, namala amubona omusiani wabwe nali mulienya, nakhaya okhumubonera esisa, obukheeri bwa Nasaye bwekhala burie mukari mwaye? ¹⁸ Abaana badidi, khurakheera mumakhuwa kose khululimi, arali mubikhole nende obwadieri. ¹⁹ Mulino khumanyirisie mbwe khuli abo bwadieri, ne efwe khuchia okhusirisia emioyo kiefwe imberi waye, ²⁰ nibili mbwe emioyo kiefwe kirukhalakira esiina; Nasaye nomukhoongo okhukhira emioyo kiefwe, ne amanyire ebiindu bioosi. ²¹ Bakheerwa, emioyo kiefwe nikirarukhalakira esiina, khuli nende ichuoni khu Nasaye; ²² Liosi liosi elia khusaba, khulinyoola khu yie, khulwo khuba khwadira ebilagiro biaye, nende khukhola akakheresia mumoni chiaye. ²³ Ne sino nisio esilagiro siaye, mbwe khusubire eliira lio Mwana waye Yeso Kirisito, nende okhukheerana efwe bene khu bene, ngolwa yaruba esilagiro. ²⁴ Naye obidiira ebilagiro biaye yekhala mukari mwaye naye mukari mwaye. Ne mulino khumanyire mbwe ali mukari mwefwe, khu Roho oyo owa yaruba.