¹ Abana bange badidi bandikira kano mbu murakhola echibi ne omundu nakhola chibi khuli nende orusabilanga khu sefwe, Yesi Kirisito oli omukololofu. ² Niya omwambani khu chibi chefwe, nehasi khu chibi chefwe sa, arali nende khu chibi cha sialo siosi. ³ Okhubilila muliene rino khumanyire mbu khumumanyi ye, nikhuba ni khudira amalako kaye. ⁴ Oyo abolanga mbu mumanyire, nekhasi adira malako kaye nimubacha, ni obwadieri bubula mukari mwaye. ⁵ naye adira likhuwa liye, obuheri bwa nasaye bulirire makari mwaye mubwadieri, ⁶ khubiliramurino omanyire mbu khuli mukari mwaye, ⁷ Abakherwa, hasi bandikira elilako liyakha alari elilako lia khale alimwali nalio okhurula mukhuchaka. Ne elilako lia khale elio nilio elikhuwa lia mwabulira. ⁸ Khandi bandikira elilako liyakha, elikhuwa elio bwadieri mukari mwaye nende mukari mwengwe, khulwa khuba esirima sirulireo nabwo obalafu bwa bwadieri bumalire okhwadukha. ⁹ Oyo oubola mbu ali mubulafu, ne yasiula omwana wabwe, ali musirima okhula ebikha bino. ¹⁰ Oyo okhera mwana wabwe yamenya mubulafu ne abula esiegumulo mukari mwaye. ¹¹ Naye owamusuila mwana wabwe, ali musirima khandi okendenga musirima, ne akorerwe owachia, khulwa khubera esirima saimwofusia chimoni. ¹² Bandikira engwe, abana badidi khulwa khubera mwalekherwa echimbi chiengwe khulwa elira liaye. ¹³ Bandikira engwe basacha, khulwa khuba mumumanyire ula owaliwo khura mukhuchaka, Bandikira engwe ababukha, khulwa khuba mwakhira owa-bwoni ula. Bandikira mwamanya sefwe. ¹⁴ Bandikira engwe basacha khulwa khuba mwamumanya ula owaliwa khurula mukhuchaka. Bandikira engwe babukha khulwa khuba muli nende amani nende elikhuwa lia Nasaye liamenya mukari wengwe, ne mwakhira omwoni ula ¹⁵ Murakheera esialo, kose amakhuwa akali musialo. Omuundu yeesi nakheera esialo, obukheeri bwa Sefwe khasi khuli mukari mwaye. ¹⁶ khubeera buli esili musialo, ni obwekombi obwa omubiri, nende obwekoombi bwe chimoni, nende esileka sio bulamu, khasi birulana khu Sefwe arali birulana khusialo. ¹⁷ Ne esialo sibira, alala nende obwekoombi bwasio, arali oyo okhola ameenya ka Nasaye amenya kata obumeri. ¹⁸ Abaana, nibikha bio bumalirikhi; ne ngolwa mwabulira mbwe omukhayi wa Kirisito yeecha, kata bulano abakhayi ba Kirisito bangi bamala okhubao; khulwo khubeera eliene elio khwamanya mbwe nibikha bio bumalirikhi. ¹⁹ Barula khwefwe arali khasi bali abefwe, khubeera baba mbwe bali abefwe, bakhekhale alala ninafwe. Arali barurulakho mbwe bafunulibwe mbwe khasi barula khwefwe. ²⁰ Nang'we mwabakhwa amafura nende oyo oli omutakatifu, khandi mwamanya mweesi. ²¹ Khasi indabandiikira eng'we khubeera khasi mumanyire eliri obwadieri, khandi mbwe bubulao obubacha bwosi bwosi oburula Mubwadieri obwo. ²² Ni wina oli mubacha arali oyo okaana mbwe Yeso ni Kirisito? Oyo niye omukhayi wa Krisito, oyo omwekaana Sefwe nende Omwana. ²³ Buli omwekaana Omwana, khasi ali nende Samwana; omufukirira Omwana ali nende Samwana yeesi. ²⁴ Eng'we kario, elio elia mwabulira khurula mukhuchaaka likhaale mukari mweng'we. Nibili mbwe elio eliamwabulira khurula mukhuchaaka likhaala mukari mweng'we, eng'we mweesi munekhaala mukari mwo Mwana, nende mukari mwa Samwana. ²⁵ Ne sino nisio esilakwa esiayarulaka, nibwo obulamu, oburalibwayo. ²⁶ Bandikira kano khulondana nende amakeni aka baandu bala abeenya okhubakosia. ²⁷ Arali amafura akamwanyoola khuniye kali mukari mweng'we, ne khasi muli nende elienya lio muundu yeesi khubekesia; arali kori nga mafura kaye kabekesia makhuwa koosi, khandi nibwadieri oburali bubacha, khandi kori ngolwa kabekesia, ikhale mwako. ²⁸ Ne bulano, abaana badidi, mwikhale mukari mwaye, mbwe, olwa achia okhufunulibwa, mube nende ichuoni, oburaba nende chisoni imberi waye mukhwicha khwaye. ²⁹ Abaana ba Nasaye nimumanya mbwe oyo ni wo bulungifu, mumanye mbwe buli okhola obulungifu yebulwa ninaye.