¹ Siria esialiwo okhurula machakira, esiakhwabulira, esiakhwabona nende chimoni chiefwe, esia khwesubira, nende esia makhono kefwe kadirakho, eka elikhuwa liabulamu. ² Obulamu bwefunula, ne khwabulola khandi khuli nende obuloli, nikhubabolera engwe obulamu bulia oburalibwayo obwali nende Sefwe, mani nibufunulwa khwefwe. ³ Elio elia khwalola nende khulibulira, khwabayalira eng'we mwesi, mbwe eng'we mwesi munyoole okhusangirana ninafwe: obusangirani bwefwe nibulala nende Sefwe, nende Omwana waye Yeso Kirisito. ⁴ Ni kano khukaandika, mbwe busangaali bwefwe bulirire. Nasaye nobulafu ⁵ Ne kano niko amakeni akakhwabulira khuye, nikhukayaala khweng'we, mbwe Nasaye nobulafu, kata esirima siosi khasi silikho mukari mwaye, ⁶ nikhuboola mbwe khusangirananga ninaye ne khandi khuchiririra musirima, khuba khuboola obubacha, khandi khasi khuba khukhola obwadieri. ⁷ Arali nikhukendera mubulafu, ngolwa ye ali mubulafu,khuba khusangirana efwe bene khu bene, ne amabaanga ka Yeso, omwana waye, karwosia chimbi chioosi. ⁸ Nikhuboola mbwe khasi khuli nende chimbi khuba khwebacha abene, khandi obwadieri khasi buruiimo. ⁹ Nikhwekanira echimbi chiefwe, ye ni mwesikwa nende owo bwadieri owo khurulekhera echimbi chiefwe, nende khurwosia khurula mububi bwoosi. ¹⁰ Ne nikhuboola mbwe khasi khwakhola echimbi, khumukhola ye okhuba omubacha, ne elikhuwa liaye khasi lirulimo khaba.