^{3 1} Esie ndaboola, "Bulano buno recheresie, enyuwe abemirisi beinzu ya Yakobo nende abemiriranga inzu ya Israeli: Shikali mbu nobulayi mumanyirisie obukhalachi? ² Enyuwe abasira obulayi mana nimuchama obubii, enyuwe ababaakanga likhoba liaabo, inyama yaabo okhurula khubikuumba biaabo, v 3 Enyuwe abaliitsanga inyama ya abandu banje, mana nimubabaaka, nimutonya amakuumba kaabo, nimubatonya mubitonye, shingana inyama yomunyungu, chingana inyama mushirabu. ⁴ Olunyuma enyuwe abaruchi mwakhalirire omwami, habutswa naye shiyakhabakalusie tawe. Ye yakhabise obweni buubwe okhubarulakhwo ebise biene yibo, shichira mwakholere ebikhole ebibii," ⁵ Omwami aboola kano, "Khulwa abanabii bemiriranga abandu banje okhukora injira, nikali yakhabao mulala owakhabahesia eshindu shiokhulia, nabo balalandia mbu, 'Omulembe.' Habutswa nalanyala okhura eshindu muminwa chiabo ta, nabo beyahula abeene nibekasiria okhumukhupa lihee. ⁶ Nikali kario, nashibe eshiro shiishio eshibula amalolo khulwa yuwe; shiakhabe shieshirima mbu shiwakhanyale okhusaasia tsinyeengotawe. Eliuba liakhayeerere abanabii, nayo yinyanga yakhabe yeshirima khubo. ⁷ Ne abalolanga bakhafwiirwe nomuse, nabo abetsinyeengo bakhelole shingana bakoyana. Bosi bakhafiimbe eminwa chiabo, shichira likalusio libulao okhurula khu Nyasaye." ⁸ Habutswa khulwanje sei, Esie mwene nditsuulemwo nende obunyali obwa Omwoyo wOmwami, khandi esie nditsuulemwo obukhalachi nende amaani, okhuboolera Yakobo obumayanu bubwe, nende Israeli tsimbi tsiitsie. ⁹ Bulano buno recheeresie kano, enyuwe abemirisi abeinzu ya Yakobo, nende abaruchi beinzu ya Israeli, enyuwe abalenyanga obukhalachi bwatoto ta, ne mukoyasia bulishindu eshiri habweene. ¹⁰ Enyuwe mumbakha Sayuni neshitsaayi nayo Yerusalemu nende obwonooni. ¹¹ Abemirisi benyu bayaasia khulwa eshiomufusi, abakuhani benyu bechesia khulwa omuruungo, nabo abanabii bahaana obunabii khulwa amapesa. Nayo yino muboola mbu mwireetanga khuMwami nimuboola mbu, "Omwami shiali halala ninefu tawe? Libulao libii eliitsa okhukhwitsira fwe tawe." ¹² Bulano buno, khulwa enyuwe, Sayuni yakhabe eshikuuri shilimirwe, nayo Yerusalemu yakhabe eshibunjikho shia amayindi, nakho akhakulu kheiyihekalu shikhabe eshitsakha habundu hechiinga hekulu.