¹ Woowe khu balia abaloosinjia obubii, khu balia abaloosirinjia okhukhola obwonooni mubitanda. ne olwabushia mubulafu babukhola shichira bali nende obunyali . ² Bekoomba emikunda mana bachihambe; bekoomba tsinzu mana batsibukule. Bo bakholera omundu amabii ye nende inzu yiiye, omundu nende obulaame bubwe. ^{5 3} Nikali kario Omwami aboola kano, "Lola, Esie endoosinjia okhureera obusasishi khuluyia luno, obwa shimwiitsa okhunyala okhurusiamwo amakosi kenyu tawe. Shimwiitsa okhuchenda neinjinia khandi tawe, shichira biakhabe ebise ebibii. ⁴ Khunyanga yeeneyo abandu bakheembe tsinyimbo tsiokhubafiimbia nyuwe emirwe, ne mwakhekhuule nende tsinzukhuulu tsiokhwayula. Bakheembe mbu, 'Efwe aba Israeli khwasasishiire elala; Omwami wukalukhasiiye omukabwa okwa abandu banje. Ye yakhakurusia endiena okhurula khusie? Ye akabulira abakhobibanje emikuunda chianje!" v5 Nikali kario, enyuwe abandu abayiinda shimwakhabe nende olwibulo olwakhakabane liloba khulwa okhuupa ikha mwibukaana liOmwami tawe. ^{7 6} "Sholarooba tawe," abanabii baabo nilwa baboola. "Bo shibalarooba ebindu bino tawe; eshifimbwa murwe shishiitsa okhukhuyoomberera fwe tawe." v 7 Kakhoyeere mbu okhuula kaboolwe toto, inzu ya Yakobo, "Roho wOmwami shiali owokhwifiira? "Bino nebikhole biibe toto?" Shikali mbu amakhuwa kanje kakholanga obulayi khu wulia yesi yesi ouchenda mubukololofu? ⁸ Khuhaambi khuno abandu banje bainjinguushiire shingana abasuku. Mufwalula tsingubo tsiraambi, ebifwalo, okhurula khu balia ababiranga nibakorirwe shiosi shiosi, shingana abelihe bacherera okhurula mwihee okhuula halia ewabapaara mbu nio ahomulembe. ⁹ Enyuwe mutafia abakhasi ba abandu banje okhurula mutsinzu tsiabo tsindayi; okhurula khu abana baabo abaraaka mubukula oluyali inziaiyo. ¹⁰ Sinjire mana murule mutsie, okhuba hano shiali habundu ewa enyuwe munyala okhuhuluushira tawe, eshifune shiri mbu eshifwoolo shio; hamalire okhwononibwa nende obusasishi buyerere. ¹¹ Ne kakhaba mbu omundu yesi yesi amwitsira nende iroho yobubeeyi mana aboole obubeyi mbu, "Esie ndiitsa okhumuroobera nyuwe akeidivayi nende ebinywebwa ebilulu," wuno niye ounyala okhulolekhana okuba omunabii wa abandu bano. ^{13 12} Obulamba buli mbu Esie ndiitsa okhumukhuung'asia enywe mwesi, Yakobo. Obulamba buli mbu ndiitsa okhubareera halala aba Israeli batonga. Esie nebareere halala shingana amakondi mushikoo, shingana lituuli niliri hakari mushiayo. Khwakhabeo nende obuyoka obunji khulwa obuunji obwa abandu. v 13 Omundu yesi owakhafinache mana ebekulire injira yakhatsie imberi nabemirira. Bo bekula nibabirira mushiribwa nibatsia erwanyi; omuruchi waabo yakhatsie imberi waabo. Omwami yakhabe imberi waabo.