¹ Yesu yatsia enashikulu eshia Miseituni. ² Olwa amabwibwi koola yenjila muHekalu, abandu abanji nibamwitsiara naye niyekhala nabechesia. ³ Abahandi nende abaFarisayo nibarera omukhasi owali nanyoleresibwe naheyanga, nibamusinjisia hakari wabwe. ⁴ Nibaboolera Yesu mbu, "Omwechesia, omukhasi uno anyoleresibwe naheyanga. ⁵ Ne mumalako kefwe, Musa yakhulaka mbu omukhasi shinga na uno alaswe namachina afwe. Nawe oboola shiina khuye?" ⁶ Baboola kano khulwa okhumuteema Yesu, kho mbu banyale okhumwinjilila. Nebutswa naye niyenama hasi nahandika nende olwalalwe. ⁷ Ne olwa batsiririra okhumureeba amareebo, yachingukha nababoolera mbu, "Omundu yesi khwinywe oushili okhwononakhwo aranjirire okhumulasa lichina." ⁸ Mana niyenama khandi nahandika hasi. ⁹ Nabo olwa bahulila kano, barulaho mulala shiamulala, okhuchachila khubakofu. Naye Yesu natong'aho yenyene nende omukhasi uyo nasinjileho. ¹⁰ yesu nachingukha ikulu nareeba omukhasi uyo mbu, "mama, bali heena? Shialikhoho kata mulala outonyere okhukhukhalachila eshiina ta?" ¹¹ Naye nakalusia mbu, "Omwami abulaho. "Yesu namuboolela mbu, "Nobulayi kho kata siesi sekhukhalachila eshiina ta. Otsie, ne okhurula olwa leelo olonoonakhwo khandi ta." ¹² Yesu naboolera abaFarisayo mbu, "Esie nisie obulafu bweshialo. Omundu yesi ounondakhwo alaba mubulafu bwobulamu bwobumeli ne shalachenda khandi mushirima tawe." ¹³ AbaFarisayo nibamuboolera mbu, "Bulano wikobosheranga omwene akobulolibwo, akaboolanga shikalimwo obwatieri ta." ¹⁴ Yesu nakalusia mbu, "Tawe, kata nindikoboshera omwene akobuloli bwanje, ndikoboshera obwatoto, okhuba emanyire ewa ndarula khandi kata ewa enzia. Enywe shimumanyire ewa ndarula kat ew enzia tawe. ¹⁵ Enywe mukhalachiranga omundu eshiina munjira yakomubir, esie nasi shekhalachiranga omundu yesi eshiina ta. ¹⁶ Ne kata toto nindakhaba oukhalaka eshiina, obukhalachi bwanje nobwatieri, shichira shindimwo sienyene ta, habula Papa owaruma ali halala ninasi. ¹⁷ Toto mumalako kenywe bahandika mbu, obukobosheri bwobuloli bwabili nobwatoto. ¹⁸ Kho esie omwene ndikobosheranga akobuloli bwanje, naye Papa owaruma akobosheranga okobuloli bwanje. ¹⁹ Kho nibamureeba mbu, "Papawo mwene ali heena?" Yesu nabakalusia mbu, "Enywe shimumanyire esie kata Papa tawe. Nimuba nimwakhanyire esie, mwakhamumanyire Papa yesi." ²⁰ Yesu yaboola amakhuwa kano koosi olwa yali niyechesinjia muhekalu, nali ahambi ahamasanduku kebihanwa kali nikarerwe. Ne abulaho owamutilakhwo, shichila ebisebie biali nibishiiri okhuula. ²¹ Kho Yesu nababoolera khandi mbu, " Ne esie ndinyooshe, ne namukhabe nebutwa mulafwira mubwoononi benywe. Enywe shimunyala okhutsia ewa esie ndiitsanga tawe." ²² Kho abemirisi babaYahudi nibaboola mbu, "Aboolanga mbu shikhunyala okhutsia ewa atsia ta. Kanyala okhuba mbu mwene alayira noho?" ²³ Naye yesu nakalusia mbu,"Enywe muli abomushialo muno, nebutswa esie shiendi womushialo tawe. ²⁴ Niko akachira nimuboolela mbu, "Mulafwira butswa mubwonooni bwenywe tawe. Habula mulafwira butswa mubionoono bienywe nikaba mbu shimusuubila mbu, "ISIE NISIE IESI MWENE ta." ²⁵ Nibamureeba mbu, "NIYWE WINA?" Yesu nabakalusia mbu, "Kano niko akemuboolele mukhuchaka khwene." ²⁶ "Endi nende amakhuwa amanji akokhumuboolela khandi akokhumukhalachira, owaruma niwobwatoto, nasi erumbuliranga abomushialo aka ndahulira okhurula khuye." ²⁷ Shibamanyiriia mbu Yesu yali nababooleranga amakhuwa aka Sefwe tawe. ²⁸ Kho yamala nababoolera mbu, "Olwa mucingula Omwana womundu khumusalaba nilwo olwa mulamanya mbu, "Isie Nisie Isie Mwene," khandi nilwo olwa mulamanya mbu shikholanga likhuwa liosi liosi khulwanje ta, habula emboolanga likhuwa aka Papa yanzechesia okhuboola konyene. ²⁹ Naye owaruma ali halala ninasi, shiyandekha sienyene ta, shichra ekholanga buli lwosi akamuchamisia. ³⁰ Abanji abahulira yesu naboolanga amakhuwa yako bamusuubira. ³¹ Yesu naboolera abaYahudibasuubire muye mbu, "Nimuba nimulonda amechesio kanje mwitsa okhuba abeechi banje abatieli." ³² "Mulamaya obwatoto nabwo obwatoto bwitsa okhubakhola abalakhule. ³³ Nabo nibakalusia mbu, "Efwe khuli olwibulo lwa Aburahamu ne, khushili okhubakhwo abasuumba khumundu yesi yesi ta. Kho nawe oboolanga orie mbu, "Mulakholwa abalakhuule?" ³⁴ Yesu nababoolera mbu, "Emuboolela toto mbu omundu yesi oukholanga ebionoono nomusumba wobwonooni." ³⁵ Omusumba abeetsanga shalabeetsanga munzu yimwo buli lwosi ta, halali omwana alabeetsanga mwo onziayo. ³⁶ Kho Omwana naba niyakhamukhola okhuba abalekhuule toto. ³⁷ Emanyiretoto mbu muli abolwibulo lwa Aburahamu, halali mukhabanga okhunzira, shichira shimufuchiriranga likhuwa lianje ta. ³⁸ Emboolanga aka Papa yamanyie esie, enywe nenyu mukholanga akene yako aka Senywe yamuboolera?" ³⁹ Nibamukalusia mbu, "Sefwe niye Aburahamu?" Yesu nakalusia mbu, "Nimwakhaba toto abaana ba Aburahamu, mwakhakholere aka Aburahamu yakhola. ⁴⁰ Esie aka ndakholere nokhumuboolera obwatoto obwa ndahulira okhurula khu Nyasaye, ne nilwo olwa nenyu mukhabanga okhunzira. Aburahamu shiyakholakhwo akafwana kario ta. ⁴¹ Mukholanga ebikhole ebia senywe. Nibamuboolera mbu shikhwayebulwa mubuheyi tawe, khuli nende Papa mulala ouli Nyasaye. ⁴² Yesu nababoolera, nikali mbu Nysye ni Senywe, mwakhayanzire okhuba esie ndarula khu Nyasaye, shindayetsa khulwanje ta, nebutswa yaruma. ⁴³ Shichira shiina nimulahulira? Okhubeela mbu kata amakhuwa kanje tawe. ⁴⁴ Muli abasenywe Shetani, ne mukhola akombwikombi bwa senywe akholanga. Ye yali omwiri okhurula mukhuchaaka, ne obwatieri bubulamwo, shichila obwatieri shibuli muye tawe. Olwa aboola obubeyi, aboolanga akeke omwene; okhuba nomubeyi khandi ni Samwana obubeyi. ⁴⁵ Nebutswa okhuba emboolanga obwatoto, shimusuubilanga esie tawe. ⁴⁶ Niwina khwinywe ounyala okhulolesia mbu endi neshikha shiobwonooni? Nemba nemboolanga obwatoto, eshichilanga nimulasuubira nishiina? ⁴⁷ Ourula khu Nyasaye ahulilanga amakhuwa ka Nyasaye. Ne enywe kata kario shimurula khu Nyasaye ta, niko akachiranga nimulanyala okhuhulira ta. ⁴⁸ Nibareeba Yesu mbu, "shikhubeere habwene olwa khuboolere mbu eywe oli Omusamaria khandi eshishieno shili mwiwe?" ⁴⁹ Yesu nabakalusia ari, "Esie shiendi neshishieno ta. Emuheresinjia Papa oluyali, nenyu shimumberesinjia oluyali ta. ⁵⁰ Nasi shikhaabanga oluyali lwanje omwene ta, habula aliho oulukhabanga khandi niye ouyasinjia niyanderera. ⁵¹ Emuboolera toto mwene mbu, ommundu yesi oulonda anakhuwa kanje shialifwa kata na hatutu ta. ⁵² AbaYahudi yabo nibamuboolera mbu, "Bulano khwakhamanyila elala mbu eshishieno shili mwiwe! Aburahamu yafwa khandi khandi abalakusi bafwa, nebutswa iwe nawe oboola mbu, omundu yesi oulonda amechesio koko shialifwa kata nahatu ta. ⁵³ Sefwe Aburahamu yafwa, kho nawe oli omukhongo okhushira bafwa. Kho nawe oparaanga mbu oli wiina?" ⁵⁴ Yesu nabakalusia mbu, "Nemba nindiheelesia oluyali, kho oluyali lwanje yilwo luba niluli olukhaya butswa. Oumberesinjia oluyali ni Papa, omwenoyo owamuboolangakhwo mbu niye Nyasaye wenywe. ⁵⁵ Enywe shimumumanyire tawe, nebutswa esie ndamumanya, nemba nemboola mbu shimumanyire ta, emba nendi butswa omubeyi shinga na enywe, halali ndamumanya khandi enondanga likhuwalie. ⁵⁶ Aburahamu ouli senywe yekhoyela mbu abe ounyala okhulolakhwo ebise biokhwitsa khwanje, yalola mana nasangala. ⁵⁷ Nibamuboolera mbu, "Ewe oshiri okhuula kata emiaka amakhumi karano, toto wamulola aburahamu?" ⁵⁸ Yesu nakalusia mbu, "Emuboolera toto mwene mbu, Aburahamu nashiri okhwibulwa 'ESIE NDALI NENDIHO!' ⁵⁹ kho nibatoola amachina mbu bamulase, nebutswa Yesu yebisa narula muHekalu.