¹ Mana olunyuma lwa yako, Yesu yali nachendanga muGalilaya; shichira shiayenya okhuchenda ebuYahudi ta khulwa abaYahudi bali nibakhabanga okhumwira. ² Ne inyanga ingali yabaYahudi yali niyulilire. ³ Mana abasiani babo nibamuboolera, rula hano otsie ebuYahudi, abeechibo boosi banyale okhulola emilimo chichio echia okholanga. ⁴ shichira shialiho omundu oukholanga likhuwa mukhwibisa olwa omwene yenya okhulolekha abulafu tawe. ⁵ Shichira kata abasiani babo shibamusuubila tawe. ⁶ Naye Yesu nababoolera mbu, "ebise bianje bishiri okhula tawe; halali ebise bienyu buli lwosi biliho. ⁷ Eshialo shishinyala okhubasira nywe tawe, halali shisira sie shichira eshibooleranga shinga ebiima bishio bili ebibi. ⁸ Mutikulushe mutsie khwisabo shichira esie eshiilikhwo, ebise bianje bishiiri okhuula. ⁹ Naye olwa yalo namlire okhubaboolera amakhuwa yako, yekhala ario eGallaya. ¹⁰ Ne abasianibabo olwa bali bamalire okhutsia okhulia, yamala nabalondakhwo, halali habulafu tawe mukhwibisa. ¹¹ Mana abaYahudi nibamukhaaba mumulukha iko, nibareebana mbu, "ali heena owatsana?" ¹² Mana khuba nende okhubulula okhunji mumulukha iko shichira Ye. Abandi nibaboola, omundu omulayi ne abandi nabo nibaboola mbu shikali kario tawe ne halali akatinjia abomukanda. ¹³ Halali shiali omundu worumbula habulafu tawe khulia khuria abaYahudi. ¹⁴ Mana omulukkha nikwakhoola akarii, Yesu yanina natsia muhekalu, niyechesia. ¹⁵ Mana abaYahudi nibahuka muno nibareeba mbu, onyola oriena okhuyanya amachesi akaye oulasooma. ¹⁶ Mana Yesu nabakalusia nababoolera ari, ameechesio kanje shikali tsa akanje tawe, halali nakeke ulia owaruma. ¹⁷ Omundu nachama okhukhola elienya lilie, yetsa okhumanya amakhuwa kamechesio kene yako mbu karula khu Nyasaye nohomba esie emboola khumwoyo kwanje omwene. ¹⁸ Ouboola khulaye yekhabila obukhongo omwene, halali oukhaba oluyali olwa ulia owamuruma, huyo ali abwene, khandi mukarii mumwe shikhuli nende obubii tawe. ¹⁹ Musa shiyabaheresia amalako tawe, khandi shilikhoho akarii wenyu outusinjia amalako, shichira shina nimukhaba okhunzira. ²⁰ Omukanda nikukalusia, nohomba oli nende litimoni, ni shina shichira mukhabanga. ²¹ Yesu nabakalusia nababoolera ari, "Esie ndakhola omulimo mulala, nenyu mwesi muhushisibwa. ²² Musa baheresia eshishebo halali shikali mbu yarula khumusa tawe, halali khubaPapa, nenyu inyanga yeIsabato shimushebanga omundu ta. ²³ Bulano bun nikaba mbu omundu ashebwa inyanga ye isabato, mbu kho lilako lia Musa lilafunakwa ta, shichira ni shiina nimusinyikha olwa emba nemuhonia omundu inyanga yeisabato? ²⁴ Kario mulakhole obukhalachi bwetsimoni tawe, halali mukhole obukhalachi bwobulunjishi. ²⁵ Mana abandu bandi bayerusalemu nibaboola mbu, "Uno shiali niye owabakhabanga mbu bamwire. ²⁶ Ne khane yaboola habulafu, habutswa shibamubolelakhwo likhuwa ta, halali abakali yabo bamanyire tsa likali mbu niye Kristo. ²⁷ Halali uno khumanyile ewarulanga, naye Yesu olwa nayetse shiliho oulimanya ewarulire tawe. ²⁸ Mana Yesu nachingula omwoyo muhekalu, niyechesia naboola mbu, "esie muumanyire khandi ewa erulanga mumanyire, halali shindeetsa khubwanje ta, ne owaruma nowatoto; omwenoyo shimumunyile ta." ²⁹ Esie emumanyire; shichila erula khuye, khandi niye owaruma. ³⁰ Mana nibalekha okhumutiira, halali shaliho owamurakhwo omukhono tawe, shichila ebise bibie biali nibhiisri okhula. ³¹ Mana abandu abanji mumukhun'gano nibamusubilila nibaboola, olwaliitsa Kristo, alikhola alikhola ebilolero ebinji okhushira ebia uno yakhola. ³² AbaFarisayo nibahulira abomukanda nibabululanga kano khuye mana abakhongo babakuhani nende abaFarisaro nibaruma abarumushi mbu babatire. ³³ Mana Yesu naboola, khubise ebitutu eshili halala ninenyu, olunyuma nditsa khutsie khu ulia owaruma. ³⁴ Mwista okhukhaba halali shinamndole ta, nasi ahendi shimunyala okhuulaho tawe. ³⁵ Mana abaYahudi nibareebana abene mbu omundu uno yetsa okhutsia hena, ahakhuranyala okhuula fwe, mbu alatsia khubasalana abali mubaYunani, mbu anyale okhubeechesia. ³⁶ Nelikhuwa shiina eliaboolere mbu mwitsa okhukhaba neshimwista okhunyoola tawe, nasi ewa endi shimunyala okhunzulakhwo tawe. ³⁷ Okhuula khu nyanga yobumalirishi, inyanga ilia ingali eya lisabo, Yesu yasinjila ne nalanga nomwoyo omukhongo naboola ari omundu nahulira obulo naye yetse khuisie anywe. ³⁸ Ousubila esie, shingana olwa amahandiko kaboola, emialo chia matsi kobulamu ketsa okhurula mukari mwe. ³⁹ Ne likhuwa elo yaboola khukaRoho, owabalia abamusubilanga bali bamunyoole; okhuba Roho yali nashiri okhuhanwa, shichira Yesu yali nashiri okhuchingulwa muluyali tawe. ⁴⁰ Mana abandi mumukanda olwa bahulira amakhuwa yako, baboola mbu obwatoto uno niye Omulakusi watsana. ⁴¹ Ne abandi nibaboola mbu uno niye Kristo watsana, nabo abandi nibaboola mbu Kristo anyala okhurula eGalilaya noho? ⁴² Amahandiko shikaboolanga mbuKristo aliitsa okhurula mulwibulo lwa Daudi? khandi Bethelehemu litokho lia Daudi yamenyangamwo? ⁴³ Mana nibwinjilamwo obukabukhani mubandu khulwa ye. ⁴⁴ Ne abandi mubo beenya okhumutira, halali shialiho owachingula omukhonokwe okhumutiirakhwo tawe. ⁴⁵ Mana abarumushi nibatsiira abakhongo babakuhani nende abaFarisayo nabo nibareeba bari esichira shiina nimulamutiira mwamurera? ⁴⁶ Nabo nibakalusia bari omundu yesi yesi ashiri okhubolakhwo shinga olwa uno aboola. ⁴⁷ Mana abaFarisayo nibakalusia bari mwesi bari mwesi khandi mwakatibwa. ⁴⁸ Niwina khubakhulundu owamusuubilila, nohomba khubaFarisayo? ⁴⁹ Halali abemikanda bano abalamanyire amalako ta, abalamwa. ⁵⁰ Naye Nikodemu,(ulia owamutsiira mushiro shichira nimulala wabo) nababoolera ari, ⁵¹ Amalako keefwe kakhalachirangakhwo omundu yesi yesi eshiina halali okhumuhulirisia mberio nende okhumumanya shinga olwa akholire. ⁵² Nabo nibakalusia nibamuboolela mbu, nawe eywe orulira eGalilaya, khaaba olole abulaho omunabii yesi yesi ourulira eGalilaya ta. ⁵³ Mana bosi nibarula buli mundu natsia ewuwe.