¹ Yaliho omundu Omufarisayo owalangwa mbu Nikodemo, Omuruchi owabayudi. ² Oyo yetsa khu Yesu Mushilo namuboolera ari "Rabi khumanyire shinga olwa oli Omwechesia owa Nyasaye yaruma shichila shialiho Omundu yesi yesi ounyala okhukhola amangalimwa kokholanga narali Nyasaye ouli halala ninaye. ³ Yesu namukalusia namuboolera ari, "Ekhuboolera tootombu Omundu narebulwa obuyia shialinyala okhulola Obwami bwa Nyasaye ta. ⁴ Naye Nikodemo namureeba ari, Omundu anyala okhwibulwa arie obuyia nali omukofu, anyala tooto okhukalukha munda mwa nyinamwana, mana yebulwe khandi obuyia noho? ⁵ Yesu nakalusia naboola ari, "Ekhubooleranga tooto mbu Omundu narebulwa khulwa Amatsi nende Roho shianyala okhwinjila Mubwami bwa Nyasaye ta. ⁶ Shilia eshibulwa mumubili nishiomubili, ne shilia eshiebulwa muRoho ni Roho. ⁷ Olahuka shinga olwa ekhuboolere mbu wibulwe obuyia ta. ⁸ Omuyeka kuhutsanga ewakwenya ne nawe nohulira oluyoka lwakwo, nebutswa shiomanya ewa kurula kata ewakutsia tawe. Nolwa ali buli mundu owibulwa khulwa Roho. ⁹ Nikodemo nakalusia namureba ari amakhuwa yako kanyalikha karie? ¹⁰ Yesu naye nakalusia namubolera oli Omwibali tsana wabaIsiraeli, neshiohulilanga amakhuwa kano ta? ¹¹ Ekhuboolera tooto mbu khuboolanga khukakhumanyire nikhurumbula akobuloli khukenako akakhwalutsi. Ninenyu shimufuchililanga oburumbusi bwefwe tawe. ¹² Ne kakhaba emuboolele amakhuwa keshinashialo nimurasubira ta, mulsubira murie nemuboolera akomwikulu. ¹³ Ne abulaho owakulukha natsia mwikulu, ne halali owekha okhurula mwikulu nali Omwana wa Nyasaye. ¹⁴ Ne shinga olwa Musa yachingula Inzokha mushiangalamwe nendio Omwana womundu akhoiyile okhuchingulwa ario. ¹⁵ Kho mbu Omundu yesi oumusubilila shialatiba halali abe nobulamu bweinziayo. ¹⁶ Okhuba Nyasaye yaheela muno eshialo okhula khukhuhaana Omwanawe omutelwa kho mbu Omundu oumusubila aleshe okhukora habula abe nende Obulamu bweinziayo. ¹⁷ Okhuba Nyasayeshiyaruma Omwanawe mushialo okhukhachila abomushialo eshiina ta habula mbu abe Omuhonia womushialo ¹⁸ Ne mbu ulia oumusubila shiakhalachilwa eshiina ta nebutswa oulamusubila ta amalile okhukhalachilwa eshiina shichila shiasubile Mulira elia Omwana wa Nyasaye tawe. ¹⁹ Ne obukhalachi bwatsana bwobuno mbu Obulafu bwa Nyasaye bwetsa Mushialo, nebutswa abandu baheela Eshilima okhushila obulafu obwo shichila ebiima biabwe nebimayanu. ²⁰ Okhuba buli mundu yesi oukholanga kobumayanu shiyenyanga Obulafu ta khandi shiasuta hambi ninabwo ta okhuba ebikholebie ebimayanu bilalolekha habulafu. ²¹ Ne oukholanga akatoto yetselanga mubula kho mbu ebiimabie bifwimbulwe shinga olwa biakholerwa muNyasaye. ²² Olunyuma lwamakhuwa yako Yesu nabeechibe batsia Mushibala shiabaYahudi nahongayo halala ninabo nabatisinjiayo. ²³ Naye Yohana yesi yali nabatisinjia ebweneyo eAyenoni ahambi nende eSalimu okhuba khwali nende amatsi amanji ebweneyo. Ne nibetsa ne nibabatisibwa. ²⁴ Okhuba Yohana yali nashili okhureebwa mumboye. ²⁵ ne amayinje nikabuukha hakari wabeechi ba Yohana nende abaYahudi khumakhuwa kobwisiiyi. ²⁶ Ne nibatsia ewa Yohana, nibamuboolera ari Rabi, omwenoyo owa wali ninaye injelekha weYorodani, owawarumbula akobuloli khuye, lola Omundu tsana abatisinjia ne abandu bosi bamutsitsangakhwo. ²⁷ Yohana nakalusia n aboola mbu Omundu shianyala okhunyoola eshindu shiosi narashiheelwe okhurula mwikulu ta. ²⁸ Inywe abeene muli aabaloli banje khu aka ndabola mbu shiendi nisie Kristo mwenoyo ta habula ndarumwa okhumuranjilila. ²⁹ Mwene shiselelo niye oubetsanga mwene Omweha, ne Omwitsa wa mwene shiselelo asinjilangaho namurecheresia ne yekhoyanga muno olwa ahulila omwoyo kwa mwene shiselelo. Niko akachira okhwikhoya khwanje khuno nikhusibwa khurio. ³⁰ Ye akhoyile okhumetekha ne nasi ekhoyile okhuwelelela. ³¹ Oyo ourula mwikulu ali ikulu wa biosi, ne ouli mushialo abetfsanga oweshialo khandi aboolanga khukeshialo, nebutswa ourula mwikulu abedtsanga ikulu wa biosi. ³² Akayalutsi nende okhuhulila, niko akarumbulanga ne abulaho oufuchilila oburumebwe ta. ³³ Ne butswa oufuchilila oburumebwe amanyisija khulwa okhukhola ario mbu Nyasaye noWatokto. ³⁴ Shichila omwenoyo owa Nygasaye yaruma aboolanga amakhuwa aka Nyasaye okhuba shiahanaanga Roho khulwa eshichelo ta. ³⁵ Samwana Omwana yaheela Omwanawe ne mara ebindu biosi hasi wobunyalibwe. ³⁶ Ousubililanga Omwana oyo ali nobulamu bweinziayo, ne oulamuhulila Omwana ta shianyolakhwo obulamu ta ne oburima bwa Nyasaye buba khuye.