¹ Ne inyanga yakhataru, eshiselelo shialiho eKana ya eGalilaya; ne naye nyinamwana Yesu yaliho. ² Ne Yesu halala nende abeechibe bali nibalanjiirwe mushiselelo. ³ Ne olwa beenya idivai yali niyihwele, nyinamwana Yesu yetsa namuboolela ari, "babula idivai." ⁴ Naye Yeyu namukalusia ari, "Mukhasiwe, oli oriena ninasi, eshise shianje shishili okhuula." ⁵ Nyina Yesu naboolela abakhalabani abo ari, "mukhole liosi eliamuboolela." ⁶ Ne tsialiho tsisiongo tsitaru tsiali tsiliho ne buli ndala yali amatepe kabili nomba kataru. Tsiali tsirenjekhwemo khulwa omulukha okwa abaYahudi okwikhwisiiya. ⁷ Mana Yesu nababoolela mbu mwitsusie tsisiongo tsino amatsi, mwitsusie okhuula khululika. ⁸ Ne nababoolela, "Tayekhwo amatsii muyilile ousinjilile lisabo," mana nibamuyilila amatsi ako. ⁹ Ne olwa yali natsanzamirekhwo, akali nikekholile idivai, naye shiyamanya ewa idivavi eyo yali niyirulile tawe nebutswa abakhalabani bali nibatayile amatsi ako, bali nibamanyile kho nibalanga mwene eshiseselo. ¹⁰ Ne namuboolela ari, "buli mundu aranjiriranga okhurenjekha idivai indayi ne olwa abachei baba nibamalile okhunywa inyinji olunyuma bareera eyirali indayi muno tawe. Nebutswa iwe obishire idivai indayi okhuula bulano." ¹¹ Yesu yakhola eshilolelo shiamakana eshio mwitookho lia Kana muGalilaya nalolesilia habwene yaho oluyalilwe nabo abechibe nibamusubilila. ¹² Ne olunyuma lwa kano yarula natsia eKaperinaumu, ye nende nyinamwana nende abaana babwe nende abeechibe, ne nibaramenya yo nyinyanga tsinyinji tawe. ¹³ Ne inyanga yelisabo lia Pasaka lia abaYahudi yali niyili ahambi okhuula, kho Yesu natsia Yerusalemu. ¹⁴ Ne muhekalu omwo yanyoolamwo nibakusinjia tsing'ombe, amakondi nende amakuuku yanyoolamwo khandi abakalukhasi ba amapesa boosi nibekhalemwo nibakholanga obukhala bwabwe. ¹⁵ Mana nakaasia omusherati kwetsikhoba nabaloonda boosi halala nende amakondi netsing'ombe tsiabwe okhurula muhekali nasalaasia amapesa akokhubafunjia abo khandi nafumamia tsimeesa ¹⁶ Khandi yayibira abandu bakusinjia amahusi abo nababoolera ari, "Rusie muno ebindu bino! Shimulakhola inzu ya Papa okhuba eyokhukholelamwo obukhala tawe. ¹⁷ Abeechibe nibtsulira amahandiko shinga olwa kabola, "Nyasaye obuheeli bwanje munzuyo busambanga mwisie shinga na omuliro." ¹⁸ Kho abandi khubaYahudi nibamureeba bari, neshilolelo shiina eshiamakana shionyala okhukhola khulwa okhumanya mbu Nyasaye yakhuheresia iwe obunyali bwokhukhols akokholile yako? ¹⁹ Naye Yesu nabakalusia ari, "Likulule ihekalu ino nasi ndilachiumbakha khutsinyanga tsitaru." ²⁰ Kho abaYahudi nibamuboolela ari, ihekalu yino yombakhwa khulwa emihika amakhumi kane nachisasaba, nawe oboolanga mbu onyala okhuchiumbakha khutsinyanga tsitaru tsionyene. ²¹ Nebutswa ihekalu eyayaboolangakhwo kwali omubilikwe. ²² Kho olwa yali nalamusiibwe okhurula mubafu, abeechibe betsulira mbu yali naboolelekhwo amakhuwa ako. Nibasuubila amaandiko nende aka Yesu yali naboolile. ²³ Ne olwa yesu yali nali Yerusalemu tsinyanga tsia Pasaka, abandu abanji nibasuubilila muye olwa balola akamakana akayakhola. ²⁴ Nebutswa Yesu shiyali nabasuubilile ta shichila yali niyabamanya bosi pe. ²⁵ Kata shiyayenyakhwo mbu omundu yesi yesi amurumbulile akali mubandu yabo ta, shichira ye mwene yali namanyire akali mumioyo chiabwe.