¹ Inyanga yambeli ye liwiki, Maria Makatalina yetsa mumabwibwi nishishiri eshilima khushirindwa ne nanyola lichina nilirusibwekhwo. ² Ne niyerukha namutsiira Simoni Petero nende omwechi wundi oyo owa Yesu yali niyachama ne nababoolera mbu bayinie Omwami mushirindwa ne shikhumanyire ewa bamuyirire tawe. ³ Mana Petero narula nende omwechi wundi uyo nibatsia khushirindwa. ⁴ Kho berukha bosi ne omwechi wundi uno nmuyomba Petero ne namuranjirira okhuula khushirindwa. ⁵ Ne olwa yolaho, ne nayenjereramwo, yalola tsingubo tsiekitani ne halali shiyenjiramwo tawe. ⁶ Mana Simoni Petero owali namulondngakhwo yola niyenjira mushirindwa nalolatsingubo tsiekitani nitsikonere. ⁷ Ne eshitambaha shiali nishiboyerwe khumurwe shianyolekha nishilali nende tsingubo tsindi tawe, habula shiali nishikunjirwe nirerwe halubeka shionyene. ⁸ Mana omwechi wundo uyo owaranjirira yesi niyenjiramwo ne nalola ne nasuubira. ⁹ Shichira mbu shibali nibamanyirisie amaandiko mbu kenyekha alamushe okhurula mubafu. ¹⁰ Mana abeechi nibatsia khandi munzu yabwe. ¹¹ Halali Mariamu yatong'a butswa hashirindwa niyekhuula, ne olwa yali niyekhuulanga yasikama nayenjerera mushirindwa. ¹² Ne nalola abamalaika babiri mutsingubo tsindafu nibekhaale, ouni namurwe noundi nabirenje womubiri kwa Kristo kwali nikurerwe. ¹³ Ne nibamureba mbu, "omukhasi oliranga mbushina?" ne nye nababoolera mbu, "babukule Omwami wanje ne shiemanyire habamuyirire tawe." ¹⁴ Ne olwa yali yakhamala okhuboola ario, nayenga inyuma ne nalola Yesu nasinjire ne halali shiyamanyirisia mbu ni Yesu tawe. ¹⁵ Naye Yesu namureba mbu omukhasi ewe oliranga shiina? okhabanga wiina, ne naparanga mbu nomukholi womukunda ne nauboolera mbu noba nomubukule, mbolera womurere nasi nditsa okhumubukula. ¹⁶ Yesu namuboolera mbu mariamu, ne nashiukhana namulanga mbu Raboni yani mbu Omwechesia. ¹⁷ Yesu namuboolera mbu sholandirakhwo tawe shichira mbu eshiri okhupurukha enzie ewa Papa, ne halali tsia oboolere abaherwa banje mbu emburukhe enziire ewa Papa , khandi Papa wenywe, khandi ewa Nyasaye khandi Nyasaye wenywe. ¹⁸ Maria Magadalina natsia naboolera abeechi mbu aluutsi Kriso ne mbu yali namuboolere amakhuwa kano. ¹⁹ Ne inyanga yeneyo hamukoloba, niili inyanga yokhuranga khwiwichi, emiliango nichikaale echieinzu yabali nibukaniremwo, Yesu niyetsa nasinjira hakari wabo, ne nababoolera mbu omulembe kube ninenyu. ²⁰ Ne olwa yabola ario, nabamanyia amakhonoke nende tsimbafu tsie mana nabo nibachama okhuba baluutsi Omwmi. ²¹ Mana Yesu nababoolera khandi mbu omulembe kube ninenywe, mbu shinga olwa Papa yaruma, nendio ebaruma. ²² Ne olwa yali niyakhaboola kano, yabayeleela emuuya, nababoolera mbu bukule Roho Omutakatifu. ²³ Boosi abamuleshera ebionono biabwe, balalesherwa ne yabo boosi abaanda khutsimbi tsiabwe, balatong'a bario. ²⁴ Ne Tomasi, mulala khu balia ekhumi nababiri owalangwa mbu Mukhwana, shiyali ninabo olwaYesu yabaloleshera ta. ²⁵ Abeechi bashie nibamuboolera mbu khulutsi Omwami. Naye yababoolera mbu nendashialola tsimbala tsiemisumari mumikhono chie, mana endiire mutsimbala etso, khandi endiire mutsimbafu tsie, shesuubira tawe. ²⁶ Ne olunyuma lwe tsinyanga munane abeechibe khandi nibakanire naye Tomasi nali halala ninabo, Yesu niyetsa ne emiliango chiali nichikaale ne nasinjira hkari wabwe nenababoolera mbu omulembe kube ninenyu. ²⁷ Ne namuboolera Tomasi mbu reera tsinzalatsio, lola emikhono chianje, reera emikhonochio ore mumbafu tsianje, nolaba omundu oulasuubila ta halali owobusuuli. ²⁸ Mana Tomasi namukalusia naboolera mbu Omwami wanje Nyasaye wanje. ²⁹ Yesu namuboolera mbu Tomasi, wundutsi ne nakachira uusuubilila. ³⁰ Yesu yakhola amanji akokhuchenya aka Yesu yakhola khubeechibe, akalahandikwa mushtabu shino tawe. ³¹ Ne habutswa, ndahandika amakhuwa kano mbu munyale okhusuubila mbu Yesu niye Kristo kandi nomwana wa Nyasaye, ne khandi khulwa okhusuubilila mana munyole obulamu obweinziayo.