² Mana Yuda owamukhoba namanya abundu bwene yaho; khulwa Yesu yatsitsanga ninabo buli nibenya okhusaaya. ³ Yuda yamala yetsaho nali nende abasikari nende abakhalabani bokhurula khubakhulundu babakuhani nende abaFarisayo nibachinjire tsitaha nende ebibanulwa. ⁴ Yesu namanyire kosi akalekholekha khuye, yabatsiira nabareba mbu, "mukhabanga wina?" ⁵ Nabo nibamukalusia bari, "Yesu wa Nazareti, Yuda owakhoba Yesu nasinjire halala ninabo; Yesu nabakalusia mbu, nisie. ⁶ Ne olwa yali yakhamala okhubabolela mbu nisie, bakalukha inyuma nibakwa hasi. ⁷ Ne naye nabareba khandi mbu ni wina owamukhabanga? nabo nibamukalusia mbu Yesu wa Nazareti. ⁸ Yesu nabakalusia nababolela ari shembabolele mbu nisie, ne nimuba nimukhabanga, leshe bano batsie wabo. ⁹ Kano kekhola mbu eliandabola litusibwe mbu wamberesia bosi ne shindalekha kata mulala khubo akore tawe. ¹⁰ Simoni Petero yali nolukanga, naluhinia ne narema omusikari wabakuhani eshirwi owalangwa mbu Maliko. ¹¹ Yesu nabololela Petero mbu, kalusia olukanga mumufuko kwa luo kho enywe ushikombe eshia Papa yambere. ¹² Mana abasikari halala nende abakhongo babemirisi babaYahudi bamala bamutiira Yesu nibamuboha. ¹³ Nibamuyira khu Annas ouli nyakhufiala nyene Kayafa, owali Omukuhani Omukhongo olwenol. ¹⁴ Kayafa niye wabolera abaYahudi mbu kakhoyere omundu mulala okhufwa khulwa abaandi. ¹⁵ Simoni Petero nende omwechi wundi bamulondakhwo Yesu, omwechi uno ye yamanyikhana khu mukuhani omukhongo, khandi yenjira nende Yesu mpaka mushiina shiomukuhani. ¹⁶ Halali Petero yasinjira butswa ashiribwa, kho omwechi uno nakalukha khushiribwa, naboolela omukhana owali nalindanga hashiribwa mbu aleshe Petero yenjire mukari. ¹⁷ Omukhana owali nalindanga eshiribwa, nareeba Petero mbu, sholi mulala khu beechi bo omundu uyo, naye namuboolela mbu tawe. ¹⁸ Abakholi halala nende abasikari bali nibasinjireho, nibabwaire omuliro kwokhwoora khulwa obushiindu, ne olwa bali nibooranga, khandi Petero yesi naba niyoranga omuliro kwe oko ninabo. ¹⁹ Kho omukuhani omukhongo naba nareebanga Yesu okhulondokhana nende abeechibe nende aechesio keke. ²⁰ Naye Yesu namukalusia mbu, "ndechesinjia habulafu imbeli wabandu boosi, mana tsinyanga tsiosi ndechesia mumasinagogi nende mutsihekalu, buli abundu wabayahudi bali, shendabolakhwo liosi liosi musiiri tawe. ²¹ Shichira shiina orebanga yako kosi, reba yako akabahuliranga nindechesia, balakhubira akandaboola. ²² Olwa yamala okhuboola endio, ommusikari wali nasinjire ahambi ninaye, namukhupa olukhofi mumoni naureba mbu okalusia orie omukhulundu wabakuhani? ²³ Yesu namukalusia ari, nemba nembolere obubi, ngoboshera khububi, ne nikakhaba embolele obulamba, shichira shiina mukhupa? ²⁴ Kho Anas namala namuyira khu Kayafa omukuhani omukhongo nashiboyerwe amakhono. ²⁵ Ne Simoni Petero olwa yali nashioranga omuliro, abali ahambi ninaye nibamureba mbu ewe shioli mulala khubeechibe, Petero nakana nokhumuboolela mbu shali sie tawe. ²⁶ Mulala khubakholi bomukuhani omukhongo, mwanabo omundu wa Petero yarema eshirwi, nareba Petero mbu shendolangakhwo noli nende Yesu nebaanda? ²⁷ Khandi Petero nakaana mana itaywa nilakula mulwangu yilo. ²⁸ Kho nibamunia Yesu khu Kayafa, nibamuira munzu yobuyaasi ni khali khushiri mumabwibwi ne nabo bene nibalenjiramwo ta mbu baleshe okhwononekha mbu kho banyale okhulia Pasaka. ²⁹ Mana omuruchi Pilato natsia elwanyi nabareba mbu nelikhuwa shina eliamurere omundu uno hano? ³⁰ Nabo nibamukalusia mbu, alaba shiali nende amakoso tawe, shikhwakhamurere hano tawe. ³¹ Mana Omuruchi Pilato nababoolela mbu mubukule mana mumukhalachire eshiina okhulondokhana nende amalako kenyu. Mana abaYahudi nibamukalusia mbu efwe shikhuli nende obunyali bwokhukhalachira omundu yesi okhufwa tawe. ³² Mbu kho aka Yesu yaboola katusibwe kamanyisinjia mbu nolufu lwambia shina olwa nafwe. ³³ Mana Pilato nakalukha munzu yobuyasi ne namulanga Yesu ne namureba mbu, "neywe Omuruchi wabayahudi?" ³⁴ Naye Yesu namukalusia mbu, "oboola orio khululwo nohomba abandi bakhuboolele bario khwisie?" ³⁵ Naye Pilato nmukalusia mbu, "Esie shiendi omuYahudi tawe, abelihanga lilio nende abakhulundu babakuhani bakhurere khusie, okholere shiina eshibi? ³⁶ Naye Yesu namukalusia ari, oburuchi bwanje shibuli bweshialo shino tawe, bulaba bweshialo shino, abakholi banje bakhakhupaniile mbu endeshe okhurerwa mumikhono chiabaYahudi tawe, ne butswa oburuchi bwanje shibuli obwa hano tawe. ³⁷ Ne lano Pilato naureba mbu, "kho shioli omuruchi?" Yesu namukalusia mbu, "neywe oubolanga, kho shichira akenako ndebulwa, kachira nditsa mushialo mbu engoboshere obwatieri, mana ouli owobwatieri ahulire omwoyo kwanje. ³⁸ Naye Pilato namureba ari, "Obwatieri ni shiina? ne olwa yali niyakareba ario, yatsia khandi khuYahudi nababoolela mbu shendolangakhwo likoso liosi muye tawe." ³⁹ Ne khulwa okhuba muli nomwima mbu buli Ipasaka khulakhuule omuboye mulala, bulabo ebalakhuulire Omuruchi wabaYahudi? ⁴⁰ Ne nibakhupa obuyoka obuunji mbu, "Omundu uyo tawe, halali lekha Barabasi ne naye Barabasi yali omwifi.