¹ Esie nisie omusabibu kwa toto ne naye Papa wanje niye omulimiri. ² Buli lisaka mwisie elilaama ebiamo ta alirema nalirusiaho, ne liria eliama ebiamo, alikasiria mbu khandi litsirire okhwama khandi ebiamo ebinji. ³ Nenyu muli abalafu okhubirira khwokhuwa liandaboolele. ⁴ Kario mumenyenje muisie ne nasi munywe nenyu mulaama ebiamo, shinga olwa lisaka lilanyala okhwama lionyene nililali musabibu ta, nendio mwesi shimunyala nimurali mwisie. ⁵ Nisie omusabibu ne nenywe amasaka, nimumenya mwisie nasi mwinywe mwitsa okhwama ebiamo ebinji shichira nirali esie shmunyala okhukhola shiosi tawe. ⁶ Omundu nalamenya mwisie, aremwa nasukunwa mumuliro nasambwa. ⁷ Nimuba nimumenya mwisie namakhuwa kanje nikamenya mwinywe, kho mulareba liosi liosi muliira lianje, nenyu mulakholerwa. ⁸ Khulwa esho, nimuba nimwama ebiamo ebinji, Papa ahebwa oluyali ne khandi mulaba abeechi banje. ⁹ Shinga na olwa Papa yaheela, siesi ndabaheelile endio, kho mumenye mubuheli bwanje. ¹⁰ Nimuba nimulinda amalako kanje, mulamenyanga mubuheeli bwanje shinga olwa ndalinda amalako ka Papa wanje ne nimenya mubuheli bubwe. ¹¹ Ne embaboolela amakhuwa kano mbu obuyanzi bwanje bumenyenge munywe mana obuyanzi bwenywe munyale okhutusibwa. ¹² Lino nilio eliebalachirisia mbu muhelanenje shinga olwa ndabaheela. ¹³ Obuheeli obukhongo bufwana burinawa; mbu omundu arusie obulamubwe khulwa abalinabe. ¹⁴ Muli abalina banje nimuba nimukhola akemulachirisia. ¹⁵ Shebalanga khandi mbu abasmba tawe; okhuba omusumba shiamanyanga eshiaomwamiwe akholanga tawe, nebutswa ebalanga mbu abeetsa khulwa okhubeera mbu amakhuwa kosi akandahulira khu Papa wanje ndabamanyia. ¹⁶ Enywe shimwaindobola ta harali nisie owabalobola enywe mbu mwame ebiamo, mana ebiamo bienebo bibetsenjeho mbu mana buliikhuwa elia mureba muliira lianje yetsa okhubakholera. ¹⁷ Amakhuwa kano abalachirisia mbu muhelaninje abene khubeene. ¹⁸ Ne kata eshialo nishiba nishiusira, mwitsulire mbu; shiaranjirira okhusira sie. ¹⁹ Nimwakhabeele abeshialo, eshialo shibaheela abali bashio, nebutswa khulwa okhubera shimuli abeshialo ta, shichira mbu ndabahula okhurula mushialo, nakachira nishibasira. ²⁰ Mwitsulire likhuwa eliandababoolela mbu omusumba shiashila Omwamiwe ta, kho nibaba nibakhobana kho nendio balamukhoba mwesi murio; ne nibaba nibalinda amakhuwa kanje, khandi balalinda bario kenyu. ²¹ Ne amakhuwa kano kosi balamukholera nywe sichira shibamumanyire owaruma sie ta. ²² Nemba shindayetsa nebaboolela ta, shimwakhabeele nende ebionono ta, nebutswa khulwa okhuba ndababoolela, babulakhwo eshifunikho shiobwonooni tawe. ²³ Ulia ousira, amusira nende Papa wanje. ²⁴ Nemba nindakhakholere hakari wabwe emilimo echio oundi alakhola ta, shibakhabeere nende imbi yosi ta, nebutswa bulano balutsi khandi basirire esie nende Papa. ²⁵ Nebutswa kano kekholeshe mbu katusibwe akaboolwa nende Omunabii mbu; basirire halali neshifune ta. ²⁶ Ne olwa omukhonyereri aba niyetsa ourula ewa Papa, yetsa okhubahotseresia. Ye ni Roho owobwatieri ourumbula akobuloli khu Papa nende sie. ²⁷ Ne nenyu mwesi mulahana akobuloli khwisie shichira mwabele ninasi okhurula mukhuchaaka.