¹ Shimulabeyabeya mumioyo chienywe ta, mumusuubire Nyasaye. Khandi musuubirire sie. ² Munzu wa Papa khuli nende ebikoro ebinji. Kalaba shikari kario ta shindakhababoolere mbu enzia okhubakasiria habundu tawe. ³ Nemba nenzia okhubakasiria habundu, ndakhacherere omwene okhubabukula mbu kho halia wa endi mwedsi mubeho. ⁴ Mumanyire injira ili eyenziirakhwo. ⁵ Tomaso namuboolera Yesu ari, "Omwami, shikhumanyire wotsitsanga tawe, ne nikhumanye khurie injira?" ⁶ Yesu namuboolera, "Nisie injira, obwatieri nend obulamu, ne abulaho witsa khu Papa nalaburire khusie tawe." ⁷ Ni muba nimumanyirise, mumanyirisie Papa wanje, okhurulana bulano okhutsirira mumumanyirisie nende okhumulola. ⁸ Filipo namuboolera Yesu mbu Omwami khumanyie Papa ilo lilaba likhuyerere fwe. ⁹ Uesu namuboolera, "Embeere ninenyu khubise ebirambi, ne mushiri okhumanyirisia, Filipo? Ulia oundutsi, alutsi Papa, ne munyala okhuboola muriena mbu ebamanyisie Papa? ¹⁰ Ne shimulasuubiranga mbu Papa ali mwisie nasi endi muye ta? Amakhuwa kebabooleranga shebabooleranga okhurulana khubunyali bwanje ta, halali Papa umenyanga musie akhola emilimochie. ¹¹ Suubirire mbu endi muPapa, naye Papa ali mwisie, kalali kario ta, suubirire khumilimo chikholeshe. ¹² Toto mwene ebaboolera mbu, "Yesi ousuubirira, Emilimo echiekhola alakhola, alakhola emilimo emikhongo okhushira chino shichira enzitsanga wa Papa. ¹³ Liosi liosi liamureba mulira lianje, ndalalikhola kho Papa anyale okhuchinguulwa okhuburira mumwana. ¹⁴ Liosi eliamusaba mulira lianje, ndalabakholera. ¹⁵ Ne nimuba nimuheera, mulalinda amalako kanje, ¹⁶ Nasi ndalamusaba Papa ne alabaheresia omuhotseresi abe ninenyu buli lwosi, ¹⁷ Roho wobwatieri. Abanashiao shibanyala okhumwinjisia tawe shichira shibamumanyire ta shichira shibamulonga nende okhumumanyirisia ta, halali mumumanyirisie okhuba amenya ninenyu khandi alaba ninenyu. ¹⁸ Shindalabalekha shingana abfwirwa ta; ndilacherera khunywe. ¹⁹ Nebutswa khubise bititi, eshialo shishilandola tawe, nebutswa nywe mulandola, shichira emenyanga, mwesi mulamenya. ²⁰ Ne khunyanga eyo mwsakhamanye mbu endi muPapa, nenyu muli musie, nasi endi munywe. ²¹ Ulia oulinda amalako kanje niye owaheera sie, ne ulia ouheera alaheerwa nende Papa, nasi ndalamuheera nende khwilolesia khuye. ²² Ne Yuda (oulali isikarioti ta) namureeba ari, "Omwami, shichira shiina okhuloleshere fwe ne shiololeshera eshikalo ta?" ²³ Yesu namukalusia namuboolera ari, " Ulia ouheera sie, alabiikha likhuwa lianje, ne Papa alamuhera, nefwe khuletsa okhukasia limenya halala ninaye. ²⁴ Ulia oulaheera ta, shialinda amakhuwa kanje ta. Amakhuwa kamuhulira shikarula mwisie ta halali muPapa owaruma. ²⁵ Amakhuwa kano emuboolere olwa eshimenya ninenywe. ²⁶ Kata kario, omuhotseresi, Roho Omutsienukhu owa Papa aruma muliira lianje, alamuechesia buli shindu ne alamwitsusia kosi akandamuboolera. ²⁷ Emuleshera omulembe; emuheeresia omulembe kwanje, ne shemuheeresia shinga olwa eshiaklo shimuheeresia tawe. Shimulabeyabeya ta khandi shimularie ta. ²⁸ Mwahulira shinga olwa ndamuboolera mbu enziitsanga ne nengalushe, nimuba nimuheerire, mwsakhayanze shichira enzia ewa Papa, okhuba Papa yayomba sie. ²⁹ Ne bulaano ebaboolere nikashiri okhwikholekha mbu lwa kaba nikekholere musuubire. ³⁰ Shindaboola ninenyu amanji khandi ta, khulwa okhubeera Omukhongo weshialo shino ali okhwitsa, ne shiali nobunyali khwisie ta. ³¹ Habula mbu eshialo shimanye shinga olwa ndamuheera Papa, khandi ekholanga shingana olwa Papa yandachirisia. Chende khutsie.