¹ Mana olwa tsiali nitsishili tsinyanga tsisasa okhuula khu Pasaka, Yesu yoola eBethania ewa Lasaro yali owa Yesu yalamusia mubafu. ² Kho nibamukholelayo lisabo; naye Maritsa nakhalabana, halali Lasaro yali mulala khubo abayekhala ninabo khumesa ³ Mana Mariamu nabukula iratili yamafura keshing'aari akobukusi bweikulu ne nabakha ebilenje bia Yesu, ne nabipangusia nende lisuwi lilie; ne inzu yosi niyitsulamwo eshing'ari shiamafura yako. ⁴ Ne Yuda Isikarioti mulala khubeechibe, omwana wa Simoni owali nali okhumukhoba , yaboola ari; ⁵ Mbushiina amafur kano nikakusibwa tsitinari etsimia tsitaru mana tsihebwe amamanani? ⁶ Halali shiyaboola ari shichila mbu abahenderanga abamanani ta, habula shichila yali omwifi, ne nali nende omufuko yali nabukulanga ebiarebungwamwo. ⁷ Kho Yesu naboola ari, muleshe abe, akholere ario khulwa inyanga yanje yokhuyabirwa. ⁸ Khulwa okhubeera mbu abamanani mulaba ninabo buli nyanga, ne esie shindalabetsanga ninenywe ebise biosi tawe. ⁹ Mana obunji bwa abandu abomubaYahudi baboolelwa shinga olwa yali naliyo, nibeetsa ne shikhwali khulwa Yesu yenyene ta habula benya okhumulola Lasaro owalamusibwa mukhufwa. ¹⁰ Ne abakhulundu babakuhani baboolerana mbu bamwiire kata Lasaro yesi; ¹¹ Shichira khululwe, abanji babAyahudi barurla nibatsia ne nibamusuubilila Yesu. ¹² Ne inyanga yalondakhwo abandu abanji betsa khwisabo, olwa bahulira mbu Yesu yetsanga muyerusalemu. ¹³ Kho nibabukula amasaka kamashindu, nibatsia okhumwakanila Yesu, ne nibalanjirisia mbu Hosana; yetsomibwe omuruchi waIsiraeli owitsa muliira liOmwami. ¹⁴ Ne Yesu olwa yali nanyolile eshimosi shieisishili, yekhalakhwo shinga olwa kahandikwa mbu; ¹⁵ Olaria ta, omukhana weSayuni; lola, omuruchiwo yetsa naninile khushimoosi shieisishili. ¹⁶ Amakhuwa kano abeechibe shibatiila mubuchachiro ta, ne olwa Yesu yali niyakhamala okhuchingulwa, betsulila mbu amakhuwa kano kahandikwa khuye, khandi shinga olwa bali nibamukholela amakhuwa yako. ¹⁷ Kho omukanda okwa yali ninakwo olwa yalanga Lasaro okhurula mushilindwa, ne namubusia okhurula mubafu, bali nobuloli. ¹⁸ Ne khulwesho kano kachila abomukanda nibeetsa okhumwakaanila okuba bali nibahulile shinga olwa yali nakhokelele akokhuchenya. ¹⁹ Ne abaFarisayo nibaboolerana abene khubene mbu, 'muluutsi, shimunyala likhuwa liosi ta, lole, eshialo shiosi shimulondakhwo. ²⁰ Ne mubalia abali nibetsire okhumwinamila Yesu mwisabo, balimwo abaYunani. ²¹ Ne nibamwitsila Filipo owa Bethsaida muGalilaya, nibamusa bari, Omwami khwenya okhulolakhwo Yesu. ²² Filipo natsia namuboolela Anderea ; kho Anderea natsia halala nende Filipo nibamuboolela Yesu. ²³ Yesu nabakalusia nanaboola mbu ebise biulile mbu Omwana Womundu achingulwe. ²⁴ Tooto mwene emuboolela mbu imwo yeingano nilashiakwa mwiloba nende okhufwa ta, yimenyanga eyene yonyene; ne niyiba niifwa, yibula ebiamo ebinji. ²⁵ Ulia ouheela obulamubwe, abukosia; ne ulialateba obulamubwe mushialo muno, yetsa okhuba ninabwo okhuula khubulamu bweinziayo. ²⁶ Yesiyesi owenya okhurumukhila, yanondekhwo mana ewa endi abwenaho, omurumishi wanje yesi alabaho; omunduyesi naba niyarumukhila, Papa alamuheresia oluyali. ²⁷ Ne bulano omwoyo kwanje kunyakhana muno, emboole endiena? Papa uhonokosie mushise shino, mbu kano nakachira nindula khushise shino. ²⁸ Papa, chinguula eliiralio, mana omwoyo nikurula mwikulu nikuboola, ndalalichingula khandi ndalalichingula. ²⁹ Kho abomukanda abali nibasinjileho nibahulila ne nibaoola mbu lukulu likukume; abandi nibaboola mbu malaika aboolele ninaye. ³⁰ Yesu nakalusia nababoola mbu, omwoyo shikwitsile butswa khulwa esie tawe, halali khulwa inywe. ³¹ Ne bulano nebise ebia Eshialo okhukhalachilwa eshiina, bulano omukhulundu weshialo alasukwa elwanyi. ³² Ne khwisie olwemba nenjingulwa mushialo, ndalasutia abandu bosi ahambi ninasi ³³ Kano yaboola mbu, kalolesie olufu lwanafwe. ³⁴ Abomukanda nibamukalusia mbu, khwahulile mumako mbu Kristo watsana amenyangaho obusia nobushia; nawe oboola orie mbu, Omwana womundu khatimba achingule? Omwana wOmundu uno niwina? ³⁵ Mana Yesu nababoolela, obulafu mushili ninabwo ebise bititi po, muchenje nimushilinobulafu bwatsana mbu eshirima shileshe okhumunyola, ³⁶ ne ulia uchenda mushirimashiala, manya ewa enzia ta. ³⁷ Kata olwa yali nakholile amakhuwa amanji akokhuchenya imbe wabwe, shibamusubilila ta. ³⁸ Mbu kosibwe akaboolwa nende Omunabii Isaya, olwayaboola mbu; Omwami, niwina ousuubile aka khuhulile ifwe? Kata niwina owomukhono kwoOmwami kwafimbulwa khuye? ³⁹ Kario kata shibamusuubilila, okhuba Isaya yaboola khandi ari; ⁴⁰ Yekale tsimoni tsiabwe, nakhola emioyo chiabwe okhuba emiumu; mbu shibalanyalilwa okhulola netsimoni tsiabwe kata okhumanya eshisina nemioyo chiabwe nibakalukhana nasi nembahonia. ⁴¹ Isaya yaboola amakhuwa kano, olwa yalola oluyalilwe, khandi yaboola khukeke. ⁴² Nebutswa kata khubakhulundu beene, abanji bamusuubilila; ne khulwa abaFarisayo shibayeeyama ta, bakharusibwa musinagogi. ⁴³ Khulwa okhubeela mbu baheela oluyali lwa abandu okhushila olwa Nyasaye. ⁴⁴ Mana Yesu nalanjilisia naboola, yesiyesi ousuubilila, shiyasubililanga tsa tawe, hahalli khu ulia owaruma. ⁴⁵ Olwa muba nimuhenga, shimuhenganga tsa isie ta, halali muhenga owaruma. ⁴⁶ Esie ndeetsa mbu embe obulafu mushialo, mbu omundu yesi ousubilila aleshenje okhumenya mushirima. ⁴⁷ Mbu omundu yesi naba nahulila okhuboola khwanje nalakhola ta, isie shimuyaasia ta okhuba shiyaitswa okhuyasia eshialo ta habula okhuhonia ta. ⁴⁸ Oufuchilila isie nalali nende oumuyaasia; likhuwa elia ndabola lienelo limuyaasia khunyanga yobumalilishi. ⁴⁹ Okhuba shimboolanga khulwanje mwene ta, halali khu Papa owaruma, yamberesia lilako; akekhoyile okhukhola, nende akekhoyile okhuboola. ⁵⁰ Ne khandi emanyirisie mbu lilako lino neliObulamu bwobumeli, kho amakhuwa kemboola shinga Papa olwa yaboola nindio emboola.