¹ Bulano omusaatsa undi yalwala, oulangwa Lazaro owaBethania, Litaala liabwe Mariamu nende Maritsa omukhaana wabwe. ² Ne niye Mariamu watsana owamubakha Omwami amafura, ne namupangusia ebilenjebie nende liswilie, owa omusiani wabwe Lazaro yali omulwale. ³ Kho abakhaana yabo bamuusiria likhuwa bari Omwami, lola, ouwaheela nomulwale. ⁴ Ne olwa yesu yahulirakhwo, yaboola ari obulwale buno shibuli obwokhufwa ta, habula obwoluyali lwa Nyasaye mbu Omwana waNyasaye aheebwe oluyali khulwsabwo. ⁵ Ne Yesu yali yachama Maritsa, omukhaana wabwe nende Lazaro. ⁶ Ne olwa yahulira mbu Lazaro nomulwale, yeekhala ewa yali nali tsinyanga tsindi tsibiri. ⁷ Mana olunyumakhwo nababoolela abeechibe ari chende khutsie ebuYahudi khani. ⁸ Abeechibe nibamuboolela bari Rabi, abaYahudi olwabeere babeele nibeenya okhukhusa namachina, khandi wenya okhukalukhayo? ⁹ Yesu nabakalusia nareeba ari, tsisaa ekhumi nende tsibili shitsilio khushiteere, omundu naba nachenda mushiteere shiyetuya ta shichira mbu alola obulafu bweshialo shino. ¹⁰ Ne halali naba nachenda mushiro, yetuya, shichira mbu obulafu bubula muye. ¹¹ Yaboola amakhuwa yako, ne olunyuma nababoolela ari, omusiani wefwe Lazaro akonanga, halali enzia mbu emubusie mundolo. ¹² Mana abeechibe nibamuboolela mbu Omwami, naba nakonanga, yetsa okhuba obulayi. ¹³ Yesu yali naboolanga khukhufwakhwe, ne nabo bapaara mbu aboolanga khukhuhulukha mutsindoolo. ¹⁴ Mana Yesu nababoolela habulafu Lazaro umalile okhufwa. ¹⁵ Nasi enjamire muno khweenywe shichira shiembeho olwafwire tawe, kho munyale okhuusuubila, halali chende khutsie ewa ali. ¹⁶ Mana Tomasi oulangwa mbu Mukhwana naboolela abeechi bashie mbu chende khutsie neefu khufwe halala ninaye. ¹⁷ Ne olwa Yesu yetsa, yanyoola mbu yali yakhakona mushirindwa tsinyanga tsine. ¹⁸ Ne nayo eBetsania yali ahambi Yerusalemu, oluchendo shinga olwetsimailo tsibili. ¹⁹ Ne abanji abokhurula ebuYahudi bali nibeetsire ewango Maria nende Maritsa okhubahotseresia, khulwa lifwa liomusiani wabwe. ²⁰ Ne Maritsa olwa yahulira mbu Yesu yetsanga, yatsia okhumwakanila, halali Maria naye nashiikhale munzu. ²¹ Kho Maritsa naboolela Yesu ari, Omwami olabaho khane omwana wefwe shiyakhafwile tawe. ²² Ne kata bulaano emanyile mbu liosi eliosaba khu Nyasaye alakhuheeresia. ²³ Yesu namuboolela ari omusiani wenywe alalamukha. ²⁴ Maritsa namuboolela ari, emanyire mbu nalamushe khandi mubulamushi bweinyanga yokhumalilikha. ²⁵ Yesu namuboolera ari, esie nisie obulamushi, khandi obulamu; mbu yesi owasuubilila kata naba nfwa, alamenya khandi. ²⁶ Khandi yesi yesi owumenyanga niyasuubile shalafwa tawe. Osuubilanga orio? ²⁷ Naye namuboolela ari Omwami emalile okhusuubila shinga olwa oli Kristo Omwanya wa Nyasaye omwenoyo owitsa mishialo. ²⁸ Ne olwa yali yakhaboola ario, yarula natsia namulanga Mariamu omukhana wabwe elubeka namuboolela mbu, Omwami yetsere ne akhulanganga. ²⁹ Ne olwa Mariamu yahulira ario, yabuukha lwangu, ne natsia ewa yali. ³⁰ Ne Yesu yali nashiili okhwinjila mwitaala, yali nashili awa Maritsa yali namwakanile. ³¹ Ne abaYahudi bali ninaye munzu abali nibamuleminjia omwoyo olwa balola Mariamu nasinjila lwangu natsia elwanyi, bamulondakhwo nibaboola mbu atsitsanga khushilindwa okhwikhuula khandi. ³² Mana olwa Mariamu yola aha Yesu yali namulola, yakwa mumakuluke ne namuboolela mbu Omwami olabaho omwana wefwe shiyafwile tawe. ³³ Olwa Yesu yalola nalilanga, nende AbaYahudi abali nibamulenderekhwo boosi nibalilanga, yetsulila shinga olwa okhufwakhwe khuliba. ³⁴ Ne nareeba mbu, mumwalisie hena? Nabo nibamukalusia ari, Omwami, yitsa olole. ³⁵ Yesu nalila. ³⁶ Mana abaYahudi nibaboola bari, toto mwene yali yamuheela. ³⁷ Ne abandi nibaboola bari, omundu uno owekula tsimoni tsia tsiomubofu, nalamukholakhwo mbu aleshe okhufwa? ³⁸ Yesu khandi nashenya mumwoyokwe, niyoola khushilindwa. Nashio shiali imbinga, ne nibareerekhwo lichina. ³⁹ Yesu naboola ari, murusiekhwo lichina. Maritsa omukhaana wabo omufuu, namuboolela ari, Omwami, bulano ahunya. ⁴⁰ Yesu namuboolela, mbu noba nosuubila, wakhalole oluyali lwa Nyasaye? ⁴¹ Kho nibainia lichina awomufu yali narerirwe. Naye Yesu nachingula tsimonitsie ikulu naboola ari, Papa, orio muno shichila mbu uhulile. ⁴² Khandi emanyire mbu uhuliranga tsinyanga tsiosi; halali khulwa abandu besinjililanga, embolelele likhuwa elo mbu kho banyale okhusuubila mbu waruma. ⁴³ Ne lowa yali niyakhaboola kano, yalanga nende omwoyo omukhongo ari Lazaro! rulamwo; ⁴⁴ Omufu uyo narula naboyilweamakhono nebilenje nende isanda, naboyilwe eshitambaya mumoni. Yesu nababoolela ari mubooleole atsie. ⁴⁵ Kho abanji abokhubAyahudi abali nibetsire waMariamu ne nibaboola aka Yesu akholile, bamusuubilila. ⁴⁶ Nebutswa abandi khubo batsia khuBafarisayo nibababoolela amakhuwa aka Ygesu yali nakholile. ⁴⁷ Mana abakhulundu babakuhani nende abaFarisayo nibalanga eshiina nibareeba bari khukhole khurie? Okkhuba omundu uno akholanga amanji akokhuchenya. ⁴⁸ Nikhuba nikhumulekha yenyene, abandu bosi balamusubilila, ne abaroma baletsa nibabukula habundu wefwe nende lihanga liefwe. ⁴⁹ Ne oundi mubo mbu Kayafa, owali omukuhani omukhulundu omwihika kwenoko yababooledla mbu shimumanyire likhuwa lioksi ta. ⁵⁰ Kata shimwitsulila shinga olwa kakaasa mbu omundu mulala afwile abandu boosi, mbu lihaanga liosi lileshe okhutiba. ⁵¹ Ne shiyaboola yako khulwa ye ta, halali olwa yali omukuhani omukhulundu omwika ikwo, yaboola mbu Yesu yakhafwile llihanga. ⁵² Ne shikhwali khulwa lihanga elo lionyene ta, habula mbu okhukhung'aa sia halala abaana ba Nyansaye abali nibasalanile. ⁵³ Kho okhurula khunyanga eyo, bamusanjilila mbu bamwire ⁵⁴ Kho Yesu shiyachenda ebulafu mubaYahudi ta, halali yeenyokha natsia mushibala eshiali hambi mushitsiimi mwitaala elilangwa mbu Efuraimu ne niyekhalayo halala nende abeechibe. ⁵⁵ Ne Pasaka yabaYahudi yali ahambi, abanji barula mushibala nibatiikulukha nibatsia eYerusalemu Pasaka niyishiiri mbu beesiye. ⁵⁶ Kho nibamukhaaba ne nibaboolerana abeene nabeene nibasiinjile muhekalu bari paara murie? Mbu shialeetsa khwisabo ta. ⁵⁷ Ne abkhulundu babakuhani nende abaFarisayo bali nibalachirisiye mbu omundu yesi naba namanya ewa ali, abuule mbu kho bamutiire.