¹ Naye Saulo nashukhana nende okhusioma aka obwiri bweLikanisa,yatsia khu Mukuhani Omukhulundu. ² Ne niyekomba okhurula khuye tsibarwa,mbu atsie Damasiko okhukhaba nende okhutiira abene yabo abali abeinjila yOmwami mbu abatiile abasatsa khu bakhasi abarere Yerusalemu nibaboilwe. ³ Ne olwa yali nashitsitsanga Damaikas,obulafu okhurula Mwikulu bwamubotokhana, ⁴ Mana nakwa hasi,naulira omwoyo okhurula mwikulu nikubola mbu,Saulo,Saulo, khulwashiina niunyasia? ⁵ Naye nakalusia mbu," niwe wina omwami?" Omwami nakalusia ari,"Nisie Yesu owa onyasinjia, ⁶ Mana natechela naboola mbu Omwami ekhole shina?namuboolela mbu buukha winjile mwitokho,ne ebweneyo olabolelwa aka okhoyele okhukhola. ⁷ Ne abandu abayali ninabo nibasinjila,nibabula liokhubola shichila baulila omwoyo nikuboola ne shibaalola omundu ta. ⁸ Mana Saulo nabuukha ne shiyalola khwo omundu yesi ta,habula bamutiira omukhono nibamuinjisia Damasika. ⁹ Mana khutsinyanga tsitaru nalalolaanga ta,kata okhulia nohomba okhunywa. ¹⁰ Ne yaliho Omwechi undi e Damasikas oweliira mbu Anania,naye yali nalutsi mumalolelo ,omwoyo nikumwitsila mbu "Anania",naye nakalusia mbu "omwami endi hano." ¹¹ Omwami namuboolera, "buukha,otsie khunjira eyilangungwa mbu inunji,orebe ebweneyo khuli nende omundu okhurula Tarsa asayanga. ¹² Naye yali nalutsi omundu mumalolelo, omundu oulangwa mbu Anania niyetsa namurakhwo amakhono mbu anyalilwe okhulola. ¹³ Naye Anania nakalusia mbu, "omwami,ndauliira amakhuwa amanji khu omundu uno shinga olwa anyasinjia abandu bo muYerusalemu. ¹⁴ Mana khandi ali nende omunua okhurula khubakuhani abakhulundu mbu abatiire abene yabo abalanganga khu lira lia kristo. ¹⁵ Nebutswa omwami namuboolela mbu, "tsia,Ye neshikholero eshia ndamwahule mbu achiinje eliira lianje khu baruchi,khu bamahanga nende khu baana ba Israeli. ¹⁶ okhuba ndalamumanyia shinga olwa kamukhoyele okhunyakhana khulwa eliira lianje. ¹⁷ Mana Anania natsia khunjila eyo niyenjila munzu, ne olwa ya murakhwo amakhono,namuboolela mbu ,omusiani wefu Saulo,omwami ouli Yesu Kristo omwene oyo owakhuloleshela khunjila niwitsanga, yarumire mbu enyale okhulola nende khandi onyole omwoyo omutsienukhu. ¹⁸ Mana ebindu bifwana shinga amakhoba nibikwa okhurula mutsimoni tsie, mana nanyalilwa okhulola,nabuukha nabatisibwa. ¹⁹ Ne olwa yalinamalire okhulia inyama,yanyola amaani,mana Saulo nabayo tsinyanga halala nende abechi abali nibali muDamasikas. ²⁰ Mana nachaka okhukamba Kristo mbu ye no Owana wa Nyasaye. ²¹ Ne boosi abamuhulira bahuchisibwa ,ne babola mbu shali ye uno owasasia abalanganga khulira lino mu Yerusalemu?mana khandi yetsere hano khulwa akene ako,mbu abatiire nabayila khumukuhani omukhulundu? ²² Nebutwsa Saulo yatsililira okhunyola amani,natinyisilia abandu (abayahudi mbu uno niye Kristo). ²³ Netsinyanga olwatsiali nitsiwele tsinyinji, Abayahudi bapaanga mbu bamwile. ²⁴ Mana amakhuwa kano nikamanyikha khu Saulo,nibalindilira mubilibwa eshiro nende eshitere mbu bamwire. ²⁵ Kho Abeechi nibamubukula mushiro nibamubisilia haundi khwisisi mushimwelo. ²⁶ Ne olwa Saulo yola Yerusalemu,yateema okhuungana nende Abeechi,nebutswa bosi bali nende oburii,nibalasuubira mbu yesi no mwechi tawe. ²⁷ Halali Baranaba namubukula namulera khubarume, nabarumbulira shinga olwa yali namulutsi Omwami khunjira,ne khandi yali nabolere ninaye nende khandi shinga olwa yali nakambire nende itswoni mu Damasco mulira lia Yesu. ²⁸ Mana naba ninabo mukhwinjila nende okhurula mu Yerusalemu. ²⁹ Mana naboola nende itswoni khuliira lia Omwami Yesu,yabolanga nayingania abayahudi beBuyunani,nibatsililira butswa okhukhaba mbu bamwire. ³⁰ Olwa abahelwa bamanya, bamukholomosia mukaisaria ne nibamuruma okhutsia Tarso. ³¹ Mana amakanisa nikahulukha okhurula eBuyahudi ,Galilya nende Samaria,mana nikeyombokha nibachendanga muburii bwa Nyasaye nende mubuhotselesibwi bwa omwoyo omutsienukhu bametekha. ³² Olwa Petero yabilira mutsimbali tsiosi,yakholomokha natsia khubeechi abaliyo Lidda. ³³ Ebweneyo yanyola omundu undi mbu Ainea, owali khushitanda shie emiaka munane nali omuteshele. ³⁴ Mana Petero namubolela mbu, "Ainea,Yesu Kristo akhukhole omulamu,buukha wituushe eshitanda shio,naye nabukha bwangu. ³⁵ Ne bosi abali mu Lidda nende Saron bamulola, nibamukalushira Nyasaye. ³⁶ Mana muyafa khwali nende omwechi uundi owelira mbu Tabitsa,likalulwa mbu" Dorica(eshitsusu)"omukhasi uno yali yetsula mwo ebikhole ebilayi nende obukhonyi obunji obwa yakhola. ³⁷ Mana olunyuma lwetsinyanga etsio yalwala,ne nafwa,olwa bali bamalile okhumusinga, bamura munzu ya Hekalu. ³⁸ Ne khulwa Lidda yali ahambi nende Yafa,ne abeechi bali nibahulile mbu Petero ali ebweneyo, bamurumila abaandu babili,nibekomba mbu shiala shinda okhwitsa ewa bali tawe. ³⁹ Mana Petero nabuukha natsia ninabo,ne olwa yola ho,nibamwinjisia munzu yeikulu,mana abalekhwa bosi nibetsa nibekhulaanga ,nibamumanyia amakoti nende ebitambaya ebia yali niyanaba olwa yali nashili omulamu. ⁴⁰ Mana Petero nabarusia bosi elwanyi,ne nasikama hasi nasaya,ne olwa yashukhanila omubili kwomufu,naboola,"Tabitsa,buukha."Naye natimbula tsimoni tsie,ne olwa yamulola Petero,yabuukha niyekhala. ⁴¹ Mana namuhelesia omukhono kwe,namuchingula, ne olwa yali nalanjire abahelwa nende abalekhwa,yamuhana khubo omulamu mwene. ⁴² Mana kano kamanyikha mu Yafa mwosi,nabo abasanji nibamusubilira Nyasaye. ⁴³ Kho yahonga muYafa tsinyanga tsinyinji nende Simoni mulala omulushi wa masero.