¹ Yaliho omundu muKaisaria welira mbu Korinelio, omuseesia oweinganda eyilangwa mbu Eyeshitalia, ² Nomundu omwikayakayi owaritsanga Nyasaye halala nende bosi obomunzu mwe,yahesinjia abandu ebihanwa bietsimbabasi nasayanga Nyasaye tsinyanga tsiosi. ³ Yalola habulafu mwibisulo shinga khusaa Tisaa eshiteere,malaika wa Nyasaye namwitsila namubolela ari,"Korinelio" ⁴ Ikholo niyimurimukha mana naindula tsimoni okhumulenga,namureba"Nishina Omwami?" Naye namubolela mbu,okhusaya khwo nende ebihanwa bio bietsimbabasi biulile embeli wa Nyasaye okhuba eshitsulilo. ⁵ Kho bulaano orume abandu eYafa okhurera omundu welila mbu Simoni oulangungwa mbu Petero. ⁶ Amenyele nende Simoni omunyusi wamasero,oweinzu ye ili elubeka lweinyanza, ye alakhubolela aka okhoyele okhukhola. ⁷ Ne olwa Malaika wabola ninaye yamulekha,yalanga babili khubakholi be,mulala khubo niulia owamulindanga tsinyanga tsiosi. ⁸ Ne niyakhababolela kosi akali nikekholeshe,yabaruma mbu batsieYafa. ⁹ Mana inyanga yalondakhwo, kakhabuura amasa kasasaba nibali khuluchendo,mana bahenjelere okhula, Petero yanina khushilama shieinzu asaye. ¹⁰ Yamala aulile inzala ne niyenyakhwo eshindu shiokhulia.ne olwa bali nibashikasinjia,yayenzeela. ¹¹ Nalola Likulu neliikushe eshichinjilo shindi nishikha shingana ishuka ingali,niishiibwa khushialo. niishibungwa khutsikona tsiayo tsiosi ¹² mana muyo khulimwo nende tsimbia tsiosi tsiebilonje,biamakulu kane nende bimolanga khwiloba khandi amanyonyi kosi. ¹³ Mana omwoyo nikumwitsila kuri,buukha Petero,wire mana olie. ¹⁴ Halali Petero naboola mbu,"tawe Omwami",Eshili okhuliakhwo eshindu shiosi shiosi shiomusilo kata eshieshifwabwi ta. ¹⁵ Omwoyo okwo nikumwitsila khandi lwakhabili,"Mbu eshiaNyasaye asiyile,olashilanga shieshilima tawe. ¹⁶ Kano nikekholekha okhula khataru,mana mubwangu yibo eshichinjilo eshio nishikalusibwa Mwikulu. ¹⁷ Kho olwa Petero yali nashikanakania mumwoyo akamalolelo yako,lola abasatsa abarumwa nende Korinelio bali niboolere hashilibwa,nibamalire okhureba shinga olwa boola khunzu ya Simoni. ¹⁸ Nibalanjilisia nibareba mbu,Simoni oulangwa mbu Petero nikakhaba yamenya ho. ¹⁹ Ne olwa Petero yali nishikanakanivnjia khumalolelo kalutsi,Omwoyo nikumubolera, lola, abasatsa bataru bakhukhabaanga. ²⁰ Bukha wishe hasi otsie ninabo obulakanakania ta,okhuba nisie oubarumile." ²¹ Kho Petero niyekha natsia ewabali,nababolela mbu "nisie owomukhabanga, nishina eshibalelere?" ²² Nibamubolela bari,omuseesia oulangwa mbu Korinelio,omundu omulunjishi khandi ouritsanga Nyasaye,ouli oburumbushi obulayi okhurula khwihanga liosi lia Bayahudi,yebalilwe nende Omumalaika omutsienukhu mbu khukhurumane witse munzu ye kho anyale okhuulira okhurula khuywe. ²³ Mana Petero nabenjisia munzu mbu babemwo,mana inyanga yalondakhwo natsia ninabo halala nende abahelwa bandi okhurula Yafa. ²⁴ Inyanga yalondakhwo nibola muKaisaria,.Naye Korinelio yali nabalindile nende aboluyia be okhula khubetsa be baheembi. ²⁵ Ne olwa Petero yeenjila,Korinelio yamwakanila nakwa hasi mumakulu namwinamila. ²⁶ Nebutswa Petero namubuusia nokhumuboolela mbu,"sinjila!kata esie siesi endi butswa omundu". ²⁷ Nashibola ninaye,yeenjila munzu nanyola abandu abanji bakhunganile halala ²⁸ Nababolela ari, "Inywe abeene mumanyile shinga olwa kuli omusilo omundu omuyahudi okhukhungana nende owelihanga lindi.Halali Nyasaye yaamanyiye mbu shekhoyele okhulanga omundu yesi yesi mbu weshifwabwi tawe. ²⁹ Niko kachilile ninditsa obulaingana ta,olwa barumane nditse.Kho nishina eshiomunyere?." ³⁰ Korinelio namubolera mbu,tsinga tsine tsibuurile khubise shinga bino,nendi mumasayo kokhwiyima munzu mwanje,nendola omundu nasinjira imbeli wanje,mutsingubo tsin'ginan'gina. ³¹ Nabola ari, 'Korinelio,okhusaya khwo Nyasaye aulile,khandi ebihanwa bio bitsulilwe imberi wa Nyasaye. ³² kho ruma abandu Yafa bakhulanjire omusatsa welira mbu Simoni oulangwa mbu Petero.Amenyele munzu yomunyushi wa maselo oulangwa mbu Simoni,elubeka khunyanza ³³ Mana nerumana witse,khulwo mwoyo kwo omulayi witsile,bulano khubele hano imberi wa Nyasaye okhuhulira kosi kaNyasaye akhulachilisiye mbu oboole. ³⁴ Mana Petero nachaka nokhubola mbu,"Toto mwene Nyasaye shali nende ebiela ta. ³⁵ Nebutswa buli mwihanga huyo oumuritsanga nakhola akobulunjishi afuchilirwa ninaye. ³⁶ Mumanyile likhuwa liruma khubaIsraeli, olwayayaala amakhuwa amalayi komulembe okhubulila khu Kristo Yesu ouli omwami wa bosi. ³⁷ Inywe beene mumanyile akekholekha,akali ebuyahudi yosi okhuchakila Galilaya,inyuma wobubatisi bwa Yohana yelwatsa. ³⁸ AkaYesu waNazareti shinga olwa Nyasaye yamwitsusia nomwoyo omutsienukhu nende obunyali.Yachenda nakhola amalayi nende okhuhonia bosi abanyasibwa nebishieno,shijila Nyasaye yali halala ninaye. ³⁹ Nefwe abakobosheeli bamakhuwa kosi ka Yesu yakhola,mushibala shiabayahudi okhula Yerusalemu. Bwamwila nibamubaamba khumusala ⁴⁰ Halali Nyasaye yamulamusia inyanga yakhataru nokhumulolesia habulafu. ⁴¹ Ne khubandu bosi ta,halali abaNyasaye yalobola khale,nifwe abalia ninaye owayali namalile okhulamukha mubafu. ⁴² Yakhulachilisia khwilwatsile abandu nende okhuhana obuloli mbu,huno niye wa Nyasaye yaula akhalachile abalamu nende abafu. ⁴³ Khulwa ye Abalakusi bosi bainia obuloli mbu,buli oumusubila alabeelwa ebinono mulira lie. ⁴⁴ Olwa Petero yali nashiboolanga,omwoyo omutsienukhu kwenjila mubosi abali nabamuhulilisinjia ⁴⁵ Nabo abomukaanda kwetsa nende Petero niban'gan'gala,shichila mbu omwoyo omutsienukhu kwishile khandi bosi banashialo. ⁴⁶ Okhuba babahulila nibabolanga mutsinimi tsindi nende okhumwitsomia Nyasaye,mana Petero nakalusia ari, ⁴⁷ "Niwina owakhanyala okhubeema amatsi mbu balabatisibwa ta,abanyolele omwoyo omutsienukhu shinga fwe khwanyola?. ⁴⁸ Ne nalaka mbu babatisibwe mulira lia Yesu Kristo.Mana bamusaya mbu abe ninabo tsinyanga tsitsia tsirio.