¹ Bulano abarume nende abaana beefwe abali ebuYahudi bahulira shinga Abamahaanga nabo olwa bali nibanyoolere likhuwa lia Nyasaye, ² Ne olwa Petero yali natikuulushe niyoolire e Yerusalemu, yabo abali abeshishebo bayingana ninaye. ³ mbu eywe wenjila mubandu abasinde nolia ninabo. ⁴ Nebutswa Petero yachaaka nabamanyia amakhuwa amalayi shinga olwa kalondana naboola ⁵ ndali nendi mwitaala liaYafa nisaayanga ne olwa ndali nirenjetsanga ndalola libisulo, mbu oluteru olukhoongo nilwikha shingana ishuuka ingali niyishibwa okhurula mwikulu niyitiililwe mutsimbeka tsiosi tsine niyula aha ndali. ⁶ nenyiila tsimoni okhuhenga mana nendilakhwo nendola ebilonje biamakulu kane ebieshialo kata tsisolo nende ebimoolanga nende amanyonyi akomwikulu. ⁷ Khaandi ndahulila Omwoyo nikuboola mbu " Buukha Petero wiire olie". ⁸ Ne ndakalusia mbu,"Ah, tawe Omwami, okhuba eshindu shiosi eshiomusilo kata eshieshifwabi shi shili eshinyala okhwinjira mumunwa kwanje tawe" ⁹ Ne omwoyo ikwo nikukalusia olwakhabili okhurula mwikulu mbu, " Eshia Nyasaye asiiyile olashilanga mbu neshieshifwabwi tawe. ¹⁰ Kanokekholekha khataru,mana biosi nibikhweswa nibikalusibwa mwikulu. ¹¹ Mana lole khushise shieneneshio abasatsa bataru nibasinjila imbeli weinzu eya khwalimwo nibarumirwe khusie okhurula eKaisaria. ¹² Naye Roho niyambila mbu enzie ninabo obulakhola obwahuli bwosi tawe. Nabo abaana beefwe bano basasaba nikhutsia ninabo nikhwinjila munzu yomusaatsa uyo. ¹³ Naye nakhuboolela shinga olwa yali naluutsi Malaika mwilooro, nasinjiileMunzuye, naboola mbu rumana e Yafa okhwenda Simoni oweliira lie lindi ni Petero. ¹⁴ Omwenoyoalakhuboolera amakhuwa akachila nohonibwa, iwe nende abeinzuyo boosi. ¹⁵ Ne olwa ndali nishichaka okhuboola Roho Omulaafu yabeshela, shinga olwa yakhwishila efwe khukhuchaaka. ¹⁶ Nasi ninditsulila amakhuwa kOmwami shinga olwa yaboola mbu toto mwene Yohana yabaatisia nende amatsi ne enywe mwabaatisibwe nende Roho Omutsienukhu. ¹⁷ Kho olwa Nyasaye olwa yabaha eshihaanwa shilala shieneshio eshia yakhuheelesia efwe olwa khwasuubila Omwami Yesu Kristo, nisie wiina owakhanyala okhukaya Nyasaye? ¹⁸ Nabo olwa bahulira amakhuwa yako bahoolela, nibamuheelesia Nyasaye oluyali mbu khane Nyasaye yaheele Abamahaanga nabo obwiyango bwobwikalukhasi mbubanyoole obulamu. ¹⁹ Kho, yabo abasaalana hosi hosi khulwa okhusandibwa okhwabushila mumakhuuwa ka Stefano, bachenda okhuula eFoinike, na Kupuro nende Antiokia, nibababoolela abandu boosi aakelikhuwa liene ta halali abaYudi bonyene. ²⁰ Ne baliho abandi khubo aba Kupuro nabaKurene nibo ababolerakhwo abaYunani, olwa bali nibarulile eAntiokia nibeelwatsanga akOmwami Yesu. ²¹ Omukhono kwOmwami nikuli ninabo abasuubila nibashukhanila Omwami. ²² Amakhuwa kabwe nikoola mumarwi keikanisa eyali eYerusalemu, nabo nibaruma Barinaba okhutsia eAntiokia. ²³ Naye olwa yali niyooleleyo, nende okhulola obukoosia obwa Nyasaye, yasaangala nabachiyia mbu bareekhwo omwoyo okhuhaanda khuMwami. ²⁴ Khulwa okhubeera mbu yali omundu omulayi, niyetsuulamwo Omwoyo Omutsienukhu nende obusuubili, abandu abanji nibameetekha khuMwami. ²⁵ Mana narula natsia eTaruso okhukhaaba Barnaba. ²⁶ Ne olwa yali namunyoolere yamureera eAntiokia. Mana omuyika omulamba bakhun'gaananga nende likanisa nibeechesia abandu abanji. Ne ebweneyo eAntiokia niho ewa abeechi baranjilila okhulangwa mbu Abakristo. ²⁷ Yaho mutsinyaanga yitso Abaroobi bandi bakholomokha okhurula eYerusalemu niboola eAntiokia. ²⁸ Mulala khubo oweliiralie mbu Agabo yasinjira namanyia mubunyali bwa Omwoyo shinga inzala ikhongo olwa yitsa okhubao mushialo mutsinyanga tsia Klaudio. ²⁹ Nabo abeechi bali buli mundu nende obunyalibwe shinga olwa bwali nibarakhwo omwoyo okhuruma obuhabini khubaana babwe abamenya ebuYahudi. ³⁰ Ne bamala bakhole bario nibabarumila abakofu mumakhono ka Baranaba nende Sauli.