¹ Tsinyanga nitsihwelekhwo,olwa abechi batsililira okhumetekha,obusoolo bwaliho hakari wa Abayahudi ababoolanga Oluyunani nende ababoolanga oluHebrania.Abayahudi baboolanga Oluyunani beyiniakana mbu abakhasi abalekhwa abelubeka wabwe shibahebungwa omukabo kwobukhonyi okwa buli nyanga tawe. ² Kho Abarume ekhumi nababiri yabo nibakhungasia omukanda okwa abasubili halala nibababoolera mbu,"Shubri i obulayi efwe okhulekha okhuyaala likhuwa lia Nyasaye khulwa okhukaba omukabo kwobukhoonyi tawe. ³ Khulwa yako abaana beefwe ,mwahule abandu musafu mwinywe,abamanyikha mbu bayetsulamwo omwoyo omutsienukhu,abachesi khandi abeifuma indayi,abakhularaho okhukhola emilimo chino. ⁴ Nefu khutsililile khulwa okhusaya nende okhuyaala Injili". ⁵ Omukanda kwosi kwasangalira aka Abarume baboola,kho nibamala nibahura Stefano,omundu owali nobusubrii obunji,khandi niyetsulwamwo omwoyo omutsienukhu,nende Filipo,Porokoro,Nikanori,Timoni,Paramena nende Nikolau owamahanga okhurula Antokia,owali niyakalukhana okhulonda idini ya Abayahudi. ⁶ omukanda nikubahaana abandu bano khuAbarume, nabo nibabasayira nibabalakhwo amakhono. ⁷ Kho likhuwa lia Nyasaye nilimeta okhutswana.Ne obunji bwabechi nibumetekha mu Yerusalemu,ne abesaalisi abanji nibafuchilira obusuubiri yibwo. ⁸ Naye Stefano niyetsulwemwo obukosia bwa Nyasaye nobunyali,yakhola akamakana amanji nende akokhuhuchisia mubandu. ⁹ Nebutswa abandu bandi abomukanda okwa Esinagogi eya abalakhule(Shinga olwa yalangungwa)bayingasia Sitefano,eyalimwo Abayahudi okhurula Ekurene nende Alekisandaria, abeene bano nende Abayahudi bandi abarukanga Ekillikia nende Asia,bachaka okhuyingana nende Sitefano. ¹⁰ Nebutswa omwoyo omutsienukhu yahelesia Sitefano obuchesi kho mbu olwa yaboolanga, shibanyalilungwa okhumufukula tawe. ¹¹ Kho bamala bahotselesie abandu bandi masilisi okhuboola mbu,"Khumuhulire omwene naboola amanyeko khu Musa nende khu Nyasaye". ¹² Munjila yino bayakulula abandu, abakofu nende abeechesia abamalako.Mana nibatila Sitefano nibamuyila imbri. ¹³ Mana nibarelamwo abandu abokhuboola akobubeyi mbu,"Omundu uno buli lwosi afukulanga Ihekalu yefwe inzienukhu nende amalako ka Musa". ¹⁴ Khumuhulire naboola mbu Yesu omunazareti uyo alilikulula Ihekalu ino khandi alikalukhasia emiima chiosi echia khwahebwa okhurula khu Musa." ¹⁵ Abandu boosi abali nibeekhale mushiina baheenga tsimoni tsiabwe khu Sitefano,ne nibalola obwenibwe nibufwana shinga obweni obwomumalaika.