¹ Nebutswa omusatsa mbu Anania,nomukhasiwe mbu Safira,bakusia eshitonye shiomukunda kwabwe ² mana nafuchilisania nomukhasiwe mbu yebishirekwo amapesa kandi,ne akandi barere Khubarume. ³ Kho Petro namureba mbu,"Anania,shichira shina nofuchilila Shetani okhwikha mumwoyo kwo,nachila nobeyala Omwoyo Omutsienukhu khulwa okhubikha amapesa kandi aka okusiye mumukundakwo? ⁴ Olwa obere noshiri okhukusia omukunda,shokubele okukwo,ne kata olwa okukusiye,amapesa shikabele hasi wobulindi bwo?Shichira shina mumwoyo kwo nobara okhukhola kano?Shobeyile abandu tawe,halali obeyile Nyasaye. ⁵ Mana olwa Anania yahulila amakhuwa yako,yakwa hasi nafwa,kho abandu boosi abahulilakhwo amakhuwa yako batilwa noburi. ⁶ Mana ababukha nibamukanyila musanda, nibamuchinga nibatsia nibamuyabila. ⁷ Nebiakhabura ebise biyera atsisa tsitaru, omukhasiwe niyenjira obulamanya kekholeshe tawe. ⁸ Petro namureba mbu,"mbolelakhwo.kano niko amapesa koosi akamukusiye omukunda,"Naye nakalusia mbu,"Toto mwene kabere kario." ⁹ Kho Petero namureeba mbu,"Eshichilile eywe nende omusatsawo nimuchooma okhuteema omwoyo kwo Omwami nishina?Lola abasooliri bayabire omusatsawo nibo bali hamuliango yaho,nawe wesi balakhuchinga okhuyila erwanyi." ¹⁰ Habwene nahabwene nakwa hasi nafwa.Abasooliri yabo nibechila nibalola mbu afwile,nibamuchinga nibamurusia erwanyi,mana nibamuyabira halubeka khumusatsawe. ¹¹ Abelikanisa boosi nende abandi boosi abahulilakhwo amakhuwa yako batrlwa neindenga ikhongo. ¹² Abarume bakhola akamakana nende okokhuhuchisia amanji mubaandu.Abasuubrii boosi nibakhunganira mushikono shia Sulemani. ¹³ Ne abandu bandi boosi shibatsalikha okwitsoka mubo tawe.Kata kario abandu abanji babetsoomia. ¹⁴ Nebutswa abandu abanji bametekha khunganda yabasuubiri ,omukanda okwa abasatsa nende abakhasi abali nibasuubire mu Omwami. ¹⁵ Okhulondana nende ebikhole ebia bali nibakholanga,abalwale bachingwa nibayilwa khunjila,nibalisibwa khubitanda nende khumahambo kho mbu,Petero naba nabiranga aha bali,eshinikhashie shibilekhwo butswa khubo, ¹⁶ Mana emikanda chiabandu chietsa nichirula mumataala akarondokhane nende Yerusalemu, nibareraanga abalwale babwe nende yabo abebishieno biali mubo,mana boosi nibahonibwa. ¹⁷ Nebutswa omusalisi omukhongo halala nende boosi aba yali ninabo,nibo abasanji bomukanda okwa Abasadukayo,nibatilila Abarume imbalikha. ¹⁸ Kho nibatira Abarume ,nibabayira mumbohe yabandu boosi ¹⁹ Nebutswa mushiro yisho,omumalaika woOmwami yekula emiliango mumboye iyo,mana nabarusiamwo nababooera mbu, ²⁰ Tsie musinjire muHekalu, muboolere abandu amakhuwa koosi akobulamu obuyia buno. ²¹ Abarume nabo bahulira nibalonda akababoolelwe,mana nibenjira muHekalu obukwe nibushishebanga,ne nibachaka okhwechesia.Omwimilisi omukhongo nende aba yali ninabo,betsa nibakhungasia abakofu abeshina shia Abayahudiboosi,nibarumasia amakhuwa mumbohe mbu,Abarume barelwe imberi wabwe. ²² Nebutswa olwa abakhongo yabo batsia mumbohe eyo,shibanyolamwo Abarume yabo tawe,kho nibakalukha khubeshina,nibababoolera mbu, ²³ "olwa khulire mumbohe,khunyolire niyikalwe obutinyu, nabo abalindi bayo boosi nibasinjire hamiliango nibali meso, nebutswa olwa khwikule emilingo yicho, shokhunyolilemwo omundu kata mulala tawe!" ²⁴ Olwa abesaalisi abakhulundu nende omukhungo wabalindi abe Ihekalu bahulilakhwo kano,bahuchisibwa khu akali nikekholeshe khu Abarume yabo. ²⁵ Mana omundu niyetsamwo nababoolera mbu,"Rechelesie! abandu bomwara mumbohe,bali muHekalu bechesinjia abandu!" ²⁶ Kho omukhongo wabandu yabo natsia nabalindi mana nibarera Abarume imbeli Weshina.Yabarera sila amahababa koosi ta,shichila baria mbu haundi abandu bakhabalasa namachina. ²⁷ Benjisia Abarume mukari mana nibabasinjisia imbeli weshina,kho omwisalisi omukhongo nabareeba mbu, ²⁸ "Ifwe khwabalachilisia obutinyu mbu,mulechesiekhwo mulira eliomundu uno khandi ta,nebutswa lolekhwo aka mukholire "Mutswaniye amachesio kenywe kano mu Yerusalemu mwosi,mana khandi mwenyanga okhukhurakhwo eshikha shiokhufwakhwe.!" ²⁹ Nebutswa Petero nende Abarume baashie babakalusia mbu,"Khukhoyile okhuhulira aka Nyasaye okhushira akabandu. ³⁰ Nyasaye owabakuka befwe, yalamusia Yesu okhurula mukhufwa,olunyuma olwa inywe okhumubamba khumusalaba, ³¹ Nyasaye yamuchingula namura khumukhono kwe omusatsa, okhuba omwimilisi khandi omuhonia,nokhubaleshela ebionono bienywe. ³² Ne ifwe nende omwoyo omutsienukhu,ouli eshihaanwa shia Nyasaye khuyabo abamuhulilanga,khandi abaloli abamakhuwa kano". ³³ Ne olwa abeshiina bahulira kano,basinyikhapo,ne nibakhalaka mbu Abarume yabo berwe. ³⁴ Nebutswa mulala khubeshina Omufarisayo owalangwa mbu Gamalieli,owali omwechesia wamalako,khandi yahebwa oluyali nabandu boosi,yasinjira mushina , yalachilisia mbu Abarume yabo barusibwe elwanyi. ³⁵ Mana naboolela abeshina mbu,"AbaIsraeli bashianje,obulayi akamwenyanga okhukholela abandu bano. ³⁶ Mwitsulire mbu mutsinyanga tsiabirakhwo,omundu mbu Tseuda,yabukha niyeitsialanga mbu nomundu omukhongo,mana abandu abanji abahera ahambi ebikhumi bine{400},nibamulondakhwo.Nebutswa yamala yeerwe nabo abalondibe boosi nibasalasibwa,mana omukandakwe nikukhamulukha. ³⁷ Olunyuma lwomwene uyo,Yuda omuGalilaya yabukula munyanga tsiabandu okhubasibwa,nakhungasia omukanda omukhongo nikumulondakhwo,nebutswa yesi khandi yamala yeerwe,nabo abalondibe boosi nibasalasibwa. ³⁸ Khulwa yako,amakhuwa kabandu bano emuboolela mbu,mulabakhalachirakhwo likhuwa liosi tawe,baleshe butswa babe bario.Ne nikakhaba mbu akabakasiye nende akanbakholanga,nikabandu, kalakhamukha kario. ³⁹ Nebutswa kakhaba mbu karulanga khu Nyasaye,shimwakhanyala okhukasasia ta.Mwakhabe nimulwananga nende Nyasaye"Abeshina bamala nibalonda amebaalo aka Gamalieli. ⁴⁰ Bamala nibalanga Abarume yabo mukari, nibabanywekha nende okhubakania obutinyu mbu,balaboolakhwo likhuwa liosi mulira lia Yesu khandi tawe,mana nibabalakhula. ⁴¹ Mana Abarume yabo nibarula mushina nibekhoyanga po,shichila Nyasaye yali nababasiye mbu bakhoyeele okhufwolwa khulwa elira liia Yesu. ⁴² Kho buli inyanga batsililira okhwechesia nende okhuyaala Amakhuwa amalayi aka Yesu mu Hekalu nende mungo tsiabundu.