¹ Bulano, Festo niyenjira ebweneyo, mana olunyuma olwa tsinyanga tsitaru, yarula eKaisaria natsia okhuula Yerusalemu. ² Abakuhani abakhulundu nende Abayahudi bali nibamanyikha nibeetsa okhuboola akokhuyiinga Paulo, mana nibamureeba Festo mbu abachamire ³ okhuyiinga Paulo: amulanje eYerusalemu, okhuba bali niberechekhanga mbu bamwibundire khunjira bamwiire. ⁴ Festo nabakalusia mbu, Paulo ali mumbohe eKaisaria, ne ye mwene yali nachomere yo mubwangu yibo. ⁵ Kali kario, balia abanyala okhutsia, batsie halala ninefu. Niliakhabaho likhuwa liosi liosi liibi nomundu wuno, oukhoyere okhumusitaka. ⁷ Olwa yoola, Abayahudi okhurula Yerusalemu basinjirira ahambi ninaye, nibamuboola khwo amakhuwa amatinyu po, akabalanyala okhusubisia mbu nobwatoto. ⁸ Paulo niyeteetsa omwene mana naboola mbu, Esie eshiri okhukhola imbi yosi yokhuyiinga amalako aka Abayahudi nohomba okhuyiinga yi hekalu nohomba okhuyiinga Kaisari. ⁹ Habutswa Festo yenya okhuchamisia Abayahudi, mana nakalusia Paulo naboola mbu, Wenya okhutsia okhuula eYerusalemu mana oyasibwe yinasi khubindu bino ebweneyo? ¹⁰ Paulo naboola mbu, Esinjiire imberi weshifumbi shia Kaisari ewa ekhoyere okhuyasiribwa. Eshiri okhukhola libi liosi khu Abayahudi ta, shinga olwa wesi omanyire obulayi. ¹¹ Kho nikakhaba mbu ndakhola tsimbi khandi kali ndakhola elikhoyere okwiirwa, shendobere okhufwa tawe. Habutswa nikali obusitachi bwabo shineshindu, abulaho ounyala okhuhaana khu bo tawe. Esaba mbu enzie ewa Kaisari. ¹² Olunyuma olwa Festo okhuboolerana nende abeshiina, yakalusia mbu, Omalire okhusaba okhutsia wa Kaisari. Ewa Kaisari yuwe olatsia! ¹³ Bulano olunyuma olwa tsinyanga, Omwami Agripa nende Berenike boola eKaisaria okhukoonya Festo shinga omuruchi. ¹⁴ Olunyuma olwa no okhubayo tsinyanga tsinyinji, Festo yareera amakhuwa aka Paulo khumuruchi; naboola, Khuli nende omundu wundi yalekhwa hano nende Feliksi shingana omubohe. ¹⁵ Olwa ndali nendi eYerusalemu, omukuhani omukhulundu nende abakofu ba Abayahudi bamureera nende obuyiinji khu sie, nibasaba mbu ekhalache eshiina mbu yeerwe. ¹⁶ Nebakalusia mbu shishiri eshiina shia Abaroma okhuhaana omundu yesi ousitachirwe aba nashiri okhwakaana nende abamusitachire mana anyoole obwiyangu bwokhwishiinga omwene khu aka boolirwe khu ye. ¹⁷ Nikali kario, olwa beetsa halala, esie shindaliinda tawe,habutswa Inyanga yalonda khwo ndeekhala khushifumbi shianje shiobuyaasi mana nendachirisia mbu omundu wuyo arerwe mukari. ¹⁸ Olwa abokhumusitaaka basinjira ikulu, shibaboola eshindu shiosi ehialolekha okhuba eshimayanu. ¹⁹ Bukhala bwene, bali nibali nokhubula okhuhulirisania khu bindu bieidini yaabo nende owundi mbu Yesu owali nafwiire, naye Paulo abanzanga mbu nomulamu. ²⁰ Esie ndahuchisibwa shinga olwa ndakharunirisiye amakhuwa kano, mana nemureeba nikali yali niyekoombanga okhutsia Yerusalemu asinjireyo okhuyaasibwa khulwa akaboolerwe. ²² Mana Agripa nabiira Festo mbu, siesi ndiakhachama emuhulirisie khwo omundu wuno. Festo namubiira, Mukaba, olamuhulira. ²³ Kho Inyanga yalonda khwo, Agripa nende Berenike beetsa nende abandu abanji; benjira habundu wokhulira amakhuwa nibali nende omukhongo wabaseesia nende abandu boluyali mwitookho. Mana Festo narumasia mbu Paulo ereerwe imberi wabo. ²⁴ Festo naboola mbu, Omwami Agripa, nende mwesi abali halala yinefu hano, mulolanga omundu wuno; omukanda kwosi okwa Abayahudi boosi basaaya nendi eYerusalemu nende hano khandi, mana nibakhupira obuyoka mbu wuno shiakhoyere okhuba nali omulamu ta ²⁵ Nasi nenyoola shiyali nakholere eshichira yeerwe ta; habutswa okhuba yasaaya mbu atsie wa Kaisari, ndakhalaka emurume ebuRoma. ²⁶ Habutswa embula eshindu shiosi eshikhoya okhuhandichira omwami wanje. Khulwa eshifune shino, nilio lichomo lichirire nemurera imberi wuwo Omwami Agripa, mbula ndanyoola eshindu shimeeteshe shiokhuhandikwa mumakhuwa kano. ²⁷ Shichira kalolekha okhuba akabula eshifune esie okhuruma omubohe mana ebule okhuhandika ehimanyisia akasitachiirwe.