¹ Netsiakhabira etsinyanga tsirano, omukuhani we lira mbu Anania niyoola nali nende bakofu nende mulala khubamalako we lira mbu Tertulo, nibarera akokhusitaka Paulo imberi womuruchi. ² Olwa Paulo yalerwa imberi wabo, Tertulo nachaka okhumusitaka nokhuboola mbu, khutsinyangs tsinyinji khwakhamenya nomulembe, akobutsiriri amanji,akawakhola mwitokho lino okhubirira mwihanga lino. ³ Mbu buli eshise, buli habundu, khwakhwitsomia eywe Feleksi omuruchi khulwa amakhuwa akowakhola. ⁴ Shindalakhuchonyia nende amakhuwa amanji ta, halali ekhusaya mbu okhuhulirisiekhwo butswa hatiti. ⁵ Khulutsi omundu huno niwokhunyasia, areranga obukoyani obuunji mubaYahudi eshialo shiosi, nomundu welitsehebu Wanazarayo. ⁶ Kata khandi atemere okhukhola akeshifwabi muhekalu, nikhumutiira nikhwenya okhumukhalachira khulondokhana nende amalako kefu. ⁷ Halali omurumishi wa abasikari welira Lisia yakhwitsira nende amani namubukula omundu huno. ⁸ Nakondoshera abamusitaka mbu betse imberi uwo omwene omuronelesia khumakhuwa kosi kokhumuboolerakhwo. ⁹ Khandi AbaYahudi bosi niboonga omukhono mbu amakhuwa yako kosi Kali kario. ¹⁰ Mana olwa omuruchi yamanyia Paulo omukhono mbu aboole, yachaka ari, emanyire mbu eywe wakhaba khumiaka emiinji omukhalachi mushialo shino, kho emboola akendininako nobuyanzi obuunji. ¹¹ Onyala okhumanyirisia mbu tsishiri okhubira etsinyanga ekhumi nende tsibiri okhurula nenzia eYerusalemu okhumwinamira Nyasaye?. ¹² Abulaho kata mulala khubo owanyala okhuyingana nomundu yesi Yesu muhekalu nomba kata okhurera obukoyani khubaandu musinagogi nomba kata mwitokho. ¹³ Khandi shibanyala kata okhutinyisia khukabasitachirakhwo ta. ¹⁴ Halali esie ndiyamanga mbu emwinamiranga Nyasaye wapapa beefu,esubiranga kosi akali mumalako nende kaandikwa na balakusi. ¹⁵ Endi nelisubira khuNyasaye ,liabobeene abadubiranga mbu khuli nelisulumukha khubalayi nende kata ababii. ¹⁶ Kho endemanga buli shianyanga okhuba nomwoyo omulayi imberi waNyasaye nende imberi wa abaandu. ¹⁷ Kho khulwa ebise ebiraambi,enjerera okhuhinia eshihanwa khandi obwikhonyi khubanyakhananga. ¹⁸ AbaYahudi okhurula Asia banyola muhekalu nekholanga akakhoyere, obukoyani shibwaliho tawe kata omukanda kwa abaandu. ¹⁹ Yabo nibo abakhukhoyere okhuba imberi wanje okhusitaka niba nipara mbu ndakhola amabii, halali nabaYahudi abakhola abaandu okhukhola elihe. ²⁰ Nomba bali nano bano, naboola obwatoto ni obubii shina obwandakhola kho baare imberi womukhongo. ²¹ Nomba nomwoyo kwandachiingula ikulu imberi wenyu nengobosheranga amakhuwa kokhusulumukusibwa. ²² Kho olwa Feliski yaulira yako kosi nali nobuchesi khumakhuwa shinga yako,yamala aboole mbu, okhuula olwa omwimirisi wa abasikari yakhakalushe hano, kho ndakhaamuwe amakhuwa kano. ²³ Kho nabisia mbu Paulo aliindwe halali ahebwe obulakhulebwe , khandi baleshe abalina bebe bamukoonye. ²⁴ Ne tsiakhabira etsinyanga tsilondakhwo, Feliksi yetsa halali nomukhasiwe oulangwa mbu Drusila nali omuYhudi, narumana bamulange Paulo naye yamuhulira naboolanga khukelisubira muYesu kristo. ²⁵ Kho olwa Paulo yali naboolanga akobutsienukhu, ohwitutuyia nende obuyaasi Inyanga yokhumalirikha, Feliksi natiirwa noburii namuboolera Paulo, mbu tsia nendakhaaba ebise ebilayi ndakhulanje. ²⁶ Feliksi yapaaranga mbu Paulo anyala okhumuhonga kho yamulanganga buli lwosi. ²⁷ Emiyika chibiri chiakhabira, Porkio Festo yekhala muburuchi olunyuma lwa Feliksi, khulwa okhubeeir. Feliksi yenya okhuchamisia abaYahudi, nalekha Paulo mumbohe.