¹ Paulo nabaindulira be ibaraza tsimoni, nababoolera ari, abaana beefu esie emalire akaanje imberi waNyasaye okhuula bulano. ² Mana omukuhani omukhongo we lira mbu Anania, naboolera abali ahambi nende Paulo mbu bamukhupe olukhofi khumunwa. ³ Paulo namuboolera mbu,Nyasaye akhukhupe eywe lisiisi liabakhwa ichokaa indafu, mbu eywe oli hano khulwokhukhalachira okhulondokhana khwilako nende okhukhola esie ekhupwe , ne eywe mwene oli inyuma wamalako, khulwa khuboola mbu ekhupwe. ⁴ Nano Bali nibasinjire ahambi nende Paulo nibamubira mbu, shianyala okhuheresia omukuhani omukhongo oluyali tawe. ⁵ Paulo nabakalusia ari, abaana beefu siemanyire mbu abeere omukuhani tawe, shiliri elihandiko mbu shiolaboola obubi khumwimirisi wa abaandu tawe. ⁶ Mana olwa Paulo yanyoola mbu halala mubo ni amasadukayo , abaandi ni amafarisayo,yaulira omwoyo omukhongo mushiina yimo, ari, abaana beefu, esie endi omufarisayo omwana wa Farisayo , esitachirwe khulwa elisubira lianje khulwokhusulumukha khwali abafu. ⁷ Olwa yaboola endio,khube nende obwabukhani hakari wa abafarisayo nende abasadukayo nibachaka okhuyingana oundi khuundi nikakhaba abaandu bafwa balisimulukukha . ⁸ Abasadukayo naboola mbu okhusimulukukha khuhumaho ta, Abe mumalaika nomba omwoyo omutsienukhu, halali abafarisayo bo abasubiranga mukhusimulukukha. ⁹ Mana obukoyani obuunji buno bubaho,halala khuemirisi bamalako abali abafarisayo nibasinjira nokhukana nobululu,mbu shikhulolakhwo obubi bwo omundu huno tawe,nikakhaba omumalaika nomba omwoyo omutsienukhu khumuboolera shikhulaingana nende Nyasaye ta. ¹⁰ Kho olwa obuyingani bwaba obuunji,omwimirisi naba noburi mbu banyala okhurundula Paulo mubitonye naboolera abasikari mbu beeshe hasi Mana bamuinie Paulo mumukhung'ano netsingufu mana bamurere mukari mubasikari. ¹¹ Eshiro shialondakhwo, omwami nasinjira wa yali, namuboolera, saangala Paulo shinga olwa watsitsomia Yerusalemu, khandi bulano mutsitsomie endio Eburumi. ¹² Olwabwashia , abaYahudi bandi nibaba halala,nebeima okhulia nibetsuba mbu okhuula bamwire Paulo. ¹³ Mana bali abaandu babira amakhumi Kane, abali nelichomo ilio. ¹⁴ Mana nibetsa khu omukuhani omukhongo nende khubakofu nokhuboola mbukhuli halala mushitsubu eshikhongo mbu shiakhulia nomba okhunywa shiosi shiosi ta okhuula olwa khumwira Paulo. ¹⁵ Khulwa yako ,eywe halala nomukhuung'ano mutsie khumwirisi mumuboolere amwishie Paulo hasi hano,mwikhole mbu mwenya okhumuronelesia, mana khwirecheshe okhumwira nashiri okhuula hano. ¹⁶ Omwana womukhana wabo Paulo yaulira nibaboolanga natsia bwangu namuboolera Paulo. ¹⁷ Mana Paulo nalaanga mulala khubemirisi ba abasikari namuboolera rera omwana omusiani hano khumwimirisi omukhongo mbu Ali nende elikhuwa liokhumuboolera. ¹⁸ Namubukula namulera khumwimirisi omukhongo, namuboolera ari, omubohe mulala we lira lie Paulo, yananjire niyasaaya mbu erere omubukha huno khuiywe ali nende elienya okhukhubiira. ¹⁹ Mana omwimirisi omukhongo namutiira omukhono natsia ninaye habundu hebisire,namureeba mbu nishina eshiawenya okhumbiira? ²⁰ Omubukha huyo namubiira mbu, Abayahudi bahulirisanie halala mbu betse bakhukatie balahaana Paulo mukamba yetsa mumukhung'ano hasi kho banyale okhumunoneresia kobunyali bubwe. ²¹ Shioleyamana ninabo tawe, shichira abaandu bayombeere amakhumi Kane beebisire mbu Paulo niyoola butswa ending nibamwirira khulwokhubera bamalire okhwitsuba mbu shibalia nomba okhunywa shiosi shiosi ta okhuula olwa bamwira Paulo. ²² Omwimiririsi omukhongo namulekha omubuukha huyo atsie halali namukondoshera mbu shoals many manual yesi yesi mbu amuboolere akeneyako tawe. ²³ Kho omwimirisi omukhongo huyo nalaanga emikanda chibiri chia abasikari bebe, nababoolera barecheshe okhurula etsisa tsitaru eshiro khulwokhutsia Kaisaria,abo okhuba khutsisafari babe amakhumi saba, abasikari tsimia tsibiri , khandi bali namafumo tsimia tsibiri. ²⁴ Khandi murewo ifarasi eyokhumuchinga Paulo, mumuire nomulembe khu Feliksi ouli omuruchi. ²⁵ Mana namuhandichira Feliksi ibarwa iboola mbu; ²⁶ Khu Klaudia omuruchi omukhongo Feliksi emilembe. ²⁷ Omundu huno yatiirwa nabaYahudi mana nibaba ahambi okhumwira, basis ndiitsa nemikanda chianje chia abasikari okhumuhonokosia khulwokhubeera ndanyoola likhuwa mbu ye noMurume. ²⁸ Olwa ndienya okhumanya eshifune shiabamusitachira, ni mulala mumukhung'ano kwabo. ²⁹ Kho nenyoola mbu bamusitakanga khulwokhubera amalako kaabo, halali shendutsi eliakhachira yerwe nomba abooywe tawe. ³⁰ Kho olwandaboolerwa shinga abaYahudi bali nibamwirecheshere, akachira nemuruma mubwangu khuiywe, mana nindienya mbu abamusitaka betse naboola imberi huuwo. ³¹ Mana abasikari shinga olwa bali nibebaliirwe,babukule Paulo eshiro nibamuyira Antipatri. ³² Ne nibushierenge nibalekha bali khutsifarasi batsiriranga khuluchendo nende Paulo . ³³ Kho abasikari olwaboola Kaisaria baheeresia omuruchi ibarwa eyo,nende okhumura Paulo mumakhono ke. ³⁴ Mana olwa omundu omuruchi yali niyakhasoma ibarwa eyo, yamureeba mbu arulanga mulukongo lulena? kho olwa yanyoola mbu Paulo arulanga Kilikia. ³⁵ Yamuboolera Paulo ari, ndalaulira khumakhuwa koko olwa abaandu bamusitaka lwaboola. kho mana nabiisia mbu Paulo areebwe munzu yobuyaasi eya Before omuruchi yombokha.