¹ Abasiani befu nende aba papa, muhulire obubooli bwanje shinga olwa emboole nindishinga bulano. ² (Ne olwa omukanda kwahulira mbu Paulo naboola yinabo muluHeburania bamala nibaholeera oluhoono) Naye naboola, ³ Esie endi omundu omu Hebrania, owebulwa eTariso ya Kilikia, ndechesiribwa mwitookho lino, hasi wa Gamlieli., ndechesibwa shinga olwa kakhoyere okhulondana nende obulunjishi bwa amalako ka ba papa befu, ne ndali omulumirifu khulwa Nyasaye, shinga olwa mwesi muli inyanga yino. ⁴ Esie ndasandia Injira yino okhuula mukhufwa, ndababoyanga nebayira okuula mumbohe bosi abasatsa nabakhasi, Shinga olwa omukuhani omukhulundu nende abakofu boosi banyala okhukhola obuloli. ⁵ Ndahebungwa tsibarwa okhurula khubo khulwa abaheerwa abali mu Damasko, ne ndatsiayo nenjerera nebareera nebaboyere okhuula Yerusalemu mbu banyoole eshinyasio. ⁶ Nikamala nikekholekha mbu olwa ndali nenzitsanga eDamski, ahambi lisa elia khasasaba obulafu obukhongo ni bundoleshera shibalusi okhurula mwikulu nibwaakha nibumbotokhane sie. ⁷ Ndakwa hasi mana nehulira omwoyo nikubolanga yinasi, Saulo Saulo, shichira shiina shichira shiina usandinjia sie? ⁸ Nasi nemukalusia mbu, Neywe wiina, Omwami? ⁹ Balia abali ninasi balola obulafu, habutswa shibamanyirisia omwene owali naboolanga inasi. ¹⁰ Nemboola, Ekhole shiina, Omwami? ¹¹ Shindali ounyala okhulola tawe shichira obulafu yibo bwali obunji, mana nendiririrwe omukhono ndemirirwa nende balia aba ndali ninabo, ne nduula eDamaski. ¹² Ebweneyo ndakanayo nende omundu mbu Anania, owenamiranga Nyasaye okhulondana namalako ne yaboolungwa mubulayi nende Abayahundi boosi abamenyanga yo. ¹³ Yanzitsira ewandali, nasinjira ewandali, naboola, Omusiani wefu Saulo, nyoola obunyali bubwo bwokhulola. Mubise biene yibo nemulola. ¹⁴ Mana naboola mbu, Nyasaye owa ba papa wefu amalire okhukhwahula yuwe obe oumanya elienya lirie, olole wulia ouli Omulunjishi mwene, nende okhuhulira amayoosi nikarulanga mumunwa kukwe omwene. ¹⁵ okhuba olaba owobuloli bubwe khu bandu boosi khu kalia akoluutsi nende okhuhulira. ¹⁶ olindanga shiina bualno? Buukha, obatisibwe, mana wosie tsimbi tsiosi, nolanjisia eliira lie. ¹⁷ Olunyuma olwa ndali nengaluushe mu Yerusalemu, khandi olwa ndali neshisayanga muhekalu, lilolo nilinzitsira sie. ¹⁸ Ndamulola niyambiiranga sie, Yungubala mana orule mu Yerusalemu bwangu bwangu, shichira shibetsa okhwiyama obuloli bubwo khusie tawe? ¹⁹ Nasi nereeba, Omwami, abeene shibamanyire mbu ndaretsanga mumbohe nebakhupa balia abali nibakhusubira mu buli isinagogi. ²⁰ Olwa amatsayi aka Stefano omukobosheri wuwo kali nikaratsibungwa, siesi khandi ndali nesiinjire yo ndiyamananga, ne nesie owalindanga tsingubo tsia balia abamwiira. ²¹ Habutswa naye niyambiira, Tsia, shichira ndalakhuruma ehale mu Abamahanga. ²² Mana nibamuseebula nende likhuwa lino, mana khandi nibachiingula emioyo chiabo, mbu murusie omundu uno khushialo shiakhoyere okhumenya tawe. ²³ Nolwa bakhupa obuyoka nibasukuna tsingubo, eshiamanyia shinga olwabali nibasinyishe. ²⁴ Omuseesia omukhulundu yalaka mbu Paulo ahirwe mumbohe. Naboolera abasikari akhupwe mbu mana amanye eshifunane shiabo okhumukhupira obuyoka. ²⁵ Ne olwabali nibakhamuboha netsikhoba, Paulo naboolera omuseesia owali nasinjireho mbu kafuchirirwa mumalako okhupa omundu ouli omuroma eshiina nishila mufwirire? ²⁶ Mana olwa omuseesia yahulira amakhuwa ako yatsia ewa omuseesia omukhulu namureba mbu olakhola orie? shichira omundu uno nomuRoma. ²⁷ Omuseesia omukhulundu niyetsa namuboolera, mbu mbolerakhwo eywe oli omuRoma? Naye namuboolera mbu eeh'' ²⁸ Omuseesia omukhulundu nakalusia mbu esie ndakholwa omuRoma khulwa omurungo omukhongo, naye Paulo namukalusia namuboolera mbu esie endi owebulwamwo. ²⁹ Mana olunyuma nibamulekha abeene yabo abanyekanga mbu bamunonelesia mana omuseesia omukhulundu yesi naria, olwa yali nahulire mbu nomuRoma, khandi shichira yali namuboyere. ³⁰ Mana inyanga yalondakhwo, yeekomba okhumanya obwatoto bwa makhuwa akachira niyenjirirwa nabaYahudi, mana yamulakhuula , ne nalaka abakhulundu bosi nende abeshiina bosi okhukhung'anira halala, namukholomosiaa Paulo namusinjisia imberi wabo.