¹ Mana Akripa namuboolera Paulo, mbu oyerwe obwiyangu bwo khwibolera omwene Mana Paulo na shinga omukhono ne niyechibira omwene. ² Ndipara omwene nendi nobusangafu omuruchi Akripa, mbu ndiitsa okhukalusia omwene imberi uwo, nendiira khumakhuwa kosi akachira nindiinjirirwa itookho nende abaYahudi. ³ Ne okhushira muno, emanyire mbu enyuwe mwene omanyire ebiima nende amareebo kosi akabaYahudi ninako, kho ekhusaaya mbu umbulirisie mukhunzifiira. ⁴ Obulamu bwanje okhurula mulubukha lwanje obwandali nindamenya mushialo shianje muYerusalemu, abaYahudi bosi bamanya. ⁵ Abeene yabo abamanya okhurula mukhuchaka, nibanyala okhurusia akobuloli mbu okhurondokhana nende amalako keidini yefu, esie endi omufarisayo. ⁶ Ne bulano buno esinjira nekhalachirwa eshiina khulwa obunayi bwe mubulachilisie okhurula khuNyasaye khubapapa ⁷ Abetsindakano tsie tsimbia tsiefu ekhumi nende tsibiri, nurumushiranga Nyasaye eshiro nende eshitere, obunayi obwitsanga, mbu khulwa obunayi bwatsana obwo muruchi Akripa ndinjirirwa ltookho nende abaYahudi. ⁸ Khulwa shina nimupaara mbu Nyasaye shianyala okhusimulukusia abafu ta?. ⁹ Esie mwene toto ndiparira mbu engwanire okhukhola ebindu ebiinji ebiyinga elira liaYesu wa Nazareti. ¹⁰ Likhuwa lino elindakhola kata muYerusalemu abanji abo khubaherwa ndabekalira mumbohe, olwandalinji ninenyuomunwa okhurula khubakuhani abakhulundu,ne olwa bali okhwitsa siesi ndasangangakhwo. ¹¹ Mana nibaheeresia eshinyasio mubuli Sinagogi ne ndateema okhubalunyia mbu banyeche Nyasaye , nemba nebakuumanga khandi akhanji mutsisinagogi tsiosi, nindio ndabalilirwa oburima shinga oulaluushe, ndabasandia munjira ikhongo kata okhurula obunayi kho kabamahanga. ¹² Olwa ndarula nenzia eDamasiko, neheerwe tsibarwa okhurula khubakuhani abakhulundu. ¹³ Mana mushiteere hakari omuruchi Akripa ndalola obulafu okhurula mwikulu nibwakha obuyombere khweliuba, nibunzashira nibumbotokhana halala nende balia abandali ninabo. ¹⁴ Ne olwa fwesi khwali nikhukwire hasi ndaulira omwoyo nikuboolanga ninasi ,ne nikuboola mululimi oluHeburania mbu Saulo, Saulo,khulwa shina usandinjia? nobutinyu muno okhupana ninasi. ¹⁵ Nasi nemboola, mbu niywe wina Omwami,naye niyangalusia mbu nisie Yesu owasandinjia. ¹⁶ Nebutswa buukha osinjire khubilenje bibio, ekhuloleshere khulwa eshifune shino mbu ekhukhole omurumbusi was makhuwa nano aka oluutsi nende okhuhulira nende khandi akandi amanji akandalakhumanyia. ¹⁷ Nekhununula okhurula mubandu nende khandi khubamahanga okhuula khubalia aba ekhurumakhwo. ¹⁸ Okhubekula tsimoni tsiabo, nende okhubarusia mushilima okhutsia mubulafu Khandi okhurula mumani ka setani okhuitsa khuNyasaye mbu mana banyoole obulesheri bwebiononi nende khandi obulaame obuli mubeenebo abatsienulwa okhubirira mubusubiri bulk muisie. ¹⁹ Niko akachira omwami Agrippa shindakhaya akelibisiro eliarula mwikulu tawe. ²⁰ Nebutswa ndaranga okhubamanyia abeene abo abali muDamesiki, nende muYerusalemu nende mutsimbali tsiosi tsiebuYahudi Khandi khumahanga, mbu bakalukhasie mana bamukalushire Nyasaye, nende okukhola akakwanire okhwikanira. ²¹ Khulwa amakhuwa kano, abaYahudi banyoola muhekalu nibandiira nibeenya okhunzira. ²² Ne nenyoololera obukhonyi okhurula khuNyasaye, enziriranga okhuula olwalero, nerusia obuloli khubatiti nende abakhongo, nendaboolangakhwo khumakhuwa Khandi ta, habula khukene yako akabanabii nende Musa naboola khwo mbu kalekholekha . ²³ Mbu Kristo akwanire okhusanda, mana khandi abamahanga. ²⁴ Ne shinga olwa yaboola khukeke omwene , Festo yaboola nomwoyo omukhongo, ²⁵ Paulo, eyuwe oli olubekalwo omwene, mbu khulwa okhusoomakhwo okhunji khukhola omulalu. ²⁶ Okhuba omuruchi amanyile amakhuwa kano, owa emboolanga imberiwe nendi omulakhule okhuba emanyile mbu khumakhuwa kano kosi,libulaho eliakorwa ta okhubera likhuwa lino shiliekholekha mushirima tawe. ²⁷ Omuruchi Akripa, osubiranga abanabii? emanyire mbu osubiranga. ²⁸ Mana Akripa naboolera Paulo, khandi wesi wenya okhukhola omuKristo? ²⁹ Paulo namuboolera mbu enyala muNyasaye, mbu kata yuwe wenyene tawe, nebutswa halala nende bosi abahuliranga Inyanga yino bosi khandi bario mbu bosi babe shinga olwa endi okhuyinia khwo eminyololo china. ³⁰ Ne olwa yali namalire okhuboola omuruchi yasinjira lkulu, nende kafuna yesi nende Barinebe halala nende boosi abayali niyekhale ninabo. ³¹ Ne olwa bali nibatsire halubeka, nibabolerana abeene khubeene mbu omundu uno libulaho elia akholere eliakwanire okhusirwa nohomba okhubohwa. ³² Mana Akripa naboolera Festo, omundu uno akhoyere okhuba nalakholerwe, nikakhaba mbu yayirira amakhuwa khu Kaisari ta.