¹ Mana nikaba mbu, olwa Apollo yali nali ebuKorinzo, Paulo yabirira elubeka lwemukulu lweinyanza niyetsa ebu Efeso: mana nanyoola yo abeeka bandi, ² Nabareeba mbu, Mwanyoola Roho Omutsienukhu okhurula nimusubira? Nabo nibamukalusia mbu, Tawe, khushiri kata okhuhulira khwo mbu khulio nende Roho Omutsienukhu . ⁴ Paulo nababoolera mbu, Toto Paulo yabatisinjia obubatisi bwokhwikanira, nabooleranga abandu, mbu bakhoyere okhusuubira khu omwene wuyo owitsanga olunyuma lwanje, yaani mbu, Kristo Yesu. ⁵ Olwa bahulira kano, nibabatisibwa muliira lia Yesu. ⁶ Ne olwa Paulo yali namalire okhubarakhwo amakhono, Roho Omutakatifu yetsa ikulu waabo nibaboola mutsinimi tsiaukhane nibayiinia obunabii. ⁷ Bali ahambi waabasatsa saba. ⁹ Ne olwa Abayahudi bandi bali niboomiye emioyo; nibalasubira ta, nibaboola obubi khunjira yiyo imberi womukanda, yeyahula nende abeechi, nayingana ninabo buli inyanga mwisomero lia Tirano. ¹⁰ Ne kano katsiririra khulwa oluhoono lwa emika chibiri; mbu boosi abali mu Asia bahulira likhuwa liOmwami, Abayahudi nende Abayunani. ¹¹ Naye Nyasaye nakhola akamangalimwa okhubirira mumakhono ka Paulo. ¹² Mbu kata ebitambaya nende tsingubo tsia abalwale biarerwa khumubiri kwe, nabo obulwale bwabalekha olwa bayirirwa, khandi ebishieno ebimayanu biabarulamwo. ¹³ Habutswa khwali nende Abayahudi, abokhulonda amashieno abachendananga, balanjiriranga eliira lia Yesu mbu banyoole amaani okhuhula ebishieno bieshifwabi, nibaboola mbu, Muliira lia Yesu wa Paulo akamabanga, khubalaka murule erwanyi. ¹⁴ Nabo bali abaana saba aba Skeva, omuYahudi, omukhongo khuba kuhani, abakhola amakhuwa kano. ¹⁵ Naye yiroho yiyo niyibakalusia mbu, Yesu emumanyire, khandi Paulo ndamumanya; nenyu muli wiina? ¹⁶ Yiroho yali mu mundu wuyo nabaruchira khwo abasayi yabo nabakhupa, niberukha nibatsia nibali eshihechenye nibasalisibwe. ¹⁷ Mana nikamanyikha mubaYahudi nende Abayunani abali nibamenya ebu Efeso; mana nibatiirwa nende oburii, nalio eliira liOmwami nilichinguulwa. ¹⁸ Mana abanji abasubira betsa, mana nibeyama obwononi, nibalolesia emirimo chiabo. ¹⁹ Balia abakholanga obufumu nibareera ebitabu biabo halala mana nibisaambwa imberi wa buli mundu: mana nabakhupa obukusi bwabio, nibanyoola mbu ni tsielefu amakhumi karano akeifetha. ²⁰ Mana likhuwa lia Nyasaye liatswana buli habundu. ²¹ Amakhuwa kano nikawere, Paulo narakhwo eshinani mu roho, olwa yali nabirire mu Makedonia nende Akaia, okhutsia Yerusalemu, naboola mbu, Nemba nindakhoola yo okhuula endole eRoma khandi. ²² . Paulo naruma mu Makedonia babiri abamukhalabniranga, Timotheo nende Erasto; habutswa naye natoong'a Asia khulwa eshise. ²³ Biali ebise olwa indiri ikhongo yekholekha muEfeso khulwa amechesio ka Kristo. ²⁴ Omundu wundi owalangwa Dematrio, omutiiyi weifetha, owakasinjia eminyasaye chia Artemis, yakasinjia obukhala mumirimo chiamakhono ke. ²⁵ Yalanga halala abatiiyi bemirimo chifwana chirio, mana nababiira, Bashianje mukhoyere okhumanya mbu obukhala bwefu buno khukasinjia amapesa amanji. ²⁶ Kata kario mulolanga nende okhuhulira, mbushiina Efeso hano honyene tawe, habutswa ahambi Asia yoosi, abandu bano bashulire abandu abanji, baboolanga mbu eminyasaye chikasibungwa namakhono. ²⁷ Shibuli butswa obukhala bwefu obuli khukhuteba tawe; habutswa kata ihekalu eya nyasaye Artemi yitsa okhubula oluyali, mana yibule emirimo, mana oluyalilwe lusasibwe, owa Asia yosi nende eshialo shiosi shinamiranga. ²⁸ Mana olwa bahulira amakhuwa kano, nibatiirwa ne liruma, nibabuukha neinduli khulwa injira yiyo, nibaboola, Artemi niye omukhongo ebu Efeso. ²⁹ Litookho liosi niliba nende obukoyane: nabo nibatiirire Gayo nende Aristoriko, abandu ba Makedonia, abachendanga nende Paulo. ³⁰ Ne olwa Paulo yenya okhwinjira mumukanda kwa abandu, abeeka nibamwikalira. ³¹ Mana mulala khuba khulundu ba Asia, owali omulinawe ,yarumasia, niyekombanga mbu shalenjira mushikuri tawe. ³² Abandi hakarikari wabo baboola kano, abandi nabo baboola kalia: shichira omukhung'ano kwali nikukoyanire kwosi, obunji bwabo nibalamanyire eshiali nishikholekhanga tawe. ³³ Mana nibakhwesa Alexanda okhurula mumukanda, Abayahudi nibamura imberi. Mana Alexanda nabahutsira emikhono chie, niyenyanga aholeresie abomukanda. ³⁴ Habutswa olwa bamanyirisia mbu nomuyahudi, boosi halala nabakhupa obuyoka nomwoyo mulala, nibaboola, Artemi niye omukhongo wa Abaefeso. ³⁵ Ne omuhandichi welitookho yali naholeresiye omukanda, yaboola mbu, Enywe abasatsa ba Efeso, ni wiina khunywe oulamanyire mbu litookho liosi elia Efeso linamiranga nyasaye omukhongo mbu Artemi, nende eshifwanani shilia eshia lakakha okhurula mwikulu. ³⁶ Nimulolanga mbu amakhuwa kano abulaho ounyala okhukana tawe, mukhoyere okhuholeera, mana mulakhola likhuwa liosi mubwangu tawe. ³⁷ Okhuba murerere abandu bano hano, shibali abanuuli bamakanisa tawe, nohomba abafukuli abomunyasaye wenyu . ³⁸ Kario Demetrio nende abakholi bemirimo chiamakhono abali ninaye nibali ne likhuwa liosi liosi mulala asinjile aboole. ³⁹ Habutswa nimuba nimuli nende elindi liaukhane, litsa okhukhalachirwa mushiina shiindi. ⁴⁰ Shichira khuli khubutinyu obwokhuyasibwa khulwa induli yeinyanga yino, khandi eshifune shibulaho shiokhuhana mbu induli yino yiyemeshe. Ne olwa yali namalire okhuboola amakhuwa kano, nabasebula abomukanda.