¹ Paulo niyola eDerube nende eListra: mana lola, omwechi wundi yaliyo, oweliira mbu Timotheo, omwana womukhasi wundi, owali oweshiyahudi, yali omusubiri, halali samwana yali Omuyunani. ² Yali niyetsomibwa muno nende abaheerwa abali eListra nende Ikonia. ³ Paulo yenya mbu amubukule atsie yinaye, kho yamala amushebe, shichira Abayahudi bali mutsimbeka yitso: okhuba bali nibamanya mbu samwana yali Omuyunani. ⁴ Ne olwa bali nibachendanga mumatookho, babahesia kalia aka bali bamenyere, akali nikahanwa nende abarume nende abakofu balia abali Yerusalemu. ⁵ Endio ni lwa amakanisa karalisibwa mubusubiri, nikametekha mubunji bwa abandu. ⁶ Ne olwa bali nibatsiire okhubira Phrygia nende tsimbeka tsia ebu Galatia, ne nikhwikalirwa nende Roho Omutsienukhu okhukamba likhuwa mu Asia. ⁷ Ne olwa bali nibolere eMisia, bateema mbu boole eBitsinia: habutswa Roho shiyabeyamira tawe. ⁸ Mana nibabirira Misia nibeetsa eTroa. ¹⁰ Olunyuma lwokhulola amalolo, mubwangu bwene yibo khwatema mbu khutsie eMakedonia, nikhwisubisia mbu Omwami akhulanjire mbu khubakambire injili. ¹¹ Nikhutsiiranga mumeli khwarula eTroa, khwakholomokha nikhweetsa shirunji eSamathrake, ne inyanga yalonda khwo nikhuba eNeapoli; ¹² Nikhurulayo nikhuula ebuFilipi, eliali litookho likhongo mu Makedonia, mubwami bwa Abaroma; mana nikhwikha nikhumenya mwitookho tsinyanga tsinyinji. ¹³ Mana khunyanga yeisabato khwarula mwitookho nikhutsia khundulo khwomuchera, ewa amasayo kali nikatsiririranga; mana nikhwikhala hasi, mana nikhuboola nende abakhasi abali nibekanire. ¹⁴ Omukhasi wundi owalangwa mbu Ludia, yakusinjia tsingubo tsieisambarau, mwitookho lia Thiatira, owenamiranga Nyasaye, yakhuhulira: Omwami yali niyekuule omwoyo kwe, nakhola kalia aka Paulo yali naboolere. ¹⁵ Mana olwa yali namalire okhubatisibwa ye nende abeinzu yiiye, yakhusaya mbu, Nikakhaba mbu mulola mbu endi omusubirwa khuMwami, yitse munzu wanje, mana mumenye yo. Mana nakhuyunjia. ¹⁶ Mana nikaba mbu, shinga khwatsitsanga okhusaya, omukhana wundi owa ebishieno biokhubuula biali nibiamumenya mwo yakana ninefu, naye yarereranga omwami wuwe obukhala khulwa okhubuulira abandu eminyakhano chiabo. ¹⁷ Omwene oyo yalondakhu Paulo nende fwe, nakhupa obuyoka, naboola mbu, Abandu bano nabarumishi ba Nyasaye womwikulu hekulu, abakhumanyinjia fwe injira yobuhonia. ¹⁸ Naye yakhola endi khulwe tsinyanga tsinyinji. Habutswa Paulo, natiirirwe neshibeera, yashukhana nabiira iroho yiyo, Ekhulaka yuwe muliira lia Yesu Kristo omurule mwo. Ebise biene yibo nayo niyirula. ²⁰ Mana nibabayira imberi wabayaasi, nibaboola, Abandu bano, nabaYahudi, barerere omunyakhano omukhongo mwitookho, ²¹ Bechesinjia emiima, echileyamana mbu khuchinjisie tawe, khandi shichiri kata echia Abaroma ta. ²³ Ne olwa bali nibakhabakhupa ebiboko ebinji, babasindikha mumbohe, nibabiira abalindi mbu babalinde obulayi: ²⁴ Nabo, olwa bali nibanyoolere amalachirisio, nibabayira mukari mushiboho, khandi nibaboya ebirenje biabo khubikosi. ²⁵ Mana mushiro hakari kari Paulo nende Sila basaaya, nibemba tsinyimbo tsiokhitsomia Nyasaye: nabo abalindi bomumbohe babahulira. ²⁶ Shialwangu nikubaho omurengo omukhongo kweshialo, khushichero mbu emise cheijela chiatechera: mubwangu yibo emiliango chiosi chiekukha nichiasama, mana eminyololo chia buli omundu chiakhalikh ²⁷ Ne omulindi weijela olwa yabuukha okhurula mutsindolo tsitsie, olwa yalola emuliango nichikushe, yakhwesa olukanga lulwe, niyenya mbu yeyire omwene, napaaranga mbu ababohe berushe. ²⁸ Habutswa Paulo yalanga nomwoyo omukhongo, naboola, Sholeyira tawe; Shichira khulimuno fwesi. ²⁹ Olwa yalanjirisia mbu itaya yirerwe, yenjira mukari lwangu, niyetsa natecheranga, nakwa mumakulu ka Paulo nende Sila. ³⁰ Nabarusia erwanyi nabareeba mbu, Okhuula ekhole shiina kho ehonibwe? ³¹ Nibamuboolera mbu, Subira mu Omwami Yesu, nawe olahonibwa, yuwe nende abomunzu yiiyo. ³³ Mana omusikari weijela nababukula nabayira ewuwe eshiro yisho, nabosia tsimbala tsiabo, mana ye nende abeinzu yiiye nibabatisibwa lwangu. ³⁴ Nabayira munzu Paulo nende Sila nabaheresia ebiokhulia, nibatsatsala muno halala nende boosi abali munzu, mbu yali nasubiire mu Nyasaye. ³⁶ Omusinjiriri weijela naboolera Paulo mbu, Abayasi bakharuma likhuwa mbu ebalakhule mutsie. Bulano rule mutsie nomulembe. ³⁷ Habutswa Paulo nababoolera, Bakhukhupire habulafu namakhuwa obula khuyaala tawe, kata olwa khuba nikhuli abebule Abeshiroma: mana nibakhura mumbohe, bulano benya okhukhwibala mabiswi? Tawe! Lekha betse abene mana bakhurusie erwanyi. ³⁸ Abalindi nibatsia nababoolera abayasi, mana olwa bahulira mbu Paulo nende Sila bali Abaroma, oburii bwabatiira. ³⁹ Abayasi betsa nibabasaba obuleseri mana nibabarusia, nibabemirira erwanyi nibabareeba mbu barule mwitookho.