¹ Abandu bandi barula ebuYahudi nibetsa Andiokia, ne nibachaka okhwechesia abaheerwa, nibaboola, Shimunyala okhuhonibwa nimushiri okhushebwa shinga amalako ka Musa kali tawe. ² Mana Paulo nende Barnaba nibaba nibayingana obululu muno ninabo nibaukhana ninabo, nibamala nibakhalaka mbu Paulo nende Barnaba, halala nende abandi okhurula mubo, bakhoyere okhutsia eYerusalemu batsie balole abarume nende abakofu khulwa amareebo kano. ³ Nibarumirwe nende likanisa, batsia nibabirira mumatookho ka Foinike nende Samaria, nibaboolanga shinga Abamahanga bali nibekalukhasiiye: nibachira omwikhoyo omukhongo nikubaho mubaheerwa boosi. ⁴ Ne olwa boosi eYerusalemu, benjisibwa nende likanisa, abarume nende abakofu, nibabatoonyera ebindu bioosi ebia Nyasaye yali nakholere ninabo. ⁵ Habutswa kwabukha mwo omukanda kundi okwa abaFarisayo beyahula abali nibasubira, nibaboola mbu, Kakhoyere mbu khubashebe, mana khandi khubalache okhulinda amalako ka Musa. ⁶ Mana abarume nende abakofu nibeetsa halala okhuyenga mumakhuwa yako. ⁷ Olunyuma lwobuyingani obunji, Petero yasinjira, nababoolera mbu, Abana befu, enywe mumanyire obulayi mbu oluhono lubirire Nyasaye yakhola obwauli hakarikari wefu, mbu okhubirira khumunwa kwanje Abamahanga bahulira likhuwa lieinjili, mana nibasubira. ⁸ Kho Nyasaye oumanyire emioyo chiabandu, yabakholera obuloli, nabaheresia Omwoyo Omutsienukhu, shingana yakhukholera fwe; ⁹ Shiyahaukhasia hakari wefu nende bo tawe, nabasiiya emioyo chiabo shichira bali nibasuubire. ^{10 11} /10. Bulano nikali kari, shichira shiina muteemanga Nyasaye, okhura lichoki khu abeeka, elia kata abakuka befu nohomba efwe beene shikhunyala okhuchinga ta?/v11. Habutswa efwe khusubira mbu okhubirira mubukosia obwa Omwami Yesu Kristo efwe khwakhahonibwe shinga bo. ¹³ Ne olwa bali nibamalire okhuboola, Yakobo naboola mbu, Abaheerwa, muhulirisie kwo esie: ¹⁴ Simoni yakhakhwibaalira shinga olwa Nyasaye olweimberi yachendera Abamahanga, okhwinyoolera mwo abandu beliira lie. ¹⁵ Ne amakhuwa aka abanabii keyamana nende kano, shinga olwa kahandikwa, ¹⁶ Olunyuma olwa ebindu bino esie ndakhacherere khandi, mana sie ndakhombashe lihema liokhwakaniramwo lia Daudi khandi, eliamalire okhukwa hasi; ndakhobashe khandi ebia sasibwa, mana eburecheshe. ¹⁷ Mbu abandu batong'a babe abakhaba Omwami, nende Abamahanga, boosi mu ba eliira lianje lirumbulungwa, nilwa naboola, oukholanga ebindu bioosi. ¹⁸ kano niko aka Omwami aboola, owakholere ebindu bino ebiamanyishe okhurula mubuchachiro bweshialo. ²⁰ Habutswa kahoyere khubahandichire, mbu beyikalire okhurula khu emisango chia eminyasaye, nende okhulekha obuyirani, nende inyama yeisolo yimichirwe, kata okhunywa amatsaayi. ²¹ Okhuba amalako ka Musa kamala okhusomwa khulwa eshise eshirambi muno, mutsisinagogi buli isabato, mu buli litookho. ²³ Nibahandika ibarwa nemikhono chiabo, Efwe abarume nende abakofu nabaheerwa khurumanga amashesio khu abaheerwa befu boosi Abomumahanga kosi abamenyere Andiokia, Siri, nende Ekilikia. ²⁴ Shichira khwahuliire mbu abandu bandi okhurula mumukanda kwefu bamunyasinjia nende amakhuwa, nibamunyasia mumioyo chienywe, baboolanga mbu, Okhuula mushebwe, nende okhulonda amalako: efwe shikhwabaruma tawe. ²⁵ Kakhuloleshere amalayi efwe, olwa khweekhale halala nikhuhulirisania elala, khwahule abarumwa khubarume ewenyu yiyo ni bali halala nende Barnaba nende Paulo, ²⁶ Abandu bahana obulamu bwabo nibalateba eshindu ta khulwa eliira lia Omwami wefwe Yesu Kristo. ²⁷ Khulwa yako khumalire okhubarumira Yuda nende Sila, ebetsa okhumuboolera abeene amakhuwa kano nomunwa. ²⁸ Okhuba kaloleshe okhuba amalayi khu Roho Omutsienukhu , khandi khufwe, mbu khuleshe okhubameta likokolo lindi ta okhuyiniakhwo ebindu bino ebikhoyere; ²⁹ Mbu mulekhane nende tsinyama etsihanirwe khuminyasaye, amatsaayi, nende ebindu bimichirwe, nende obuyirani, nimwilinda okhurula khubandu bino abeene, mulaba nimukhola obulayi. Mulindwe obulayi. ³⁰ Khubo, olwa bali nibasebulwe betsa Andiokia: ne olwa bali nibakhung'asiye omukanda halala, bahaana ibarwa: ³¹ Eya olwa bali nibakhachisoma, batsatsaala khulwa obuhotseresi bwayo. ³² Yuda nende Sila, bo beene nibali abaroobii, bechesia abaheerwa amakhuwa amanji, nibakatinyisia. ³³ Ne olwa bali nibakhamenyayo eshise eshirambi, abaheerwa babebala batsie nomulembe khu balia abali nibabarumire. ³⁴ Habutswa kachamisia Sila mbu atoonyeyo. ³⁵ Habutswa Paulo nende Barnaba bamala nibatsiririra okhuba Andiokia, niyechesinjia nende okhukamba likhuwa liOmwami, halala nende abandi abanji. ³⁶ Mana olunyuma olwa tsinyanga tsinyinji Paulo yaboolera Barnaba mbu, Chenda khutsie khukalushe okhuchendera abaheerwa mu buli litookho likhwakamba mwo likhuwa liOmwami, khandi khulole batsirira endiena. ³⁷ Naye Barnaba napaara mbu babukule Yohana, owalayungwa mbu Mariko. ³⁸ Habutswa Paulo naye nalola shinobulayi mbu bamubukule ta, yali nabalesheere ePamufilia, ne nalatsia ninabo khumirimo tawe. ⁴⁰ Habutswa Paulo niyahula Sila ne nibarula, nibatsia nibonjirwe omukhono nende abaheerwa khulwa obukosia bwOmwami. ⁴¹ Mana nabirira mu Siria nende Ekilikia, nibatinyisinjia amakanisa.