¹ Kho shinga olwa Kristo yanyakhana mumubiri, mwesi mwimanule abeene murio nende lipaaro elala yilio; okhuba omwene oyo owasanda mumubiri yamala okhulekha obwononi ² mbu khandi shiatsirira okhumenya obulamu bwe butonyere mumubiri mubwikombi bwabaandu ta, nebutswa khulwa elienya liaNyasaye. ³ Khubise biabira ebiobulamu, mwatusia akelienya liabamahanga , olwa mwachenda mubwikombi, elienya,obumesi obuunji,amayiingane nende emikhoyo halala nende obwinamiri obubii bwebifwanani. ⁴ Olwa bapaara mbu nelicheni,enywe okhubula okhuchenda halala ninabo tsimbiro tsindala tsiobulwani, olwababa nibaboolonga obubii khuinywe. ⁵ Khu mwene uyo oulakhalachira abeene yabo abali mwoyo nende abafwa. ⁶ Niko akachira injili yino yerwatswa khu boosi khandi abafwa, mbu banyala boosi okhukhalachirwa okhurondokhana nende abaandu mumubiri,nebutswa, mbu bamenye okhurondokhana nende Nyasaye muroho. ⁷ Nebutswa, obumalirishi bwabuli likhuwa buli ahambi,kho mube meeso nimwirechekha mukhusaaya. ⁸ Khumakhuwa kano koosi mube nende amani kobuheeri hakari wenyu abeene,okhuba obuheri bufunikha obuunji bwetsimbi. ⁹ Omukhalabani nende abeene khubeene halali okhubuulula. ¹⁰ Mbu okhurondokhana nende eshia mulala yanyoola eshihanwa, kho mukhalabanirenje murio mulala khuundi shinga abalindi abalayi aba obukosia bwaNyasaye bwafunulwa. ¹¹ Kho omundu yesi baboola, aboole shinga ouboola akaNyasaye, mbu omundu yesioukhalabana akhole kario shinga obunyali obwo neherwe nende Nyasaye, kho Nyasaye ahesibwe oluyali mukoosi muKristo Yesu, mbu muyee obwitsomi nende oburuchi bubwe khube ebisoni nebisoni, Amina. ¹² Abaheerwa, shimulalola nilili licheni okhurondokhana nende okhutemwa okhukali okhwitsa okhubatema shinga eshindu eshicheni eshibekholeshera ta. ¹³ Nebutswa musaangale mbu muli abasanji mukhunyakhana khwa Kristo, mbu olwa oluyalilwe lulafunulwa mwesi musaangale nende obusaangali obukhongo. ¹⁴ Nimuba nimufwimbwa omurwe khulwa Kristo, multi beikhabi, okhuba roho woluyali nende owaNyasaye yekhalanga ikulu wenyu. khulubeka lwabo aboolangwa khwo obubii ne olubeka bwenyu ahebungwa oluyali. ¹⁵ Nebutswa mulala wenyu shialanyakhana Shichira nomwiri tawe, nohomba omukholi we tsimbi nomba shinga uliaowiyinjisisia Mumakhuwa kaabandu bandi. ¹⁶ Ne omundu yesi nanyakhana Shichira no muKristo shialafimbwa omurwe ta, nebutswa amuheresie Nyasaye oluyali mubuyangu bwene obwo. ¹⁷ Okhuba eshise shiulire eshia obuyaasi bukhoyere okhuchakira munzu bwaNyasaye , ne nibuba nibuchaka ninefu, obumalirish bwa abeene yabo abakwa abakhayi khunjili ya Nyasaye balaba burie? ¹⁸ Ne nikaba Kali mbu abalunjishi banonwa obutinyu, balia abalamu abeshiNyasaye nende abakholi be tsimbi balaba heena? ¹⁹ Kho khulwa eshio, abeene yabo abanyakhana okhurondokhana nende elienya liaNyasaye, bahane obulindi bwe mumioyo chiabo muye khulwa okhukhola obulayi, shinga bahana khumulonji ulia omwisikwa.