¹ Ne khubakofu Bali hakarikari wenyu emboola, enywe abemiriranga abasubira: endi mulala khubakofu. Endi mulala okhubalola Kristo nanyakhananga, khandi esanga oluyali olwa Kristo Ali ninalwo mwikulu. ² Ebasaaya mbu muliisie elituli liaNyasaye elili hakari wenyu, nimubukula shiabuli obuhenjeresi bwosi. mukhole kano, balaba khulwa okhulunyibwa ta, nebutswa khulwa okhuchama ,obulali obubooli obubii ta habula khulwa amaparo kerecheshe. ³ Kata obulaba abaami khubobulaame bwaNyasaye ta, nebutswa nikhuba ebilolelo khulituuli tsana. ⁴ Ne Omwami omukhongo olwa lolekha nindio mulanyoola olusimbi lwoluyali,olulusasikhanga ta. ⁵ Kario khuinywe ababukha, mwitutuyie khubakhulundu, mbu mwesi murio mwitutuyie mulala khuundi. Mwifwale obwitutuyii okhuba Nyasaye alobanga abechinjimisi ne nahana obukosia khubeene yabo abetutuyii. ⁶ Mwitutuyie abeene hasi womukhono kwa amani kwa Nyasaye, mana naye alabachiingula khubise bikhoyere. ⁷ Nimumutukha amenya kenyu koosi, okhuba abahaneranga enywe. ⁸ Mube meeso khandi murekhwo amaani okhuba omusuku wenyu setani shinga italanyi eyihuumanga achendanga heyi nende heyi nakhaba owanyala okhusasia. ⁹ Huyo mumuinyie nimusinjiira tiiri mubusubiri nimumanyirisia amanyakhano malala yako, katuusibungwa mubaana benyu bali mushialo. ¹⁰ Nebutswa Nyasaye wobukoosia bwosi owakhulanga khulwa oluyali lwe lweinziayo muKristo Yesu mbu olunyuma lwokhunyakhana khuluhono akabakhola abalamba, kabatinyisie, kabaheresie amaani nende okhubaralisia enywe. ¹¹ Mbu mube lubemwo oluyali, oburuchi ebisoni nebisoni. Amina. ¹² Okhurula khu Silifano omusiani wefu omwisikwa khuinywe, shinga olwa enganakania ehandiche mubwimbichiti nendinyisinjia nende okhurusia obuloli mbu buno nobukoosia bwakatoto obwa Nyasaye, obwa enywe musinjirangamwo. ¹³ Elikanisa elili muBabeli, abalobolwa halala ninenyu, babashesia enywe, kata yesi ario Mercus omwana wanje omusiani abashesia. ¹⁴ Mbu mushesanie enywe mulala khuundi nende okhutsunzunana khwobuheri. Omulembe mube khuinywe mwesi abali muKristo Yesu.Amina.