¹ Munjira ndala iyo, enywe abakhasi, mwitutuyie khubasatsa benyu abeene; mbu, niyakhabao yesi oulaulira likhuwa ta, balia ababula likhuwa babe abanyala okhuhulwa okhubirira mubiima bia abakhasi; ² Olwa baba abaloli bemiima chiabo emilayi halala nende oburii. ³ Balia abobwisiyi bwabo shibuli obweranyi shinga okhulukha amaswi, nokhwifwala itsahabu, nohomba okhwifwala ebifwalo biobukusi; ⁴ Habutswa abe omundu wulia owomukari oulalolekhanga ta, mukalia akalasasikhanga ta, mbu ebifwalo bia obuholo nende roho wobuholerefu, ebiri nobukusi obukhongo imberi wa Nyasaye. ⁶ Munjira yiyo Sara yamuhulira Abrahamu, namulnga mbu omwami, owa enywe muli abakhana be, olwa muba nimukhola amalayi, nimulali abarii be likhuwa liokhuhuchisia ta. ⁷ Munjira yeneyo, enywe abasatsa, mumenye ninabo namachesi, nimuheresia omukhasi oluyali, shinga eshiungo eshiteshere, nimuli abobulaame halala mubukosia bwobulamu; mbu amasayo kenyu kaleshe okhwikalirwa. ⁸ Mukhumalirisia, mube nende amapaaro malala, nimulolerana eshisa abeene khubene, nimuheera shinga abaheerwa, bubereranenje, nimiima emilayi: ⁹ Shimularunga obubii khubundi tawe, nohomba likhobo khwi khobo ta: bukhala bwene mulame tsikhabi; nimumanyire nishio eshia mwalanjirwa, mbu munyoole ikhabi yobulaame. ¹⁰ Naye wulia owitsa okhuchama obulamu, mana alole tsinyanga tsindayi, akhoyere okhwikalira olulimi lulwe okhurula khubwononi, khandi omunwa kukwe okhubula okhurumbula obumayanu: ¹¹ Lekha yeyaule okhurula khububii, mana akhole amalayi; lekha akhaabe omulembe, mana akulonderere. ¹² Okhuba tsimoni tsiOmwami tsiri khu wulia obulunjishi, nako amarwi ke kekushira amasaayo kaabo: habutswa obweni bwOmwami buyiinga balia abali abakhola obwononi. ¹³ Khandi ni wiina wulia owitsa okhubasalisia enywe, nikakhaba enywe muli abalondanga kalia akali amalayi? ¹⁴ Kata nimuba nimusalisibwa khulwa obulunjishi, enywe muli abeikhabi: shimularia khulwa amariisia kaabo ta, kata mulaheenda tawe; ¹⁵ Bukhala bwene mutsienule Omwami Nyasaye mumioyo chienywu: mana mwirecheshe ebise bioosi okhuhana amakalusio khu buli mundu ourebaanga okhulondokhana nende obunaayi buli munywe nobwitiitiyi bwenyu nende oburii: ¹⁶ Nimuli nobupaari obulayi; mbu, olwa baba nibamuboola khwo obubii, ¹⁷ shinga abakholi betsiimbi, bafwimbwe emirwe khulwa amakhuwa akobubeyi khu injenda yenywe indayi mu Kristo. ¹⁸ Okhuba Kristo yesi yasanda lulala khulwa obwononi, omulunjishi khulwa abalali abalunjishi tawe, mbu abe oukhureera khu Nyasaye, nikhuli owafwa mumibiri, nakholwa omulamu muroho: ¹⁹ Munjira yene yiyo yatsia nakambira tsiroho etsiali mumbohe; ²⁰ Etsiali olundi nitsiri shikhayi, olwa olundi okhwifiira khwamala Nyasaye khwalio mutsinyanga tsia Nuhu, olwa eliaro liali nilishikasibungwa, ewa batiiti, emioyo munaane chionyene chiahonibwa okhubirira mumatsi. ²² Owamala okhutsia mwikulu, mana ali omukhono omusatsa kwa Nyasaye; abamalaika nende obunyali nende amaani nobunyali nibirebwa hasi wuwe.