¹ Ndalingala ebikha bia mwana we likondi nga yafunula silala khubibalikho saba ndabulira mulala khubilia bine ebiobulamu nibiboola mudoboosi eyabulilikhana khwadulukhana okhwe likulu, "Icha !" ² Ndalingera ne khwaliwo ifarasi indafu owayininakho yali nende esikae naye naberesibwa lusimbi yarulirao nga omukhiri okhoyera akhire. ³ Ngolwa mwana we likondi yafunula sibalikho sia khabiri, ndabulira esiobulamu sia khabiri nisiboola,"Icha!" ⁴ Khandi ifarasi eyindi nirulirao yali injakhanyu lukali owayininakho yaberesibwa obunyala bwo okhumalao omulembe musialo mbwe abaandu basinjane owayininakho uno yaberesebwa olupanga lukhongo. ⁵ Ngolwa omwana we likondi yafunula esibalikho esia khadaru ndabulira esiobulamu sia khadaru nisiboola,"Icha!"ndalola ifarasi imalii owayininakho yali nende chiratili mumukhono kwaye. ⁶ Ndabulira eidoboosi eyabonekhana khuba eya silala khusila esiobulamu nisiboola, esipimiro sia eingano khu idinari ndala nende ebipimiro bidaru ebia ishayiri khu idinari ndala, araali oranyasia mafura nende ifini." ⁷ Ngolwa omwana we likondi yafunula sibalikho sia khane ndabulira eidoboosi eya esiobulamu esiakhane nisiboola, "Icha!" ⁸ Lunyuma nimbona ifarasi yanasikohakokhe. Owayininakho yalangwa elira liaye lifwa nende emagombe yali nimulondanga baberesibwa obunyala akulu wesimeka siesialo okhwirwa nende olupanga, nende injala nende obulwaye nende khu echisolo chio musino musialo. ⁹ Nga olwa omwana we likondi yafunula sibalikho sia kharano ndalola asi wobwali rokho chia balia abali nibeerwa khulwa elikhuwa lia Nasaye khurulana nende obuloli obwa bali nabwo. ¹⁰ Nibalira khu doboosi ikhongo khula lina, omukhongo wa abatakatifu boosi nende owadieri onabakhalakira abekhale akulu we sialo nende khurungisia amabi ka mabanga kefwe? Buli sia mulala yaberesebwa ikanju indafu ne nibaboolerwa mbwe ¹¹ bikhoyeera khulindakho budiidi khula obubali bwichufu obwa barumikhi basiabwe nende abakheerwa babwe aba sikhasi nende abe sisaacha linolerera, baneerwa ngolwa biali berwa. ¹² Nga olwa mwana we likondi yafunula sibalikho sia khasasaba ndalingala nikhwali nende sialo khurengerekha khukhongo eliuba liali limali kori obukhinga ne omwosi mulamba nikuba nga amabanga. ¹³ Ching'ining'ini chio mwikulu nichilakakha musialo nga musala nikubulungusia biamo biakwo bikha ebia omuyaka kwa maani. ¹⁴ Likulu liarulao nga likanya liamandiko nilikanyua. Buli olugulu nende esiginga biabuisibwa abuundu wabwe. ¹⁵ Nabo abaruki be sialo nende abaandu abaifuma nende abakhongo ba maye, abayinda abamaani nende buli siamulala oli omuboye nende omulekhule, nibekisa mumaulukhu nende mumakina ke chingulu. ¹⁶ Nibaboolera chungulu nende chinyanda "Murukwekho murukise okhurula mubweni bwa owikhale khusisala sio buruki nende khurula mulirima liomwana welikondi. ¹⁷ Khulwa khubeera inyanga ikhongo eyelirima liaye yolerere ne wina onyala yema?"