¹ Ndamala nindola mumukhono omulungi okwa ulia owali niyekhale khusisala esio buruki, esitabo esiali nisiandiikwa imberi nende inyuma, ne siali nisirerwekho bibalikho saba. ² Ndamulola malaika mukhongo nayaala mudoboosi ikhongo "Niwina onyala okhufunula sitabo sino mani afunake ebibalikho biasio?" ³ Khasi yalio omuundu mwikulu kose khusialo kose asi wesialo owanyalirwa okhufunula esitabo kose okhusisoma. ⁴ Ndalira mubuchuuni khubeera mbwe khasi yanyolekha yesi yesi owali nanyala okhufunula sitabo kose khusisoma. ⁵ Araali mulala khubakhulundu yamboolera, "Ora lira". Lingeera idalang'i ya luuyia lwa Yuda esisina sia Daudi akhirire, ni anyala ofunula esitabo nende biibalikho biasio saba". ⁶ Ndalola omwana welikondi akari we sisala sio buruki nende abilimo obulamu bine ne mubakhulundu ndalola omwana we likondi niyemere owalolekhana kori owali niyerwa. Yali nende chinjika saba nende chimoni saba, chino ne chirokho saba chia Nasaye echiarumwa musialo siosi. ⁷ Nachia nasibukula esitabo okhurula mumukhono omusaacha okwa ulia owekhala khusisala esioburuki. ⁸ Nga olwa yabukula esitabo, ebiobulamu bine nende abakhulundu amakhumi kabiri nende bane bakwa asi imberi wa omwana we likondi. Buli omuundu yali nende obukhana, nende sikae sia idakhabu esiali nisichule obubani, akali masayo ka abaandu ba Nasaye abatakatifu. ⁹ Bemba olwimbo luyakha: Oyera okhubukula esitabo nende okhufunula ebibalikho biasio." Khubeera wasinjwa ne khu mabanga kao wakulira Nasaye abaandu, abaandu ba buli embia, lulimi, echinjibulo nende sialo. ¹⁰ Nobakhola obwami nende abakukhani khulwa okhumurumikhira Nasaye wefwe, nabo banaruka akulu we sisala. ¹¹ Ndamala niningala nimbulira idoboosi ya malaika baangi nibabodokhane esisala sia oburuki- nende ebiobulamu nende abakhulundu. Obuungi bwabwe bwali elefu ekhumi echie chielefu ekhumi nende elefu echie chielefu ¹² Nibaboola mudoboosi ikhongo, ayera omwana we likondi ulia owasinjwa okhunyoola obunyala, obuyinda, obukesi, amaani, esiribwa oluyali nende ifuma. ¹³ Ndabulira buli siosi esialong'wa esiali mwikulu nende musialo asi wesialo nende akulu we inyanja buli siindu mukari wasio nisiboola, "Khuniye owikhale khusisala sioburuki nende khu mwana we likondi ibeo ifuma esiribwa oluyali nende amaani kokhuruka obumeri nende obumeri". ¹⁴ Ebiobulamu bine nibiboola "Amina!" naye abakhulundu bagunama asi nibenamira.