¹ Lunyuma lwa makhuwa kano ndalingeera, nindola mbwe omuliango kwali kwikulwe mwikulu. Idoboosi yamberi eyandabulira, yali ninomanomeranga yali ifwana kori turumbeta, niyiboola yiri, " icha ano, ndakhwekesia akachia orulirao lunyuma lwa makhuwa kano." ² Ebikha bilala ndali murokho, ndabona khwaliwo nende esisala sio buruki sirerwe mwikulu, ne omuudu yali asikhalekho. ³ Omulala owali asikhalekho yalolekhana kori elikina lia yasipi nende akiki. Khwaliwo nende oluyiingi lwe yifula nilobudokhane esisala sio buruki. Oluyiingi lweyifula lwalolekhana kori isumaridi. 4 Ebisala bindi amakhumi kabari nende bine biali bibodokhane esisala nibikhalwekho nende abakofu abali nibefwalire ebiefwalo bilafu nende echisimbi cha idakhabu khu mirwe kiabwe. ⁵ Okhurula khusisala esio buruki chiarula echimiesu echielikulu, omwadulukho nende elikulu echitaara saba chiali nichiadukha imberi wesiialok esio buruki, echitaara echio nichio echirokho chia Nasaye. ⁶ Khaandi imberi wesisaala esio buruki yaliwo inyaanja, ya ilolekha kori irang'io. Akari wesisaala sio buruki nende chimbeka chioosi echie sisaala sio buruki khwali nened echisolo chine echichulikho echimoni imberi nende inyuma. ⁷ Esolo yamberi yali kori idalang'i,ne eyo khubiri yafwana kori imoosi ne eyo khudaru yali nende obweni kori omuundu, nayo esolo eyo kkhune yali kori ingosia iburukha. ⁸ Ne echisolo echio chine chiali nende echimbaya chisasaba buli ndala;nichiali nichichulemo echimoni;ne sichabulukhanga esidere nende esiro,okhuboola,omutakatifu,omutakatifu,omutakatifu,Omwami Nasaye Omunyala,owluwo,oluwo,khaandi onecha. ⁹ Ne echisolo echio chiberesia oluyaali nende esirbwa nende okhuuba orio khu ulia owikhale khusisaala,omenyere obumeri nende obumeri. ¹⁰ Abakofu amakhumi nende bane benaba imberi wa ulia owikhaale khusisala esio buruki,nibamwinamira ulia omenya obumeri nende obumeri, nibasukuna echsimbi chabwe imberi wesisala, nibaboola, ¹¹ "Okhoyera ewe, Omwami,okhunyoola oluyaali nende esiriibwa nende obunyala:okhubeera ewe walonga ebiindu bioosi, nende elienya liaobiosi bili khaandi bialongwa