¹ Olunyuma lwa ako ndaboona abamalaika bane nibemere muchimbeka chine echiesialo bekalire emiyaka kine ekisialo mumaani mbwe khubeera khurabao nende emiyaka kiucha musaialo, akulu we inyanja kose khu musala kwosi. ² Ndaloola malaika oundi niyeecha khurula ebukwe owali nende esibalikho sia Nasaye omulamu . Nalira khu doboosi ikhongo khu bamalaika bane ababeresibwa abweyango bwo khunyasia sialo nende inyanja. ³ Muranyasia sialo inyanja, kose emisala okhuula kori khunaba nikhumalire khurakho sibalikho mubweni khumirwe kia abarumikhi ba Nasaye wefwe" ⁴ Nimbulira obuungi bwa balia abarebwakho esibalikho elefu embia ndala amakhumi Kane nende chine abarebwakho sibalikho khurula mubuli oluyia lwa abaandu ba Isiraili . ⁵ elefu ekhumi nende chibiri khurula khu oluyia lwa Yuda, barebwakho sibalikho elefu ekhumi nende chibiri khurula khu luyia lwa Rubeni,elefu ekhumi nende chibiri khurula khu luyia lwa Gadi. ⁶ Elefu ekhumi nende chibiri khurula khju luyia lwa Asheri, elefu ekhumi nende chibiri khurula khu luyia lwa Naftali elefu ekhumi nende chibiri khurula khu luyia lwa manase. ⁷ Elefu ekhumi nende chibiri khurula khu luyia lwa Simioni elefu ekhumi nendechibiri khurula khu luyia lwa Lawi elefu ekhumi nende chibiri khurula khu luyia lwa Isakari. ⁸ Elefu ekhumi nende chibiri khurula khu luyia lwa Zebuloni elefu ekhumi nende khurula khu luyia lwa Yusufu elefu ekhumi nende chibiri khurula khu luyia lwa Benjamini abarebwakho esibalikho. ⁹ Olunyuma lwa amakhuwa kene kano ndalingala ne khwali nomukanda mukhongo aumawo omuundu owakhanyalire okhukubala khurula mubuli sialo, oluyia olwibulo nende olulimi bemere imberi we sisala sia oburuki nende imberi wa mwana we likondi. Bali bafwalile ikanju indafu nende masaga ka makhindu mumikhono kiabwe, ¹⁰ ne bali nibalanga khudoboosi ya akulu "Obuwonia nikhu Nasaye, owikhale khu esisala esio buruki, nende khu omwana we elikondi!" ¹¹ Abamalaika boosi bali nibemere khubodokhana sisala esioburuki nende khubabodokhana abakhulundu alala nende ebiobulamu bine, nibaguname asi khu liloba nibara obweni bwabwe akulu weriloba imberi wesisala esio buruki ne nibamwinamira Nasaye, ¹² Nibaboola amina ifuma, oluyali obumanyirisi, okhwebasia, esiribwa obunyali nende amaani bibe khu Nasaye wefwe obumeri nende obumeri! Amina.!" 13 Omulala khu bakhulundu nakalusia" naboola bano ni babwe wina abefwalire ikanju indafu ne barulire ena?" ¹⁴ Nibaboolera omwami mukhongo newe omanyire"khandi nambolera bano ni balia abarula mubudinyu bukhongo obsisie echikanju chiabwe chindafu nibenikha mumabanga aka omwana we likondi. ¹⁵ Khulwe esifune esio bali imberi wesisala esio buruki esia Nasaye, ne bamwinamira ye esiro nende esidere mulikhekalu liaye oyo owikhale akulu wesisala esio buruki anasalasia eliyema liaye akulu wabwe. ¹⁶ Khasi banabona injala khandi, kata obuluwo kata omubasu khasikunabora kata obubafu obwo khulasia. ¹⁷ Khulwa khuba omwana we likondi ali akari we esisala esio buruki anaba omwayi wabwe ne anabemirira akari weisebere ya machi akobulamu ne Nasaye anabeya buli lisika muchimoni chiabwe.