¹ Ne nindola elikulu liyakha nende sialo siyakha, elikulu lia mberi nende esialo sia mberi bimalire okhubira, ne inyanja khandi khasi yaliwo dawe. ² Ndalola elidookho litakatifu Yerusalamu injiakha, eyeecha asi khurula mwikulu owa Nasaye, eyakasibwa nga omukhasi wesiserero owaronwa olwa omusacha waye. ³ Ndabulira idoboosi ikhongo khurula khu sisala sio buruki niibola, lingera: obwikhalo bwa Nasaye buli alala nende abaandu, naye anamenya alala nabo. Banaba abaandu baye. Naye anaba Nasaye wabwe. ⁴ Aneeya buli lisika khurula mumoni chiabwe ne khandi khasi khunaba nende khufwa dawe. kata okhuberera, kata khulira, kata machuuni. Amakhuwa makhale kamalire okhubira. ⁵ Ulia owali niyekhaale khu sisaala sioburuki naboola, lingera khola amakhuwa koosi khuba mayakha. "Yaboola, "wandiike kano asi khubeera amakhuwa kano nikobwesikwa khandi kobwadieri. ⁶ Yambolera, amakhuwa kano kamala okhubira, esie ndi alfa nende omega okhuchaaka nende okhumalirikha, ula yesi oli nende obuluo njia okhumuberesia esiokhung'wa esibula obukusi khurula musebere ya maachi akobulamu. ⁷ Ne ula okhira yakhanyole obulaame bwe ibindu bino, ne ndakhabe Nasaye waye naye yakhabe omwana wange. ⁸ Arali ngolwa bili khubala, abarasubira abasinyisianga, abeeri, abayeeyi, abalosi, abenamiranga ebifwanani, nende ababacha boosi, olubeka lwabe lwakhabe munyanja eyomuliro okusamba okulasianga. Elio nilio liifwa lia khabiri. ⁹ Mulala khu bamalaika saba niyeecha khwesie, ula owali nende ebikaye saba ebialimo manyakhano saba okobumalirikhi naboola icha ano ndakhwekesia omukhasi wa esiserero, omukhasi wa omwana we likondi. ¹⁰ Lunyuma nambukula mu rokho khulugulu lukhongo khandi olurambi ne nanjekesia elodookho litakatifu Yerusalemu niikha asi khurula mwikulu khu Nasaye. ¹¹ Yerusalemu yali nende oluyali lwa Nasaye, ne bulafu bwayo bwali kori elikina lia obukusi elichwenefu lilafu elia yasipi. ¹² Khwali nende liida likhongo elirambi eliri nende ebiribwa ekhumi nende bibiri, alala nende malaika ekhumi name babiri khu biribwa. Khu biribwa khwali nende obwandiike obwa chimbia ekhumi nachibiri echia abaana ba Isiraili. ¹³ Ebuleka wa ebukwe khwali nende ebiribwa bidaru ebuleka wa emwalo khwali nende ebiribwa bidaru, ebuleka wemukulu khwali nende ebiribwa bidaru, ebuleka wemumbo khwali nende ebiribwa bidaru. ¹⁴ Eliida lie lidookho liali nende emise ekhumi nakibiri, ne akulu wakio khwali nende amera ekhumi nende kabiri akabarumwa bomwana welikondi. ¹⁵ Mulala owalomaloma nange yaba nende sikero sia indaukhi eyareresibwa muidakhabu khulwa okera elidookho, ebiribwa bialio nende eliira lialio. ¹⁶ Elidookho liali elia chimbeka chine; burambi bwalio bwali bwakana nende bubambali bwalio yakera lidookho musikero esia indaukhi, amakada elefu ekhumi nachibiri muburambi(oburambi bwalio obubambali nende esiako biafwanana) ¹⁷ khandi kario yakera eliida liakwo obukhomefu bwalio bwali echikabiro 144, bikero bia baandu(Ebiali khandi ebikero bia malaika. v 18 Eliida liali niliumbakhirwa amakina kayasipi nende lidookho elia idakhabu indafu eliri nge igilasi indafu. ¹⁹ Emiise ekia liida kiali ni kiaronwa nende imbia eyelikina lia obukusi. Eliamberi liali yasipi elia khabiri liali sapira eliakhadaru liali agati elia khane liali isamaridi ; ²⁰ Elia kharano liali saridonike, elia khasasba liali akiki, elia saba Kirisolitho, elia munane sabarajadi, elia tisa liali yakuti, elia ekhumi Kiriporaso, elia ekhumi nende ndala liali kintho, elia ikhumi nende chibiri amethisto. ²¹ Ebiribwa ekhumi na bibiri biali echilulu ekhumi na chibiri, buli siribwa siareresibwa khurula khu ilulu ndala. Chingongo chia lidookho chiali idakhabu indafu nilolekha kori ikio injwenefu. ²² Sindabona ikhekalu yosi yosi mulidookho khubeera omwami Nasaye,orukanga akulu wa bioosi, nende mwana we likondi bioosi nelikhekalu liaye. ²³ Lidookho khaba khasi lienya eliuba kose omwosi mbwe kukhosie akulu walio khubeera oluyali lwa Nasaye lwakhosia akulu walio, ne itara yalio ni mwana welikondi. ²⁴ Abechimbia bakhakende mubulafu obwa lidookho elio. Abaruki be sialo bakhareremo oluyali lwabwe mukari omwo. ²⁵ Ebiribwa khasi biakhekalwe musidere khandi khasi khwabe nende siro. ²⁶ Bakharere oluyali nende siriibwa esia echimbia mukari omwo. ²⁷ Ne sibulao esimaanu esiakhengire mukari omwo kata yesi yesi okhola likhuwa liosi liosi eliesifwaabi kata obubacha, araali ni balia aba ameera kabwe kandiikwa musitabo sia obulamu sia omwana welikondi.