¹ Lunyuma ndalola malaika niyekha khurula mwikulu, nali nende olufungio olwa elina elibula esiakamo nende omunyororo mukhongo mumukhono kwaye. ² Yadiira injukha iria, injukha yakhale, eiri sikhieno kose sitani, nende okhumuboya emiaka elefu. ³ Yamusukuna mulina elibula esiakamo. Nalikala nende khurao sibalikho akulu walio. Kano kali kario mbwe arababacha abechimbia okhula nga emiaka elefu kiakhabwe. Nikibwere lunyuma lwa ako yakhalekhulwe khu bikha bimbikiri. ⁴ Ne nindola ebisaala ebioburuki. Ne abali nibekhalekho nibo ababeresebwa obunyala obwa okhukhalaka, siesi ndalola emioyo kia balia abali nibakhengerwekho emirwe khulwobuloli khu Yeso nende likhuwa lia Nasaye . Bali nibasiiri okhwinamira isolo kose esifwanani siayo, nibakhaya okhunyola esibalikho akulu wa obweni bwabwe kose khumukhono. Ne bachia mubulamu, nibaruka alala nende kirisito emiaka elefu. ⁵ Abafu abadong'a nabo khasi balamukha khuula emiaka elefu ngolwa kiali nikibwere. Buno nibwo, obulamusi obwamberi. ⁶ Oweikhabi khandi mutakatifu ni muundu yesi yesi obukulanga obweyango mubulamusi bwamberi;akulu wa ako elifwa lia khabiri libula amaani.khwakhabe nende abakukhani ba Nasaye nende aba kirisito ne bakharuke alala naye emiaka elefu. ⁷ Ebikha ebia emiaka elefu nikiba nikibwere sitani yakhalekhulwe khurula mububoye bwaye. ⁸ Achia khuchia erwanyi okhubacha abechimbia khurula echimbia chine echia esialo - Gogu nende Magogu khubagaama alala khulwa eliyie. Bakhabe abaangi kori omusenye okwa munyanja. ⁹ Bachia akulu khusialo esio sikwalafu nibabodokhana olukoba olwa abaandu batakatifu ba Nasaye, lidookho liakheerwa. Arali omuliro kwecha khurula mwikulu nikubamira. ¹⁰ Sitani owababacha , yasukunwa mukari mwa inyanja eya omuliro. Omwa isolo nende abanabii ababacha bali nibamalire osukunwa. Banasandisibwa esiro nende sidere obumeri nende obumeri. ¹¹ Ndalola esisaala sioburuki sikhongo esilafu ne ulia owali niyekhalekho. Esialo nende elikulu bierukha okhurula imberi waye, araali khasi khwaliwo nende obweyanga bwabwe khuchia. ¹² Ndabona abafu abeichuoni abarakhoyera nibemere imberi wesisaala sio buruki, ne bitabo nibiikulwa khandi esitabo esiobulamu. Abafwa bakhalakirwa khukandikwamo khukala akandikwa musitabo, khulondana nende ikhola yabwe ¹³ Inyanja yabarusia abali mukari mwayo. Elifwa nende emagombe bialekhula balia abali mukari mwabwe, abafwa nibakhalakirwa khukala akabali nibakhola. ¹⁴ Elifwa nende magombe biashukunwa munyanja eya omuliro. Lino nirio eliifwa elia khabiri inyanja eya omuliro. ¹⁵ Nikalimbwe eliira lia oyo yesi yesi khasi lianyolekhana niliandikwa musitabo siobulamu yasukunwa munyanja eyomuliro.