¹ Malaika yamala nanjekesia omwalo kwa amachi ko obulamu, amalafu akokhung'enang'ena nga ibilauri .kali nikakhulukusianga okhurula khu sisaala sia oburuki esia Nasaye nende esia Omwana wa elikondi. ² Okhubirira akari wolukongo lwa lidookho .Khu buli lubeka lwa omwalo khwali nende omusaala okwa obulamu , okhwibulanga echingeri ekhumi nachibiri echia ebiamo,ne kwibulanga ebiamo buli omwosi.Amasafu ka omusala kaliwo khulwa okhuwonia ebialo . ³ Ne khasi khuchia okhubao esichubo siosi khandi .Esisaala sia Nasaye nende esia omwana welikondi siakhabe mukari mwa lidookho ,ne abakholi baye bachia omukholera. ⁴ Bakhamulole obweni bwaye,ne lira liaye liakhabe akulu wa wobweni bwabwe. ⁵ Khasi khwakhabe nende esiro khandi ,kata khasi khwakhabe nende elienya lia obulafu bwa itara kose eliuba khulwa khubeera Nasaye yakhakhosie akulu wabwe .Ne yakharuke obumeri nende obumeri. ⁶ Malaika niyamboolera mbwe ,amakhuwa kano nakokhusubira khandi kobwadieri. Omwami Nasaye we chirokho chia banabii yamuruma malaika waye okhubekesia abakholi baye esichia okhwekholekha ambi ano". ⁷ Lingala; ndi okhwicha lwangu; Yongerwa chikhabi oyo orichanga amakhuwa aka obunabii bwa esitabo sino. ⁸ Esie Yokhana, nesie mulala owabulira nende okhubona amakhuwa kano. Nga olwa ndabulira nende khukabona, ndakwa mwene asi wa makulu ka malaika khumwinamira, malaika owanjekesia amakhuwa kano. ⁹ Yaboolera orakhola orio esie ndi omukholi wasio, alala nende abakheerwa bao banabii alala nende balia abaria amakhuwa kesitabo sino mwinamire Nasaye!" ¹⁰ Ne niyamboolera, oraraakho esibalikho khumakhuwa kobunabii bwesitabo sino, okhubeera ebikha bili ambi. ¹¹ " ulia orali omulungufu achiririre okhuraba mulungifu. Ulia owebima bibii achiririre okhuba owebima bibii. Omulungifu achiririre okhuba omulungifu. Oli omutakatifu achiririre okhuba mutakatifu" ¹² "Lingala! ndi okhwicha lwangu omukabo kwange kuli alala nange, okhurunga buli siamulala okhulondana nende esiayakhola. ¹³ Esie nesie ndi alufa nende omega owamberi khandi owokhumalirikha okhuchaka nende khumalirikha. ¹⁴ Be ikhabi bala abosianga ebiefwalo biabwe mbwe banyoole obunyala bwa okhulia khurula khumusaala kwa obulamu nende okhwingira mulidookho okhubirira mubiribwa. ¹⁵ Erwanyi khuliyo nende chimbwa, abalosi, abayeyi, abari, abenamiranga ebifwanani nende buli owakheera oboolanga obuloli bwobubacha. ¹⁶ Esie Yeso murumire malaika wange khubarusiria obulooli khu bindu bino khu makanisa. Esie ndi omusi kwa olwibulo lwa Daudi ing'ining'ini ya ichuli ing'enang'enanga." ¹⁷ Rokho nende omukhaye we esiserero aboola "Icha " ne ula obulira aboole "Icha" Yesi yesi oli nende obuluo, yeeche naye yesi yesi owekoomba anyole amaachi kobulamu bikhaya. ¹⁸ Mbarusiria obuloli buli muundu obuliranga amakhuwa ka obunabii bwa esitabo sino: nikaba mbwe yesi yesi achia okhumeeda khu ako naye achia okhumendwakho amanyakhano akandiikwa musitabo sino. ¹⁹ Nikali omuundu yesi yesi achia okhumalakho amakhuwa kesitabo sino esiobunabii Nasaye achia okhumumalakho esimeka siaye khurula khu musaala kwobulamu nende okhurula mulidookho litakatifu owa makhuwa kaye kandiikwa mukari wesitabo sino. ²⁰ Ula orusianga buloli khu bindu bino abola kario, "Njicha lwangu" kabe kario! Icha , Omwami Yeso! ²¹ Obukoosia bwa Omwami Yeso bube nende buli muundu. Kabe kario.